လံာ်ယိၤဟၣ် 6:70 - Sgaw Karen Common Bible

⁷⁰ ယ့ၣ်ၡူးစံးဆၢအဝဲသ့ၣ်, “ယဃုထၢသုဝဲတဆံခံဂၤ တမ့ၢ်ဘၣ်ဧါ. အန့ၣ်ဒၣ်လဲာ်ပှၤလၢသုကျါတဂၤန့ၣ်မ့ၢ် မုၣ်ကီၤလံၢ်လီၤ.”

လံာ်ယိၤဟၣ် 6:70 Iomraidhean Croise

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်ယိၤဟၣ် 13:21

ယ့ၣ်ၡူးစံးတၢ်အံၤဝံၤဒီးအသးဘၣ်တံာ်တာ်ဒိၣ်ဒိၣ် ကလဲာ်ဒီးကတိၤဖျါထီၣ်ဝဲ, ‘ယစံးဘၣ်တဲဘၣ်သုတၢ်မ့ၢ် တၢ်တီ, ပှၤလၢသုကျါတဂၤကဟ့ၣ်လီၤကွံာ်ယၤလီၤ.”

လံာ်ယိၤဟၣ် 13:27

တုၤစီၤယူဒၤဟံးန့ၢ်အီၣ်ကိၣ်ဝံၤတဘျီဃီဒီး, မုၣ်ကီၤလံၢ်နုာ်လီၤလၢအသးပူၤန့ၣ်လီၤ. ယ့ၣ်ၡူးစံးဘၣ်အီၤ, “တၢ်လၢနကဘၣ်မၤန့ၣ်မၤချ့ချ့တက့ၢ်.”

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:19

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.

လံာ်ယိၤဟၣ် 17:12

ဖဲယအိၣ်ဒံးဒီးအဝဲသ့ၣ်န့ၣ်, ယအံးကွၢ်ကဟုကယာ်က့ၤအီၤလၢနမံၤအစိကမီၤအပူၤ, မံၤလၢနဟ့ၣ်လီၤယၤန့ၣ်လီၤ. ပှၤလၢနဟ့ၣ်လီၤယၤတဖၣ်န့ၣ်, ယကဟုကယာ်အီၤဒီးအဝဲသ့ၣ်တလီၤမၢ်နီတဂၤဘၣ်. လီၤမၢ်ကွံာ်ဒၣ်ထဲပှၤလၢအကဘၣ်လီၤမၢ်ဒၣ်တၢ်တဂၤ, ဒ်သိးတၢ်ကွဲးအသးကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

လံာ်ယိၤဟၣ် 2:2

ယ့ၣ်ၡူးဒီးအပျဲၢ်အဘီၣ်တဖၣ်ဘၣ်တၢ်ကွဲစ့ၢ်ကီးအီၤဆူမူး တမူးအံၤန့ၣ်လီၤ.

လံာ်ယိၤဟၣ် 20:24

ဖဲယ့ၣ်ၡူးဟဲဝဲန့ၣ်, စီၤသိၤမါ (လၢအဘၣ်တၢ်ကိးအီၤလၢပှၤ သဃံာ်) လၢအမ့ၢ်အပျဲၢ်အဘီၣ်တဆံခံဂၤအကျါတဂၤန့ၣ်, တအိၣ်လၢအဝဲသ့ၣ်အသိးအကျါဘၣ်.

လံာ်ယိၤဟၣ် 6:64

သုဝဲတနီၤနီၤသုတနာ်ယၤဘၣ်.” (ပှၤတဖၣ်လၢ အတစူၢ်က့ၤနာ်က့ၤတၢ်ဘၣ်ဒီးပှၤတဂၤလၢအကဟ့ၣ် လီၤကွံာ်အီၤန့ၣ်, ယ့ၣ်ၡူးသ့ၣ်ညါဝဲလၢအခီၣ်ထံးလံၤလံၤလီၤ.)

လံာ်ယိၤဟၣ် 6:67

မၤသးဒ်န့ၣ်ဒီးယ့ၣ်ၡူးသံကွၢ်အပျဲၢ်အဘီၣ်တဆံခံဂၤ, “သုဝဲသ့ၣ်လဲၣ်, သုကက့ၤကဒါက့ၤစ့ၢ်ကီးဧါ.”

လံာ်ယိၤဟၣ် 6:71

ယ့ၣ်ၡူးကတိၤတၢ်အံၤဘၣ်ဃးစီၤၡံမိၣ်အံၣ်စကၤရံၤအိာ် အဖိခွါစီၤယူဒၤန့ၣ်လီၤ. အဝဲမ့ၢ်အပျဲၢ်အဘီၣ်တဆံခံဂၤ အကျါတဂၤသနာ်က့, ကသမၢယ့ၣ်ၡူးဒီးဟ့ၣ်လီၤကွံာ်အီၤ န့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

မၤတၢ် 1:17

စီၤယူဒၤမ့ၢ်ပှၤတဖုတကရၢဃီဒီးပှၤ, အဂ့ၢ်မ့ၢ်လၢအဘၣ်တၢ်ဃုထၢထီၣ်အီၤလၢအကလဲၤ က့ၤဖံးမၤသကိးတၢ်ဒီးပှၤအဃိန့ၣ်လီၤ.”

မၤတၢ် 13:10

ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

၁ တံၤမသ့း 3:11

ပိာ်မုၣ်တဖၣ်စ့ၢ်ကီးကဘၣ်အိၣ်ဒီးသကဲာ်ပဝးလၢအဂ့ၤ, ဒီးတဘၣ်မ့ၢ်ပှၤလၢအသီၣ်ဝံသဲကလၤတဖၣ်န့ၣ်ဘၣ်. အဝဲသ့ၣ်ကဘၣ်ပာ်အသးသညူးသပှၢ် ဒီးကဘၣ်မ့ၢ်ပှၤလၢ အကလုၢ်တီဝဲလၢတၢ်ခဲလၢာ်အပူၤန့ၣ်လီၤ.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.