လံာ်ယိၤဟၣ် 6:56 - Sgaw Karen Common Bible

⁵⁶ ပှၤတဂၤလၢ်လၢ်လၢအအီၣ်ယညၣ်ဒီးအီယသွံၣ်န့ၣ်မူလၢယပူၤ, ဒီးယမူလၢအပူၤလီၤ.

လံာ်ယိၤဟၣ် 6:56 Iomraidhean Croise

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

စံးထီၣ်ပတြၢၤ 91:9

အဂ့ၢ်ဒ်အံၤ, နဒုးကဲထီၣ်တ့ၢ်လံယွၤလၢ နတၢ်ပူၤဖျဲးအလီၢ် ဒီးတၢ်ထီကတၢၢ်တဂၤလၢ နတၢ်အိၣ်တၢ်ဆိးအလီၢ်န့ၣ်လီၤ.

လံာ်သးသယုၢ်တၢ် 3:24

ယွၤမ့ၢ်တၢ်အိၣ်ဒီးယၤခဲလၢာ်လီၤ. မၤသးဒ်န့ၣ်ဒီး, ယကပာ်ယတၢ်မုၢ်လၢ်လၢအပူၤလီၤ.

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 14:23

ယ့ၣ်ၡူးစံးဆၢတၢ်ဒီးစံးဘၣ်အီၤ, “ပှၤတဂၤလၢ်လၢ်လၢ အအဲၣ်ယၤန့ၣ်, ကတိၢ်န့ၢ်ဒီးမၤထွဲယကလုၢ်ကထါလီၤ. ယပၢ်ကအဲၣ်အီၤ, ဒီးယပၢ်ဒီးယၤပကဟဲဆူအအိၣ် ဒီးအိၣ်ဆိးဒီးအီၤန့ၣ်လီၤ.

လံာ်ယိၤဟၣ် 6:55

အဂ့ၢ်ဒ်အံၤ, ယညၣ်မ့ၢ်တၢ်အီၣ်နီၢ်နီၢ်, ဒီးယသွံၣ်မ့ၢ်တၢ်အီ နီၢ်နီၢ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

၁ ယိၤဟၣ် 2:24

မၤသးဒ်န့ၣ်ဒီး, တၢ်ကစီၣ်လၢသုနၢ်ဟူတ့ၢ်လၢအခီၣ်ထံး လံၤလံၤန့ၣ်မ်အအိၣ်အဆိးလၢသုပူၤတက့ၢ်. တၢ်လၢသုနၢ်ဟူတ့ၢ်လၢအခီၣ်ထံးလံၤလံၤမ့ၢ်အိၣ်မ့ၢ်ဆိးလၢ သုပူၤဒီး, သုကအိၣ်ကဆိးလၢဖိခွါကစၢ်ဒီးလၢပၢ်ကစၢ် အပူၤထီဘိန့ၣ်လီၤ.

၁ ယိၤဟၣ် 3:24

မတၤတဂၤဂ့ၤတဂၤဂ့ၤလၢအစူၢ်ကစၢ်ယွၤအတၢ်မၤလိာ်တဖၣ် န့ၣ်, မူဝဲဒၣ်လၢကစၢ်ယွၤအပူၤဒီးကစၢ်ယွၤမူဝဲဒၣ်လၢအပူၤ လီၤ. မ့ၢ်ကစၢ်လၢယွၤအသးလၢအဝဲဟ့ၣ်လီၤတ့ၢ်လံပှၤ အဃိ, ပသ့ၣ်ညါလၢယွၤမူဝဲဒၣ်လၢပပူၤန့ၣ်လီၤ.

၁ ယိၤဟၣ် 4:12

ပှၤတထံၣ်ဘၣ်ဒံးကစၢ်ယွၤနီတစုနီတဂၤဘၣ်. ပမ့ၢ်အဲၣ်လိာ်ကွံလိာ်ပသးတဂၤဒီးတဂၤန့ၣ်, ကစၢ်ယွၤ အိၣ်ဝဲဆိးဝဲလၢပပူၤဒီးအတၢ်အဲၣ်တၢ်ကွံလၢထီၣ်ပှဲၤ ထီၣ်လၢပပူၤလီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.