လံာ်ယိၤဟၣ် 6:52 - Sgaw Karen Common Bible

⁵² တၢ်ဂ့ၢ်အံၤဒုးအိၣ်ထီၣ်တၢ်ဂ့ၢ်လိာ်ဘှီလိာ်ဖးဒိၣ်လၢပှၤယူဒၤဖိတဖၣ် အကျါန့ၣ်လီၤ. အဝဲသ့ၣ်သံကွၢ်တၢ်ဒီးစံး, “ပှၤတဂၤအံၤဟ့ၣ်အီၣ်ပှၤလၢအညၣ်ကသ့ဒ်လဲၣ်.”

လံာ်ယိၤဟၣ် 6:52 Iomraidhean Croise

လံာ်ယိၤဟၣ် 1:19

ဖဲပှၤယူဒၤဖိအခိၣ်အနၢ်လၢယရူၤၡလ့ၣ်တဖၣ် မၢလီၤပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ဆူ စီၤယိၤဟၣ်အအိၣ်ဒ်သိးကသံကွၢ်အီၤ, “နမ့ၢ်မတၤလဲၣ်.” န့ၣ်ဒီး အဝဲအတၢ်အုၣ်အသးမ့ၢ်အအံၤန့ၣ်လီၤ.

လံာ်ယိၤဟၣ် 10:19

မ့ၢ်လၢတၢ်ကတိၤတဖၣ်အံၤအဃိဒီး, တၢ်လီၤမုၢ်လီၤဖးအိၣ်ထီၣ်ကဒီးလၢပှၤယူဒၤဖိအကျါန့ၣ်လီၤ.

လံာ်ယိၤဟၣ် 3:4

စီၤနံၤကဒ့မူးသံကွၢ်အီၤ, “ပှၤဒိၣ်တုာ်ခိၣ်ပှဲၤတဂၤအိၣ်ဖျဲၣ်ကဒီး ကသ့ဒ်လဲၣ်. အဝဲကက့ၤနုာ်ဆူအမိၢ်အဟၢဖၢပူၤဒီးအိၣ်ဖျဲၣ်ထီၣ်ခံဘျီ တဘျီန့ၣ်ကသ့ဧါ.”

လံာ်ယိၤဟၣ် 3:9

စီၤနံၤကဒ့မူးသံကွၢ်အီၤ, “တၢ်အံၤမၤအသးကသ့ဒ်လဲၣ်.”

လံာ်ယိၤဟၣ် 4:11

ပိာ်မုၣ်စံးဘၣ်အီၤ, “ကစၢ်ဧၢ, နထံစဲၤတအိၣ်ဘၣ်ဒီးထံပူၤ တခီယိာ်မးလီၤ. နကလဲၤမၤန့ၢ်ထံလၢအဟ့ၣ်တၢ်မူန့ၣ်ဖဲလဲၣ်.

လံာ်ယိၤဟၣ် 6:41

မ့ၢ်လၢအစံးဝဲ, “ယဲဒၣ်အံၤယမ့ၢ်တၢ်မူအကိၣ်လၢအဟဲ လီၤလၢမူခိၣ်” အဃိဒီး, ပှၤယူဒၤဖိတဖၣ်ကဒူးကဒ့ၣ်တၢ်လၢ အလိၤလီၤ.

လံာ်ယိၤဟၣ် 6:60

အပျဲၢ်အဘီၣ်အါဂၤနၢ်ဟူတၢ်အံၤဒီးစံးဝဲ, “တၢ်သိၣ်လိသီလိအံၤတလၢကွံာ်အခၢးလီၤ. မ့ၢ်မတၤတူၢ်လိာ်အီၤကသ့တဂၤလဲၣ်.”

လံာ်ယိၤဟၣ် 9:16

ပှၤဖၤရံၤၡဲတနီၤစံးဝဲ, “ပှၤတဂၤလၢအမၤတၢ်တမံၤအံၤ တမ့ၢ်ပှၤဟဲလၢကစၢ်ယွၤအအိၣ်ဘၣ်. အဂ့ၢ်မ့ၢ်လၢ အဝဲတစူၢ်မုၢ်အိၣ်ဘှံးနံၤအတၢ်သိၣ်တၢ်သီအဃိလီၤ.” မ့မ့ၢ်အဂၤတနီၤစံးဝဲ, “ပှၤတဂၤလၢအမ့ၢ်ပှၤတၢ်ဒဲးဘးဖိန့ၣ်, မၤတၢ်လီၤလးဒ်သိးအံၤတဖၣ်ကသ့ဝဲလၢကျဲဒ်လဲၣ်.” ဒီးတၢ်လီၤမုၢ်လီၤဖးအိၣ်ထီၣ်လၢအဝဲသ့ၣ်အသိးအကျါလီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.