လံာ်ယိၤဟၣ် 6:31 - Sgaw Karen Common Bible

³¹ ပမိၢ်ပၢ်ဖံဖုလၢပျၢၤတဖၣ်အီၣ်ကိၣ်မၤနၤလၢပှၢ်မုၢ်ကနၢ, ဒ်တၢ်ကွဲးအသးစံးဝဲအသိး, ‘အဝဲဟ့ၣ်အီၣ်ပှၤသ့ၣ်တဖၣ် န့ၣ်လၢကိၣ်ဟဲလီၤလၢမူခိၣ်န့ၣ်လီၤ’ ” (စံး. ၇၈:၂၄).

လံာ်ယိၤဟၣ် 6:31 Iomraidhean Croise

လံာ်စီၤနဃ့မယၤ 9:15

တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

လံာ်စီၤနဃ့မယၤ 9:20

လၢနတၢ်ဂ့ၤတၢ်ဝါအပူၤန့ၣ်, နတဲဘၣ်အဝဲသ့ၣ်တၢ်လၢအ ကြၢးမၤဝဲ, နလုၢ်အီၣ်တ့ၢ်အဝဲသ့ၣ်လၢကိၣ်မၤနၤဒီးဟ့ၣ်အီၤထံလၢကအီဝဲ အဂီၢ်န့ၣ်လီၤ.

စံးထီၣ်ပတြၢၤ 105:40

အဝဲသ့ၣ်ဃ့တၢ်, ဒီးယွၤဆှၢလီၤထိၣ်ဘှၢၣ်တဖၣ်, အဝဲဒၣ်ဟ့ၣ်လီၤတၢ်အီၣ်လၢ မူခိၣ်လၢကဒုးဘျဲးအီၣ် အဝဲသ့ၣ်အဂီၢ်လီၤ.

လံာ်တၢ်ဟးထီၣ်ကွံာ် 16:35

ပှၤအံၣ်စရ့လးဖိတဖၣ်အီၣ်ဝဲကိၣ်မၤနၤဆူညါအနံၣ်လွံၢ်ဆံတုၤ အဝဲသ့ၣ်လဲၤတုၤကီၢ်ကနၤဧၣ်, တၢ်လီၢ်ဖဲအဝဲသ့ၣ်သူၣ်လီၤဆီလီၤ အသးန့ၣ်လီၤ.

လံာ်ယိၤဟၣ် 6:32

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ် တီလီၤ. စီၤမိၤၡ့တဟ့ၣ်အီၣ်သုကိၣ်လၢအဟဲလီၤလၢမူခိၣ်ဘၣ်. ပှၤလၢအဟ့ၣ်အီၣ်သုကိၣ်နီၢ်နီၢ်လၢအဟဲလီၤလၢမူခိၣ်န့ၣ် မ့ၢ်ယပၢ်န့ၣ်လီၤ.

လံာ်ယိၤဟၣ် 6:49

သုမိၢ်ပၢ်ဖံဖုလၢပျၢၤတဖၣ်အီၣ်ကိၣ်မၤနၤလၢပှၢ်လၢ်ကျါ ဘၣ်ဆၣ်ဒီးအဝဲသ့ၣ်သံဝဲလီၤ.

လံာ်ယိၤဟၣ် 6:58

အအံၤ, မ့ၢ်ကိၣ်လၢအဟဲလီၤလၢမူခိၣ်န့ၣ်လီၤ. တမ့ၢ်ဘၣ်ဒ်ကိၣ်လၢသုမိၢ်ပၢ်ဖံဖုလၢပျၢၤအီၣ်ဝဲဒီး လၢခံသံဝဲအသိးန့ၣ်ဘၣ်. ပှၤတဂၤလၢ်လၢ်လၢအအီၣ် ကိၣ်အံၤကမူဝဲလီၤထူလီၤယိာ်လီၤ.”

1 ကရံၣ်သူး 10:3

အဝဲသ့ၣ်ကိးဂၤဒဲးအီၣ်ကိၣ်တဖျၢၣ်ဃီလၢအဘၣ်ဃးဒီးသး

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.

လံာ်စီၤယိၤၡူ 5:12

တနံၤဃီန့ၣ်, ကိၣ်မၤနၤတလီၤလၢၤဘၣ်, ဒီးလၢပှၤအံၣ်စရ့လးဖိအဂီၢ်ကိၣ်မၤ နၤတအိၣ်ဘၣ်လၢၤဘၣ်န့ၣ်လီၤ. နံၣ်အဝဲန့ၣ်ဒီးဆူညါအဝဲသ့ၣ်အီၣ်တၢ်အီၣ်လၢအဟးထီၣ်လၢကီၢ်ကနၤဧၣ်န့ၣ်လီၤ.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”