လံာ်ယိၤဟၣ် 6:26 - Sgaw Karen Common Bible

²⁶ ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတၢ်မ့ၢ် တၢ်တီလီၤ. သုဃုယၤမ့ၢ်ဒၣ်လၢသုအီၣ်ဘၣ်ကိၣ်ဘျဲးအီၣ် ဘျဲးအီအဃိဒီးတမ့ၢ်လၢသုနၢ်ပၢၢ် ယတၢ်မၤလီၤလးတဖၣ်အခီပညီအဃိန့ၣ်ဘၣ်.

လံာ်ယိၤဟၣ် 6:26 Iomraidhean Croise

စံးထီၣ်ပတြၢၤ 78:37

အဝဲသ့ၣ်အသးတအိၣ်ဂၢၢ်ကျၢၤဘၣ်ဒီးအီၤဘၣ်, ဒီးတတီဒီးအတၢ်အၢၣ်လီၤဒီးယွၤန့ၣ်ဘၣ်.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ယိၤဟၣ် 3:3

ယ့ၣ်ၡူးစံးဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ်ဒီး, ပှၤထံၣ်ဘၣ်ကစၢ်ယွၤအဘီအမုၢ်တသ့ဘၣ်.”

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

လံာ်ယိၤဟၣ် 6:14

ပှၤဂီၢ်မုၢ်ဖဲန့ၣ်တဖၣ်ထံၣ်ဘၣ်ယ့ၣ်ၡူးမၤတၢ်လီၤလးအံၤသတး ဒီးစံးဝဲ, “အဝဲဒၣ်အံၤမ့ၢ်နီၢ်နီၢ်ဝံလၢအကဟဲဆူဟီၣ်ခိၣ် တဂၤန့ၣ်လီၤ.”

လံာ်ယိၤဟၣ် 6:15

ယ့ၣ်ၡူးသ့ၣ်ညါလၢအဝဲသ့ၣ်ကဟဲဟံးန့ၢ်ဆူၣ်အီၤဒ် သိးအကဒုးကဲအီၤလၢစီၤပၤအဃိ, အဝဲဟးထီၣ်ကဒီးဆူကစၢၢ်ကလိအကျါထဲတဂၤ ဧိၤန့ၣ်လီၤ.

လံာ်ယိၤဟၣ် 6:2

ပှၤဂီၢ်မုၢ်ဖးဒိၣ်ပိာ်ထီၣ်အခံ, မ့ၢ်လၢအဝဲသ့ၣ်ထံၣ်ဘၣ်တ့ၢ်အတၢ်မၤလီၤလးတဖၣ် ခီဖျိအတၢ်မၤဘျါက့ၤပှၤဆူးပှၤဆါတဖၣ်အဃိလီၤ.

လံာ်ယိၤဟၣ် 6:24

ဖဲပှၤဂီၢ်မုၢ်ထံၣ်လၢယ့ၣ်ၡူးဒီးအပျဲၢ်အဘီၣ်တဖၣ် တအိၣ်လၢၤဖဲန့ၣ်ဘၣ်ဒီး, အဝဲသ့ၣ်ဒိးထီၣ်အချံတဖၣ်ဒီး လဲၤဆူဝ့ၢ်ကပ့းရနီၣ်လၢအကဃုထံၣ်န့ၢ်အီၤအဂီၢ်လီၤ.

လံာ်ယိၤဟၣ် 6:30

အဝဲသ့ၣ်စံးဆၢဝဲ, “ဒ်သိးပကထံၣ်ဘၣ်ဒီးစူၢ်က့ၤနာ်က့ၤနၤ အဂီၢ်န့ၣ်, နကမၤတၢ်လီၤလးမနုၤတမံၤလဲၣ်. နကမၤတၢ်မနုၤလဲၣ်.

လံာ်ယိၤဟၣ် 6:36

ယစံးဘၣ်တ့ၢ်သုလၢသုထံၣ်ဘၣ်လံယၤလံ. ဘၣ်ဆၣ်ဒီးသုတနာ်ယၤဘၣ်.

လံာ်ယိၤဟၣ် 6:47

ယစံးဘၣ်တဲဘၣ်သုတၢ်မ့ၢ်တၢ်တီလီၤ. ပှၤလၢအစူၢ်က့ၤနာ် က့ၤတၢ်န့ၣ်အိၣ်ဒီးတၢ်မူအထူအယိာ်လီၤ.

လံာ်ယိၤဟၣ် 6:53

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ် တီလီၤ. သုမ့ၢ်တအီၣ်ဘၣ်ပှၤကညီဖိခွါအညၣ်ဒီးအီဘၣ် အသွံၣ်န့ၣ်, တၢ်မူတအိၣ်ဘၣ်လၢသုပူၤဘၣ်.

လံာ်ယိၤဟၣ် 6:64

သုဝဲတနီၤနီၤသုတနာ်ယၤဘၣ်.” (ပှၤတဖၣ်လၢ အတစူၢ်က့ၤနာ်က့ၤတၢ်ဘၣ်ဒီးပှၤတဂၤလၢအကဟ့ၣ် လီၤကွံာ်အီၤန့ၣ်, ယ့ၣ်ၡူးသ့ၣ်ညါဝဲလၢအခီၣ်ထံးလံၤလံၤလီၤ.)

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

ဖံလံးပံၤ 2:21

ပှၤအဂၤကိးဂၤဒဲးကွၢ်တၢ်ထဲလၢအနီၢ်ကစၢ်ဒၣ်ဝဲအတၢ်ဂ့ၢ်တဖၣ် အဂီၢ်ဒီးတမ့ၢ်လၢယ့ၣ်ၡူးခရံာ်အဂ့ၢ်န့ၣ်ဘၣ်.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.