လံာ်ယိၤဟၣ် 6:11 - Sgaw Karen Common Bible

¹¹ ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီး ဟ့ၣ်နီၤလီၤဝဲပှၤလၢအဆ့ၣ်နီၤဖဲန့ၣ်တဖၣ်လီၤ. ဟံးန့ၢ်စ့ၢ်ကီးညၣ်ဒီးမၤဝဲဒ်န့ၣ်အသိး, ဒီးပှၤခဲလၢာ်အီၣ်ဘၣ်ဝဲ လၢအီၣ်လၢအီန့ၣ်လီၤ.

လံာ်ယိၤဟၣ် 6:11 Iomraidhean Croise

လံာ်မးသဲ 15:36

အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ.

လံာ်လူၤကၣ် 24:30

အဝဲဒၣ်ဆ့ၣ်နီၤလၢစီၢ်နီၤခိၣ်တပူၤဃီဒီးအဝဲသ့ၣ်, ဟံးန့ၢ်ကိၣ်ဒီးဆိၣ်ဂ့ၤတၢ်အီၣ်လီၤ. အန့ၣ်ဝံၤဒီး, အဝဲဒၣ်စိၢ်ဘျဲးကိၣ်ဒီးဟ့ၣ်လီၤအဝဲသ့ၣ်လီၤ.

လံာ်ယိၤဟၣ် 21:10

အန့ၣ်ဒီး, ယ့ၣ်ၡူးစံးဘၣ်အဝဲသ့ၣ်, “ဟဲစိာ်ညၣ်လၢသုဖီၣ်န့ၢ်တ့ၢ်ခဲကနံၣ်အံၤတနီၤတက့ၢ်.”

လံာ်ယိၤဟၣ် 21:13

အန့ၣ်ဒီး ယ့ၣ်ၡူးလဲၤဃီၤဝဲ, ဟံးန့ၢ်ကိၣ်ဒီးဟ့ၣ်လီၤအဝဲသ့ၣ်, ဒီးညၣ်စ့ၢ်ကီးမၤဝဲဒ်န့ၣ်အသိးလီၤ.

လံာ်ယိၤဟၣ် 21:9

ဖဲအဝဲသ့ၣ်ဟဲက့ၤထီၣ်ဆူထံကၢၢ်ခိၣ်န့ၣ်, ထံၣ်ဝဲသွဲၣ်လးမ့ၣ်အူ ကဖးတပူၣ်ဒီးညၣ်ကၣ်အိၣ်လၢအဖီခိၣ်ဒီးကိၣ်အိၣ်တနီၤ စ့ၢ်ကီးန့ၣ်လီၤ.

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

လံာ်ယိၤဟၣ် 6:9

“ပိာ်ခွါဖိသၣ်အိၣ်ဖဲအံၤတဂၤ, အကိၣ်အိၣ်ယဲၢ်ဖျၢၣ်ဒီးအညၣ် အိၣ်ခံဘ့ၣ်လီၤ. ဘၣ်ဆၣ်တၢ်သ့ၣ်တဖၣ်အံၤကလၢဝဲလၢပှၤခဲလၢာ်အဂီၢ်ဒ်လဲၣ်.”

မၤတၢ် 27:35

စီၤပီလူးစံးတၢ်ဒ်အံၤဝံၤဒီး, အဝဲဒၣ်ဟံးန့ၢ်ကိၣ်တစဲး, စံးဘျုးစံးဖှိၣ်ကစၢ်ယွၤလၢအဝဲသ့ၣ်ခဲလၢာ်အမဲာ်ညါ, စိၢ်ဘျဲးဝဲ, ဒီးအီၣ်တၢ်လီၤ.

ရိမ့ၤ 14:6

ပှၤတဂၤဂ့ၤတဂၤဂ့ၤလၢအဆိကမိၣ်ပာ်ဒိၣ်မုၢ်နံၤတနံၤနံၤန့ၣ်မၤ ဝဲလၢတၢ်မၤလၤကပီၤကစၢ်အပူၤန့ၣ်လီၤ. ပှၤတဂၤဂ့ၤတဂၤဂ့ၤလၢအအီၣ်တၢ်တမံၤလၢ်လၢ်န့ၣ် မၤဝဲလၢတၢ်မၤလၤမၤကပီၤကစၢ်အပူၤ, မ့ၢ်လၢအဝဲစံးဘျုး ကစၢ်ယွၤလၢတၢ်အီၣ်အဂီၢ်အဃိလီၤ. မတၤတဂၤဂ့ၤတဂၤဂ့ၤလၢအတအီၣ်တၢ်အီၣ်တနီၤနီၤန့ၣ်မၤ ဝဲလၢတၢ်မၤလၤမၤကပီၤကစၢ်အပူၤ, ဒီးစံးထီၣ်ပတြၢၤကစၢ်ယွၤအဘျုးအဖှိၣ်လီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

၁ သ့းစၤလနံ 5:18

လၢတၢ်မၤအသးခဲလၢာ်အပူၤန့ၣ်, စံးဘျုးစံးဖှိၣ်ကစၢ်ယွၤထီဘိ တက့ၢ်. အဝဲအံၤမ့ၢ်တၢ်လၢကစၢ်ယွၤအဲၣ်ဒိးဝဲလၢပှၤဘၣ်ထွဲဒီး ယ့ၣ်ၡူးခရံာ်တဖၣ်အအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:13

သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”