လံာ်ယိၤဟၣ် 5:5 - Sgaw Karen Common Bible

⁵ ပှၤအိၣ်ဖဲန့ၣ်တဂၤလၢအဆိးက့တ့ၢ်လံလၢ သၢဆံဃိးနံၣ်အတီၢ်ပူၤန့ၣ်လီၤ.

လံာ်ယိၤဟၣ် 5:5 Iomraidhean Croise

လံာ်မၢ်ကူး 9:21

ဒီးယ့ၣ်ၡူးသံကွၢ်ဖိသၣ်အပၢ်န့ၣ်, “တၢ်မၤအသးဒီးအီၤဒ်သိးအံၤအိၣ်ဆံးယံာ်လံလဲၣ်.” ဒီးအဝဲဒၣ်စံးဆၢက့ၤဝဲ, “စးထီၣ်လၢအမ့ၢ်ဖိသၣ်လံၤလံၤလီၤ.

လံာ်လူၤကၣ် 13:16

ခဲကနံၣ်အံၤ, ပိာ်မုၣ်လၢအမ့ၢ်စီၤအၤဘြၤဟၣ်အစၢၤအသွဲၣ် အိၣ်ဝဲဒၣ်ဖဲအံၤတဂၤလၢမုၣ်ကီၤလံၢ်ဟံးဃာ်တ့ၢ်အီၤလၢတၢ်စၢဃာ် အပူၤ, အိၣ်လံတဆံဃိးနံၣ်လံန့ၣ်လီၤ. တၢ်ကဒုးထူၣ်ဖျဲးထီၣ်ကွံာ်အီၤလၢအတၢ်စၢဃာ်အပူၤဖဲမုၢ်အိၣ်ဘှံး အနံၤန့ၣ်, တကြၢးဝဲဘၣ်ဝဲဘၣ်ဧါ.”

လံာ်လူၤကၣ် 8:43

ပိာ်မုၣ်အိၣ်ဝဲဒၣ်တဂၤလၢအတူၢ်ဘၣ်တ့ၢ်ဝဲတၢ်ဆါသွံၣ်လီၤနးမးလၢ တဆံခံနံၣ်အတီၢ်ပူၤဒီးအဝဲဒၣ်လၢာ်ဘူၣ်လၢာ်စ့ၤလၢကသံၣ် သရၣ်တဖၣ်ကမၤဘျါအီၤအဂီၢ်တုၤဒၣ်လဲာ်တၢ်လၢ အအိၣ်ဒီးအီၤလၢာ်ကွံာ်ဝဲခဲလၢာ်ဘၣ်ဆၣ်ဒီးပှၤမၤဘျါအီၤ တန့ၢ်နီတဂၤဘၣ်.

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်ယိၤဟၣ် 5:4

(အဝဲသ့ၣ်အိၣ်ခိးဝဲထံကဟူးဝးထီၣ်မ့ၢ်လၢ တဘျီဘၣ်တဘျီဖဲကစၢ်အကလူးဟဲလီၤဒီးမၤဟူးဝးထီၣ်နိၣ်အံၤ အထံန့ၣ်, ပှၤဆူးပှၤဆါလၢအလဲၤနုာ်လီၤဆူ ထံကျါအဆိကတၢၢ်တဂၤန့ၣ်, ဘျါက့ၤလၢအတၢ်ဆါလၢအအိၣ်ဒီးအီၤအဃိန့ၣ်လီၤ.)

လံာ်ယိၤဟၣ် 5:6

ယ့ၣ်ၡူးထံၣ်ဘၣ်အီၤအိၣ်မံလီၤဖဲန့ၣ်ဒီးသ့ၣ်ညါဝဲလၢ အဆါယံာ်တ့ၢ်လံအဃိအဝဲဒၣ်စံးဘၣ်အီၤ, “မ့ၢ်နသး အိၣ်ဘျါက့ၤဧါ.”

လံာ်ယိၤဟၣ် 9:1

ဖဲယ့ၣ်ၡူးလဲၤတၢ်အဖၢမုၢ်ဒီး, အဝဲထံၣ်ပှၤတဂၤလၢအမဲာ်ဘျီၣ်လၢအအိၣ်ဖျဲၣ်ထီၣ်လံၤလံၤ န့ၣ်လီၤ.

လံာ်ယိၤဟၣ် 9:21

ဘၣ်ဆၣ်ဒီးခဲအံၤအဝဲထံၣ်ထီၣ်က့ၤတၢ်လၢကျဲဒ်လဲၣ်န့ၣ် ပတသ့ၣ်ညါဘၣ်. ဒီးမတၤမၤဘျါက့ၤအီၤလဲၣ်န့ၣ်, ပတသ့ၣ်ညါစ့ၢ်ကီးဘၣ်. သံကွၢ်အီၤတက့ၢ်. အဝဲဒၣ်ဒိၣ်တုာ်ခိၣ်ပှဲၤလံ ဒီးစံးဆၢတၢ်လၢအဂီၢ်ဒၣ်ဝဲသ့ကစီဒီလီၤ.”

မၤတၢ် 14:8

တၢ်မၤအသးဖဲဝ့ၢ်လူစတြၤန့ၣ်, ပှၤအခီၣ်ဟးဂီၤတ့ၢ်ဝဲလၢအအိၣ်ဖျဲၣ် ထီၣ်လံၤလံၤဒီးဟးတသ့နီတဘျီဘၣ်အိၣ်ဝဲတဂၤလီၤ.

မၤတၢ် 3:2

ဖဲန့ၣ်ပှၤအခီၣ်ဟးဂီၤလၢအအိၣ်ဖျဲၣ်ထီၣ်လံၤလံၤတဂၤဘၣ် တၢ်ဟဲစိာ်အီၤဆူတၢ်လုၢ်ဟံၣ်အတြဲၤ, လၢတၢ်ကိးန့ၢ်အမံၤလၢတြဲၤဃံလၤအခီၣ်ထံးန့ၣ်လီၤ. ကိးမုၢ်နံၤဒဲးအဝဲဒၣ်ဘၣ်တၢ်ဟဲစိာ်အီၤဒီးတၢ်ပာ်လီၤအီၤဖဲ တြဲၤခိၣ်ထိးန့ၣ်, ဒ်သိးအကဃ့အီၣ်တၢ်လၢပှၤလၢအလဲၤနုာ်ဆူတၢ်လုၢ်ဟံၣ်ပူၤ တဖၣ်အအိၣ်အဂီၢ်န့ၣ်လီၤ.

မၤတၢ် 4:22

ပှၤလၢအဘၣ်တၢ်မၤဘျါက့ၤအီၤလီၤလိၢ်လီၤလးတဂၤအံၤ, အသးအိၣ်အနံၣ်လွံၢ်ဆံအဘျဲၣ်န့ၣ်လီၤ.

မၤတၢ် 9:33

ဖဲန့ၣ်အဝဲထံၣ်လိာ်သးဒီးစီၤအဲၤန့း, ပှၤသံတခီပၤလၢအအိၣ်မံလီၤဝဲလၢလီၢ်မံပူၤယံာ်ဃိးနံၣ်လံ တဂၤန့ၣ်လီၤ.