လံာ်ယိၤဟၣ် 5:42 - Sgaw Karen Common Bible

⁴² ဘၣ်ဆၣ်ဒီးသုမ့ၢ်ပှၤဒ်လဲၣ်န့ၣ်ယသ့ၣ်ညါ, ဒီးယသ့ၣ်ညါလၢတၢ်အဲၣ်တၢ်ကွံကစၢ်ယွၤ တအိၣ်လၢသုသးကံၢ်ပူၤဘၣ်န့ၣ်လီၤ.

လံာ်ယိၤဟၣ် 5:42 Iomraidhean Croise

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

လံာ်ယိၤဟၣ် 2:25

ဒီးအလီၢ်တအိၣ်လၢပှၤတဂၤဂ့ၤတဂၤဂ့ၤကစံးဘၣ်တဲဘၣ် အီၤလၢပှၤကညီအဂ့ၢ်န့ၣ်ဘၣ်. အဂ့ၢ်ဒ်အံၤ, အနီၢ်ကစၢ်ဒၣ်ဝဲသ့ၣ်ညါတၢ်လၢအအိၣ်လၢ ပှၤကညီအသးကံၢ်ပူၤန့ၣ်လီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

လံာ်ယိၤဟၣ် 5:41

ယတဃုမၤန့ၢ်ပှၤဟီၣ်ခိၣ်ဖိအတၢ်စံးပတြၢၤယၤဘၣ်.

လံာ်ယိၤဟၣ် 5:43

ယဟဲယဲလၢယပၢ်အမံၤ, ဘၣ်ဆၣ်ဒီးသုတတူၢ်လိာ်ယၤဘၣ်. ပှၤအဂၤမ့ၢ်ဟဲဆူသုအိၣ်လၢအမံၤဒၣ်ဝဲဒီး, သုကတူၢ်လိာ်အီၤန့ၣ်လီၤ.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

လံာ်ယိၤဟၣ် 8:47

ပှၤလၢအဟဲလၢကစၢ်ယွၤအအိၣ်န့ၣ်, ဒိကနၣ်ကစၢ်ယွၤကလုၢ် ကထါတဖၣ်လီၤ. မ့မ့ၢ်သုဝဲတခီ, သုတဟဲလၢကစၢ်ယွၤအအိၣ်ဘၣ်အဃိသတးဒီး, သုတဒိကနၣ်တၢ်ဘၣ်.”

လံာ်ယိၤဟၣ် 8:55

သုတသ့ၣ်ညါတ့ၢ်အီၤနီတစုဘၣ်. မ့မ့ၢ်ယဲဒၣ်ယသ့ၣ်ညါ အီၤလီၤ. ယမ့ၢ်စံးလၢယတသ့ၣ်ညါအီၤဘၣ်ဒီး, ယကကဲထီၣ်ပှၤလီတၢ်ဒ်သုဝဲအသိးလီၤ. ဘၣ်ဆၣ်ယသ့ၣ်ညါ အီၤဒီးယဒိကနၣ်အကလုၢ်ကထါလီၤ.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

၁ ယိၤဟၣ် 2:15

တဘၣ်အဲၣ်ဟီၣ်ခိၣ်, ဒီးကယဲၢ်မ့ၢ်တၢ်လၢအဘၣ်ဃးဒီး ဟီၣ်ခိၣ်န့ၣ်တဂ့ၤ. သုမ့ၢ်အဲၣ်ဟီၣ်ခိၣ်ဒီး, တၢ်အဲၣ်တၢ်ကွံပၢ်ကစၢ်န့ၣ်တအိၣ်လၢသုပူၤဘၣ်.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.

၁ ယိၤဟၣ် 4:20

ပှၤတဂၤဂၤမ့ၢ်စံး, “ယအဲၣ်ကစၢ်ယွၤကွံယွၤလီၤ.” ဘၣ်ဆၣ်မ့ၢ်သးဟ့အဒီပုၢ်ဝဲၢ်န့ၣ်, မ့ၢ်ပှၤကတိၤတၢ်ကဘျံးကဘျၣ်လီၤ. အဂ့ၢ်ဒ်လဲၣ်န့ၣ်, ပှၤလၢအတအဲၣ်ဘၣ် အဒီပုၢ်ဝဲၢ်လၢအထံၣ်ဝဲန့ၣ်, အဲၣ်ကစၢ်ယွၤလၢ အတထံၣ်ဘၣ်ဝဲန့ၣ်တသ့ဘၣ်.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.