လံာ်ယိၤဟၣ် 5:4 - Sgaw Karen Common Bible

⁴ (အဝဲသ့ၣ်အိၣ်ခိးဝဲထံကဟူးဝးထီၣ်မ့ၢ်လၢ တဘျီဘၣ်တဘျီဖဲကစၢ်အကလူးဟဲလီၤဒီးမၤဟူးဝးထီၣ်နိၣ်အံၤ အထံန့ၣ်, ပှၤဆူးပှၤဆါလၢအလဲၤနုာ်လီၤဆူ ထံကျါအဆိကတၢၢ်တဂၤန့ၣ်, ဘျါက့ၤလၢအတၢ်ဆါလၢအအိၣ်ဒီးအီၤအဃိန့ၣ်လီၤ.)

လံာ်ယိၤဟၣ် 5:4 Iomraidhean Croise

လံာ်စီၤပၤခံဘ့ၣ်တဘ့ၣ် 5:10

စီၤအလံၤၡါမၢလီၤအခ့အပှၤတဂၤဒ်သိးကလဲၤတဲအီၤလၢအဝဲကလဲၤ ဒီးလုၣ်ထံနွံဘျီ, လၢထံကျိယၢ်ဒ့ၣ်အပူၤ, ဒီးအဝဲကဘျါက့ၤလၢာ်လၢာ်ဆ့ဆ့လၢ အတၢ်ဆါန့ၣ်လီၤ.

စံးထီၣ်ပတြၢၤ 119:60

လၢတၢ်တမၤယံာ်မၤနီၢ်သးဘၣ်အပူၤ, ယမၤချ့ချ့ဒ်သိးယကတိၢ်န့ၢ်ဖံးဃာ် နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 6:4

ပျဲတၢ်မံလီၤဘၣ်နၤမ့ၢ်ဂ့ၤ, ဆိကတီၢ်ဒီးအိၣ်ဘှံးအိၣ်သါဒၣ် လဲာ်မ့ၢ်ဂ့ၤန့ၣ်တဂ့ၤ.

တၢ်ကတိၤဒိ. 8:17

ယအဲၣ်ပှၤတဖၣ်လၢအအဲၣ်ယၤဒီးပှၤလၢအဃုယၤန့ၣ်, ကထံၣ်န့ၢ်ယၤလီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယဃ့းစက့လး 47:8

အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

လံာ်ဟိၤၡ့ 13:13

ကီၢ်အံၣ်စရ့လးအိၣ်ဒီးတၢ်အခွဲးအယာ်တမံၤလၢ ကအိၣ်မူဝဲဘၣ်ဆၣ်အသးတဆးမးလၢကဟံးဃာ်အီၤအဂီၢ်, လီၤဂာ်ဒ်ဖိသၣ်တဂၤအသိးလၢကအိၣ်ဖျဲၣ်ထီၣ်, ဒီးဂ့ၢ်လိာ်လၢကဟးထီၣ်လၢအမိၢ်အဒၢလီၢ်ပူၤန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်စကၤရယၤ 14:8

ဖဲမုၢ်နံၤအဝဲန့ၣ်တုၤဃီၤန့ၣ်, ထံမူကယွၤလီၤဝဲဒၣ်လၢဝ့ၢ်ယရူၤၡလ့ၣ်, တဝာ်န့ၣ်ကယွၤလီၤဆူပီၣ်လဲၣ်သံ, ဒီးအဂၤတဝာ်န့ၣ်ကယွၤလီၤဝဲဒၣ်ဆူပီၣ်လဲၣ်ဖးဒိၣ်မဲးထံးထၢၣ် ရ့နယၢၣ်န့ၣ်လီၤ. ထံမူအံၤကယွၤလီၤဝဲဒၣ်လၢဒီတနံၣ်ညါအတီၢ်ပူၤ, လၢတၢ်ယီၤအကတီၢ်ဒီးတၢ်စူၤအကတီၢ်စ့ၢ်ကီးန့ၣ်လီၤ.

လံာ်မးသဲ 11:12

မူခိၣ်အဘီအမုၢ်ဘၣ်တၢ်ဂုာ်ဆူၣ်အီၤစးထီၣ်လၢစီၤယိၤဟၣ် အစိၤပၢၢ်တုၤလၢမုၢ်မဆါတနံၤအံၤလီၤ. ပှၤစုဆူၣ်ခီၣ်တကးဖိတဖၣ် ဂုာ်ကျဲးစၢးဒုးန့ၢ်ဟံးန့ၢ်ဆူၣ်အီၤလီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

လံာ်လူၤကၣ် 13:24

“ဂုာ်ကျဲးစၢးလဲၤနုာ်သုဝဲလၢကျဲစၢၤအအံၣ်န့ၣ်တက့ၢ်. အဂ့ၢ်ဒ်အံၤ, ပှၤအါဒံအါဂၤကကျဲးစၢးဝဲ, ဘၣ်ဆၣ်ဒီးလဲၤနုာ်ဝဲတန့ၢ်ဘၣ်.

လံာ်လူၤကၣ် 16:16

စီၤမိၤၡ့အတၢ်သိၣ်တၢ်သီဒီးဝံအတၢ်ကွဲးတဖၣ်အိၣ်ဝဲဒၣ်တုၤလၢ ပှၤဘျၢတၢ်စီၤယိၤဟၣ်အဆၢကတီၢ်လီၤ. စးထီၣ်ဖဲန့ၣ် တၢ်သးခု အကစီၣ်ဘၣ်ဃးဒီးကစၢ်ယွၤအဘီအမုၢ်ဘၣ်တၢ်စံၣ်တဲၤတဲလီၤအီၤ, ဒီးပှၤကိးဂၤဒဲးဂုာ်လဲၤနုာ်ဝဲဆူကစၢ်ယွၤအဘီအမုၢ်အပူၤလီၤ.

လံာ်ယိၤဟၣ် 5:3

ပှၤဆူးပှၤဆါအါဒံအါဂၤအိၣ်မံလီၤလၢတၢ်ဒုးခိၣ်တဖၣ်အံၤ အဖီလာ်ဒီးပှၤတဖၣ်န့ၣ်မ့ၢ်ဝဲပှၤမဲာ်ဘျီၣ်, ပှၤခီၣ်ဟးဂီၤ, ဒီးပှၤသံတခီပၤတဖၣ်န့ၣ်လီၤ.

လံာ်ယိၤဟၣ် 5:5

ပှၤအိၣ်ဖဲန့ၣ်တဂၤလၢအဆိးက့တ့ၢ်လံလၢ သၢဆံဃိးနံၣ်အတီၢ်ပူၤန့ၣ်လီၤ.

လံာ်ယိၤဟၣ် 5:7

ပှၤဆါတဂၤအံၤစံးဆၢအီၤ, “ကစၢ်ဧၢ, ဖဲတၢ်မၤဟူးဝးထီၣ်ထံ အကတီၢ်န့ၣ်ပှၤလၢအကလဲၤစိာ်လီၤယၤဆူထံကျါတအိၣ်နီတဂၤ ဘၣ်. ဒီးဖဲယကျဲးစၢးလဲၤလီၤအဖၢမုၢ်န့ၣ်ပှၤအဂၤလဲၤတုၤဆိလၢ ယမဲာ်ညါန့ၣ်လီၤ.”

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.