လံာ်ယိၤဟၣ် 5:35 - Sgaw Karen Common Bible

³⁵ စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.

လံာ်ယိၤဟၣ် 5:35 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:17

ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်တၢ်ဟးထီၣ်ကွံာ် 34:35

ဒီးအဝဲသ့ၣ်ကထံၣ်ဘၣ်စီၤမိၤၡ့လၢအမဲာ်သၣ်ကပြုၢ်ကပြီၤဝဲလီၤ. မၤသးဒ်န့ၣ်ဒီးအဝဲကကးဘၢအမဲာ်လၢနီၣ်ကျၢၢ်ဘၢမဲာ်တုၤတၢ်ဆၢ ကတီၢ်လၢအကလဲၤကဒီးဝဲလၢကကတိၤတၢ်ဒီးယွၤလၢခံတဘျီန့ၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.

လံာ်မးသဲ 11:11

နာ်ယၤတက့ၢ်. ပှၤဘျၢတၢ်စီၤယိၤဟၣ်န့ၣ်, ဒိၣ်န့ၢ်ဒံးကယဲၢ်ပှၤ ဟီၣ်ခိၣ်ဖိလၢအအိၣ်ဖျဲၣ်ထီၣ်လၢပိာ်မုၣ်န့ၣ်လီၤ. ဘၣ်ဆၣ်ဒီးပှၤအဆံးကတၢၢ်လၢမူခိၣ်အဘီအမုၢ်န့ၣ်, ဒိၣ်န့ၢ်ဒံးအီၤတက့ၢ်လီၤ.

လံာ်မးသဲ 21:26

ပမ့ၢ်စံး, ‘လၢပှၤဟီၣ်ခိၣ်ဖိအအိၣ်’ ဒီးပဘၣ်ပျံၤဘၣ်ပှၤဂီၢ်မုၢ်လီၤ. အဂ့ၢ်ဒ်အံၤ, ပှၤဂီၢ်မုၢ်နာ်လၢစီၤယိၤဟၣ်မ့ၢ်ဝံတဂၤလီၤ.”

လံာ်မၢ်ကူး 1:5

ပှၤအိၣ်လၢကီၢ်ယူဒၤဒီကီၢ်ညါဒီးပှၤလၢဝ့ၢ်ယရူၤၡလ့ၣ် အပူၤတဖၣ်လဲၤဒိကနၣ်စီၤယိၤဟၣ်အတၢ်စံၣ်တဲၤတဲလီၤ န့ၣ်လီၤ. အဝဲသ့ၣ်တဲလီၤကျဲၤလီၤအတၢ်ဒဲးဘးတဖၣ်ဒီးဘၣ် တၢ်ဘျၢအီၤလၢထံဖဲထံကျိယၢ်ဒ့ၣ်အပူၤန့ၣ်လီၤ.

လံာ်မၢ်ကူး 6:20

စီၤပၤဟ့ၤရိာ်ပျံၤစီၤယိၤဟၣ်မ့ၢ်လၢအသ့ၣ်ညါဝဲလၢစီၤယိၤ ဟၣ်မ့ၢ်ပှၤတီပှၤလိၤဒီးပှၤစီပှၤဆှံတဂၤသတးဒီးကဟုကယာ် ဃာ်ဝဲဂ့ၤဂ့ၤလီၤ. တဘျီလၢ်လၢ်တုၤအနၢ်ဟူဘၣ်အတၢ်စံးတၢ်ကတိၤဒီး, အဝဲဒၣ်အသးဘၣ်တံာ်တာ်ဒိၣ်ဒိၣ်ကလဲာ်ဘၣ်ဆၣ်သးခုဒိကနၣ်အီၤ လီၤ.

လံာ်လူၤကၣ် 7:28

ယ့ၣ်ၡူးစံးကဒီးဝဲ, “ယစံးဘၣ်တဲဘၣ်သု, စီၤယိၤဟၣ်ဒိၣ်န့ၢ်ပှၤလၢ အအိၣ်ဖျဲၣ်ထီၣ်တ့ၢ်ဝဲတဂၤလၢ်လၢ်လီၤ. ဘၣ်ဆၣ်ဒီး, ပှၤလၢအဆံးကတၢၢ် လၢကစၢ်ယွၤအဘီအမုၢ်အပူၤန့ၣ် ဒိၣ်န့ၢ်အီၤတက့ၢ်လီၤ.”

လံာ်ယိၤဟၣ် 6:66

လၢတၢ်အံၤအဃိ, ယ့ၣ်ၡူးအပျဲၢ်အဘီၣ်အါဂၤက့ၤကဒါ က့ၤဒီးတပိာ်လၢၤအခံဘၣ်န့ၣ်လီၤ.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.