လံာ်ယိၤဟၣ် 5:27 - Sgaw Karen Common Bible

²⁷ ဒီးအဝဲမ့ၢ်ပှၤကညီဖိခွါအဃိဒီး, ယွၤဟ့ၣ်လီၤစ့ၢ်ကီးအီၤတၢ်စိတၢ် ကမီၤလၢကစံၣ်ညီၣ်တၢ်အဂီၢ်လီၤ.

လံာ်ယိၤဟၣ် 5:27 Iomraidhean Croise

စံးထီၣ်ပတြၢၤ 110:6

အဝဲကဟ့ၣ်လီၤတၢ်စံၣ်ညီၣ်လၢ ပှၤကလုာ်တဖၣ်အလိၤ ဒီးမၤပှဲၤတၢ်ဒုးပျီလၢတၢ်သံစိၣ်တဖၣ်, ဒီးကမၤနၢၤစီၤပၤတဖၣ်လၢအအိၣ်လၢ ဟီၣ်ခိၣ်ခဲလၢာ်န့ၣ်လီၤ.

လံာ်မးသဲ 9:6

ယကဒုးနဲၣ်သုဒ်သိးသုကသ့ၣ်ညါလၢပှၤကညီအဖိခွါအံၤ အိၣ်ဒီးအစိအကမီၤလၢဟီၣ်ခိၣ်ချၢလၢကပျၢ်တၢ်ဒဲးဘး အဂီၢ်လီၤ.” အန့ၣ်ဒီးအဝဲဒၣ်စံးဘၣ်ပှၤသံတခီပၤန့ၣ်, “ဂဲၤဆၢထၢၣ်, ဟံးထီၣ်နလီၢ်မံဒီးက့ၤဆူနဟံၣ်တက့ၢ်.”

လံာ်ယိၤဟၣ် 5:22

ပၢ်ကစၢ်ဒၣ်ဝဲတစံၣ်ညီၣ်စ့ၢ်ကီးပှၤနီတဂၤဘၣ်. အဝဲဟ့ၣ်လီၤအဖိခွါတၢ်စိတၢ်ကမီၤခဲလၢာ်လၢကစံၣ်ညီၣ် တၢ်အဂီၢ်,

လံာ်ယိၤဟၣ် 9:39

ယ့ၣ်ၡူးစံးဝဲဒၣ်, “ယဟဲဆူဟီၣ်ခိၣ်အံၤလၢယကစံၣ်ညီၣ်တၢ် အဂီၢ်, ဒ်သိးပှၤလၢအတထံၣ်တၢ်တဖၣ်ကထံၣ်ထီၣ်က့ၤတၢ်, ဒီးပှၤလၢအထံၣ်တၢ်တဖၣ်အမဲာ်ကဘျီၣ်အဂီၢ်န့ၣ်လီၤ.”

မၤတၢ် 10:42

ဒီးအဝဲဒၣ်မၤလိာ်ပှၤဒ်သိးပကစံၣ်တဲၤတဲလီၤတၢ်သးခုအကစီၣ် ဆူပှၤဂီၢ်မုၢ်, ဒီးအုၣ်ပသးလၢအဝဲမ့ၢ်ပှၤတဂၤလၢယွၤဖှူတ့ၢ်အီၤလၢ အကကဲပှၤမူဒီးပှၤသံတဖၣ်အစံၣ်ညီၣ်ကွီၢ်န့ၣ်လီၤ.

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.