လံာ်ယိၤဟၣ် 5:25 - Sgaw Karen Common Bible

²⁵ ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

လံာ်ယိၤဟၣ် 5:25 Iomraidhean Croise

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်လူၤကၣ် 9:60

ယ့ၣ်ၡူးစံးဆၢဝဲ, “ပျဲပှၤသံတဖၣ်ခူၣ်လီၤအပှၤသံဒၣ်ဝဲတက့ၢ်. မ့မ့ၢ်နဲတခီ, လဲၤဒီးစံၣ်တဲၤတဲလီၤကစၢ်ယွၤအဘီအမုၢ်အဂ့ၢ်တက့ၢ်.”

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 4:21

ယ့ၣ်ၡူးစံးဘၣ်အီၤ, “နာ်ယၤတက့ၢ်ပိာ်မုၣ်ဧၢ, တၢ်ဆၢကတီၢ် ကတုၤဝဲဖဲပှၤတဘူၣ်ထီၣ်ဘါထီၣ်ဘၣ်ပၢ်ယွၤလၢကစၢၢ်အံၤ အလိၤမ့ၢ်ဂ့ၤ, လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လၢၤဘၣ်.

လံာ်ယိၤဟၣ် 4:23

မ့မ့ၢ်အဆၢကတီၢ်နၣ်ရံၣ်ကဘၣ်ဝဲ, ဒီးဘၣ်ခဲကနံၣ်အံၤဒၣ် လဲာ်ဖဲပှၤလၢအဘူၣ်ထီၣ်ဘါထီၣ်တၢ်နီၢ်နီၢ်တဖၣ် ကဘူၣ်ထီၣ်ဘါထီၣ်ပၢ်ယွၤလၢသူၣ်လၢသးဒီးလၢတၢ်မ့ၢ် တၢ်တီလီၤ. အဂ့ၢ်ဒ်အံၤ, ပၢ်ယွၤအဲၣ်ဒိးပှၤလၢအဘူၣ်ထီၣ်ဘါထီၣ်အီၤဒ်န့ၣ်အသိး တဖၣ်လီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

လံာ်ယိၤဟၣ် 5:28

တဘၣ်ကမၢကမၣ်လၢတၢ်အံၤအဃိတဂ့ၤ. အဂ့ၢ်ဒ်အံၤ, တၢ်ဆၢကတီၢ်ကဟဲဝဲဖဲပှၤအသံခဲလၢာ် ကနၢ်ဟူအကလုၢ်,

လံာ်ယိၤဟၣ် 6:60

အပျဲၢ်အဘီၣ်အါဂၤနၢ်ဟူတၢ်အံၤဒီးစံးဝဲ, “တၢ်သိၣ်လိသီလိအံၤတလၢကွံာ်အခၢးလီၤ. မ့ၢ်မတၤတူၢ်လိာ်အီၤကသ့တဂၤလဲၣ်.”

လံာ်ယိၤဟၣ် 8:43

ဘၣ်မနုၤအဃိသုတနၢ်ပၢၢ်တၢ်လၢယစံးကတိၤန့ၣ်လဲၣ်. တၢ်အဝဲအံၤမ့ၢ်ဒၣ်လၢတၢ်လၢယစံးဘၣ်တဲဘၣ်သုန့ၣ်, သုတူၢ်အီၤတပှဲၤဘၣ်အဃိလီၤ.

လံာ်ယိၤဟၣ် 8:47

ပှၤလၢအဟဲလၢကစၢ်ယွၤအအိၣ်န့ၣ်, ဒိကနၣ်ကစၢ်ယွၤကလုၢ် ကထါတဖၣ်လီၤ. မ့မ့ၢ်သုဝဲတခီ, သုတဟဲလၢကစၢ်ယွၤအအိၣ်ဘၣ်အဃိသတးဒီး, သုတဒိကနၣ်တၢ်ဘၣ်.”

လံာ်ယိၤဟၣ် 9:27

အဝဲစံးဆၢတၢ်ဒီးစံးဝဲ, “ယစံးဘၣ်တဲဘၣ်သုဝံၤတ့ၢ်လံ ဒီးသုတကနၣ်ယၤဘၣ်. ဘၣ်မနုၤအဃိလၢသုအဲၣ်ဒိးနၢ်ဟူကဒီး တၢ်ဂ့ၢ်အံၤန့ၣ်လဲၣ်. ဘၣ်သ့ၣ်သ့ၣ်သုဝဲစ့ၢ်ကီးကမ့ၢ် သုအဲၣ်ဒိးကဲထီၣ်ယ့ၣ်ၡူးအပျဲၢ်အဘီၣ်တဖၣ်သၢၣ်.”

ရိမ့ၤ 6:4

မ့မ့ၢ်ဒ်န့ၣ်ဒီး, လၢပတၢ်ဒိးဘျၢပသးအဃိပဘၣ် တၢ်ခူၣ်လီၤဃုာ်ဒီးအီၤဒီးပသံဃုာ်ဒီးအီၤဒ်သိး, ဒ်ခရံာ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံခီဖျိပၢ်အစိကမီၤလၢအပှဲၤဒီးအလၤကပီၤ အသိးန့ၣ်, ပကအိၣ်ဒီးတၢ်အိၣ်မူအသီဒ်န့ၣ်အသိးစ့ၢ် ကီးလီၤ.

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.

အ့းဖ့းစူး 2:5

မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

ကလီးစဲ 2:13

လၢညါန့ၣ်လၢသုတၢ်ဒဲးဘးအဃိ, ဒီးလၢသုမ့ၢ်ပှၤကလုာ်ဂၤတဖၣ်လၢအတအိၣ်ဘၣ်ဒီးတၢ်သိၣ်တၢ်သီ အဃိသုမ့ၢ်တ့ၢ်ပှၤလၢအသံဝဲလၢသူၣ်လၢသးလီၤ. ဘၣ်ဆၣ်အခဲအံၤယွၤဒုးဂဲၤဆၢထၢၣ်က့ၤလံသုလၢတၢ်သံဃုာ်ဒီး ခရံာ်လံ. ယွၤပျၢ်ကွံာ်ကယဲၢ်ပတၢ်ဒဲးဘးတဖၣ်ခဲလၢာ်လီၤ.

လံာ်လီၣ်ဖျါ 3:1

ဆူဝ့ၢ်စၢ်ဒံတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤ မ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးကစၢ်ယွၤ အသးနွံဖျၢၣ်, ဒီးဆၣ်နွံဖျၢၣ်အအိၣ်န့ၣ်လီၤ. နမၤတၢ်မနုၤလဲၣ်န့ၣ် ယသ့ၣ်ညါယဲလီၤ. ယသ့ၣ်ညါလၢနအိၣ်ဒီးနမံၤနသၣ်လၢ နအိၣ်မူအိၣ်ဂဲၤ, အနီၢ်နီၢ်တခီ, နသံနဲန့ၣ်လီၤ.