လံာ်ယိၤဟၣ် 5:20 - Sgaw Karen Common Bible

²⁰ အဂ့ၢ်ဒ်အံၤ, ပၢ်အဲၣ်ဖိခွါဒီးဒုးနဲၣ်အီၤကယဲၢ်တၢ်လၢ အကစၢ်ဒၣ်ဝဲမၤဝဲခဲလၢာ်န့ၣ်လီၤ. ကဒုးနဲၣ်အီၤလၢတၢ်မၤဒိၣ်န့ၢ် အအံၤတဖၣ်ဒီးသုကကမၢကမၣ်ဒိၣ်မးန့ၣ်လီၤ.

လံာ်ယိၤဟၣ် 5:20 Iomraidhean Croise

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မးသဲ 4:8

အန့ၣ်ဝံၤဒီး မုၣ်ကီၤလံၢ်ဆှၢထီၣ်ယ့ၣ်ၡူးဆူကစၢၢ်လၢအထီမးတဖျၢၣ် အလိၤဒီးဒုးနဲၣ်အီၤလၢဟီၣ်ခိၣ်အဘီမုၢ်တဖၣ်ဃုာ်ဒီးအလၤကပီၤခဲ လၢာ်လီၤ.

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 10:32

ယ့ၣ်ၡူးစံးဘၣ်အဝဲသ့ၣ်, “ယဒုးနဲၣ်တ့ၢ်သုတၢ်မၤအဂ့ၤအါမံၤလၢယပၢ်အအိၣ်လံ. သုသးအိၣ်ကွံာ်ယၤလၢလၢၢ်လၢတၢ်မၤဖဲလဲၣ်တမံၤအဃိ လဲၣ်.”

လံာ်ယိၤဟၣ် 14:12

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအစူၢ်က့ၤနာ်က့ၤယၤန့ၣ် တၢ်မၤလၢယမၤန့ၣ်ကမၤဝဲဒီး, ကမၤတၢ်ဒိၣ်န့ၢ်တၢ်တဖၣ်အံၤ တက့ၢ်, မ့ၢ်လၢယကက့ၤဆူပၢ်အအိၣ်အဃိန့ၣ်လီၤ.

လံာ်ယိၤဟၣ် 15:15

ယတကိးသုလၢတၢ်ခ့တၢ်ပှၤတဖၣ်လၢၤဘၣ်. မ့ၢ်လၢတၢ်ခ့ တၢ်ပှၤတဂၤန့ၣ်တသ့ၣ်ညါတၢ်လၢအဝဲအကစၢ်မၤဝဲ န့ၣ်ဘၣ်အဃိလီၤ. မ့မ့ၢ်, ယကိးသုလၢတံၤသကိးတဖၣ်, မ့ၢ်လၢယစံးဘၣ်တဲဘၣ်သုတၢ်ခဲလၢာ်လၢယနၢ် ဟူလၢယပၢ်အအိၣ်အဃိလီၤ.

လံာ်ယိၤဟၣ် 17:26

ယဒုးသ့ၣ်ညါတ့ၢ်အဝဲသ့ၣ်လၢနၤ, ဒီးယကမၤယဲဒံး, ဒ်သိးတၢ်အဲၣ်လၢနအဲၣ်ယၤန့ၣ်ကအိၣ်လၢအဝဲသ့ၣ်အပူၤ, ဒီးဒ်သိးယကအိၣ်လၢအဝဲသ့ၣ်အပူၤစ့ၢ်ကီးန့ၣ်လီၤ.”

လံာ်ယိၤဟၣ် 3:35

ပၢ်အဲၣ်အဖိခွါဒီးဟ့ၣ်လီၤတၢ်ခဲလၢာ်လၢအစုပူၤလီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

လံာ်ယိၤဟၣ် 5:29

ဒီးကဟဲက့ၤထီၣ်ဝဲလၢအသွၣ်ခိၣ်အပူၤ, ပှၤလၢအမၤတၢ်ဂ့ၤတဖၣ်ကဂဲၤဆၢထၢၣ်က့ၤဒီးမူဝဲ ဒီးပှၤလၢအမၤတၢ်အၢတဖၣ်ကဂဲၤဆၢထၢၣ်က့ၤဒီး ဘၣ်တၢ်စံၣ်ညီၣ်ဃၣ်အီၤန့ၣ်လီၤ.

၂ ပ့းတရူး 1:17

ဖဲပၢ်ကစၢ်ယွၤဟ့ၣ်လီၤအီၤတၢ်ပာ်ဒိၣ်ပာ်ထီဒီးတၢ်လၤကပီၤ အဆၢကတီၢ်, ဒီးဖဲယွၤလၢအလၤကပီၤဒိၣ်စိတဂၤအကလုၢ် ဟဲတုၤအိၣ်အီၤဒီး စံးဝဲ, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်ယသး လၢအီၤဒိၣ်မးလီၤ” အဆၢကတီၢ်န့ၣ်, ပအိၣ်ဖဲန့ၣ်လီၤ.