လံာ်ယိၤဟၣ် 5:15 - Sgaw Karen Common Bible

¹⁵ အန့ၣ်ဒီး, ပှၤတဂၤန့ၣ်ဟးထီၣ်ကွံာ်ဝဲဒီးလဲၤစံးဘၣ်တဲဘၣ် ပှၤယူဒၤဖိအခိၣ်အနၢ်တဖၣ်လၢပှၤလၢအမၤဘျါက့ၤအီၤန့ၣ်မ့ၢ် ယ့ၣ်ၡူးန့ၣ်လီၤ.

လံာ်ယိၤဟၣ် 5:15 Iomraidhean Croise

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်ယိၤဟၣ် 1:19

ဖဲပှၤယူဒၤဖိအခိၣ်အနၢ်လၢယရူၤၡလ့ၣ်တဖၣ် မၢလီၤပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ဆူ စီၤယိၤဟၣ်အအိၣ်ဒ်သိးကသံကွၢ်အီၤ, “နမ့ၢ်မတၤလဲၣ်.” န့ၣ်ဒီး အဝဲအတၢ်အုၣ်အသးမ့ၢ်အအံၤန့ၣ်လီၤ.

လံာ်ယိၤဟၣ် 4:29

“ဟဲဒီးကွၢ်ပှၤတဂၤလၢအစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံန့ၣ်တက့ၢ်. မ့ၢ်ကမ့ၢ်ခရံာ်န့ၣ်ဧါ.”

လံာ်ယိၤဟၣ် 5:10

တၢ်မၤအသးအံၤဘၣ်ဝဲလၢပှၤယူဒၤဖိအမုၢ်အိၣ်ဘှံးနံၤ အဃိ, ပှၤယူဒၤဖိအခိၣ်အနၢ်တဖၣ်စံးဘၣ်ပှၤလၢအဘျါက့ၤ တဂၤန့ၣ်, “တနံၤအံၤမ့ၢ်မုၢ်အိၣ်ဘှံးနံၤအဃိ, နဟးစိာ်နလီၢ် မံအံၤန့ၣ်ထီဒါပတၢ်သိၣ်တၢ်သီလီၤ.”

လံာ်ယိၤဟၣ် 5:12

အဝဲသ့ၣ်သံကွၢ်အီၤ, “ပှၤလၢအမၢနမၤတၢ်အံၤန့ၣ်မ့ၢ်မတၤ တဂၤလဲၣ်.”

လံာ်ယိၤဟၣ် 5:16

မၤသးဒ်န့ၣ်ဒီး, ပှၤယူဒၤဖိအခိၣ်အနၢ်တဖၣ်စးထီၣ်ထီဒုၣ်ထီဒါ ယ့ၣ်ၡူးမ့ၢ်လၢအဝဲမၤဘျါက့ၤပှၤဆါတဂၤအံၤလၢမုၢ်အိၣ်ဘှံးနံၤ အဃိန့ၣ်လီၤ.

လံာ်ယိၤဟၣ် 5:18

တၢ်ကတိၤအံၤမၤဆူၣ်မၤကိၤထီၣ်ပှၤယူဒၤဖိအခိၣ်အနၢ်တဖၣ် အသးအါန့ၢ်အလီၢ်လၢအကမၤသံကွံာ်ယ့ၣ်ၡူး, တမ့ၢ်ထဲလၢအဝဲလုၣ်သ့ၣ်ခါပတာ်မုၢ်အိၣ်ဘှံးနံၤတၢ်သိၣ် တၢ်သီဧိၤဘၣ်. မ့မ့ၢ်, မ့ၢ်လၢအဝဲစံးစ့ၢ်ကီးဝဲလၢ ကစၢ်ယွၤမ့ၢ်အပၢ်ဒၣ်ဝဲဒီးပာ်အသးထဲသိးဒီးယွၤအဃိ န့ၣ်လီၤ.

လံာ်ယိၤဟၣ် 9:15

တုၤနုၤတစု, ပှၤဖၤရံၤၡဲတဖၣ်သံကွၢ်ကဒီးပှၤတဂၤအံၤ လၢအထံၣ်ထီၣ်က့ၤတၢ်ဒ်လဲၣ်အဂ့ၢ်န့ၣ်လီၤ. အဝဲစံးဆၢဝဲ, “ယ့ၣ်ၡူးပဲလီၤကပံာ်လၢယမဲာ်ချံအလိၤဝံၤ ယပျၢ်ယမဲာ်ဒီးခဲအံၤယထံၣ်ထီၣ်က့ၤတၢ်န့ၣ်လီၤ.”

လံာ်ယိၤဟၣ် 9:25

ပှၤတဂၤအံၤစံးဆၢတၢ်ဒီးစံးဝဲ, “အဝဲမ့ၢ်ပှၤတၢ်ဒဲးဘးဖိဧါ, တမ့ၢ်ဘၣ်လဲၣ်န့ၣ်, ယတသ့ၣ်ညါဘၣ်. တၢ်လၢယသ့ၣ်ညါ တမံၤန့ၣ်, လၢညါယမဲာ်ဘျီၣ်, ဘၣ်ဆၣ်ခဲအံၤယထံၣ်ထီၣ်က့ၤတၢ်လံ.”

လံာ်ယိၤဟၣ် 9:30

ပှၤအမဲာ်ထံၣ်ထီၣ်က့ၤတၢ်တဂၤန့ၣ်စံးဆၢတၢ်ဒီးစံးဝဲ, “တၢ်တမံၤအံၤမ့ၢ်တၢ်လီၤကမၢကမၣ်ဒိၣ်မးလီၤ. ပှၤတဂၤအံၤဟဲလၢလဲၣ်န့ၣ်သုတသ့ၣ်ညါဘၣ်. ဘၣ်ဆၣ်အဝဲမၤဘျါက့ၤယၤလၢယတၢ်မဲာ်ဘျီၣ်န့ၣ်လီၤ.

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.