လံာ်ယိၤဟၣ် 5:14 - Sgaw Karen Common Bible

¹⁴ လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်ယိၤဟၣ် 5:14 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 28:22

ဒီးဖဲအဝဲအတၢ်ကိၢ်တၢ်ဂီၤတဖၣ်တုၤဃီၤဆူအအၢကတၢၢ် အကတီၢ်န့ၣ်, စီၤအၤဃးတဂၤန့ၣ်မၤတၢ်ဒဲးဘးထီဒါယွၤအါန့ၢ်ဒံးအလီၢ် တက့ၢ်န့ၣ်လီၤ.

လံာ်စီၤနဃ့မယၤ 9:28

တုၤတၢ်ဃူတၢ်ဖိးန့ၢ်ကဒါန့ၣ်, အဝဲသ့ၣ်မၤဒဲးဘးတ့ၢ်ကဒီးတၢ် ဒီးနပျဲက ဒီးအဒုၣ်အဒါမၤနၢၤအဝဲသ့ၣ်န့ၣ်လီၤ. အန့ၣ်ဒၣ်လဲာ်ဖဲအဝဲသ့ၣ်ပီၢ်ယၢ်လီၤက့ၤအသး, ဒီးဃ့တၢ်မၤစၢၤလၢနၤလၢနကမၤပူၤဖျဲးအဝဲသ့ၣ်န့ၣ်, နနၢ်ဟူအတၢ်ဃ့လၢမူခိၣ်ဒီးလၢနတၢ်သးကညီၤဖးဒိၣ်အပူၤ, နမၤပူၤဖျဲးအဝဲသ့ၣ်တဘျီဝံၤတဘျီန့ၣ်လီၤ.

စံးထီၣ်ပတြၢၤ 118:18

ယွၤသိၣ်ဃီၣ်ယၤနးမးလီၤ. ဘၣ်ဆၣ်ဒီး တဟ့ၣ်လီၤကွံာ်ယၤဆူတၢ်သံဘၣ်.

စံးထီၣ်ပတြၢၤ 18:22

ယတိၢ်န့ၢ်အတၢ်သိၣ်တၢ်သီခဲလၢာ်, ယတလုၢ်သ့ၣ်ခါပတာ် အတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 27:6

ယကမၤနၢၤယဒုၣ်ယဒါတဖၣ်လၢ အအိၣ်ဝးတရံးယၤလီၤ. လၢတၢ်ကိးပသူထီၣ်လၢတၢ်သးခုအပူၤ ယကလုၢ်ထီၣ်ပာ်ထီၣ်တၢ်လၢ အတၢ်လုၢ်ဟံၣ်အပူၤန့ၣ်လီၤ. ယကသးဝံၣ်တၢ်, ယကစံးထီၣ်ပတြၢၤယွၤန့ၣ်လီၤ.

စံးထီၣ်ပတြၢၤ 9:13

သူၣ်ကညီၤသးကညီၤယၤယွၤဧၢ, ကွၢ်ယတၢ်နးတၢ်ဖှီၣ်လၢ ယဒုၣ်ယဒါမၤဘၣ်ယၤန့ၣ်တက့ၢ်. ယွၤဧၢ, ဒုးပူၤဖျဲးယၤလၢတၢ်သံ,

လံာ်ယၡါယၤ 38:20

ယွၤဧၢ, နမၤဘျါတ့ၢ်ယၤလံ. ပကဒ့တနၢ်သီတူၢ်တဖၣ်ဒီးသးဝံၣ် နတၢ်စံးထီၣ်ပတြၢၤလီၤ. ပကသးဝံၣ်စံးထီၣ်ပတြၢၤတၢ်လၢနတၢ်လုၢ်ဟံၣ်အပူၤလၢပသးသမူ တစိၤဒၣ်ပှၤလီၤ.

လံာ်ယၡါယၤ 38:22

ဒီးစီၤပၤဃံးစကံယၤစ့ၢ်ကီးသံကွၢ်တ့ၢ်ဝဲ, “လၢယကလဲၤထီၣ်ဆူယွၤအဟံၣ်အဂီၢ်, တၢ်ပနီၣ်မ့ၢ်တၢ်မနုၤလဲၣ်,” န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:20

ဒီးပှၤလုၢ်တၢ်အခိၣ်ကကွၢ်အီၤ, ဒီးတၢ်အပူၤလီၢ်မ့ၢ်ယိာ်န့ၢ် အဖံးလၢအဃၢၤဒီးအဆူၣ်အိၣ်လၢအပူၤလီၢ်မ့ၢ်လီၤဝါန့ၣ်, ကဘၣ်ဘိးဘၣ်သ့ၣ်ညါအီၤလၢအတကဆှီဘၣ်န့ၣ်လီၤ. ဒီးတၢ်န့ၣ်မ့ၢ်တၢ်ဆါလၢအစးထီၣ်အသးလၢတၢ်ဝ့ထီၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:27

ဒီးလၢတၢ်အံၤအဃိဒၣ်လဲာ်သုမ့ၢ်တဒိကနၣ်ယတၢ်မၤလိာ်တဖၣ်ဒီးထီဒါယၤဒံးန့ၣ်,

လံာ်တၢ်ဘူၣ်ထီၣ်ဘါထီၣ် 7:12

ပှၤတဂၤမ့ၢ်လုၢ်ထီၣ်တၢ်လုၢ်အံၤဒ်တၢ်စံးဘျုးစံးဖှိၣ်ဆူကစၢ် ယွၤအအိၣ်န့ၣ်, ကဘၣ်လုၢ်ထီၣ်ဆၣ်ဖိကီၢ်ဖိဃုာ်ဒီးကိၣ်တအိၣ်ဘၣ်ဒီးကိၣ်လၢတအိၣ် ဒီးကိၣ်မံၣ်အတၢ်လုၢ်လၢအမ့ၢ်ကိၣ်အလိၣ်လၢတၢ်မၤအီၤလၢကိၣ် ကမူၣ်ဒီးသ့ၣ်စၤယံးအသိဃါဃုာ်အသးမ့ၢ်ဂ့ၤ, ကိၣ်ဘ့ၣ်ဘၣ်လၢတၢ် ဒွါအီၤဒိးသ့ၣ်စၤယံးအသိမ့ၢ်ဂ့ၤ, ကိၣ်ကမူၣ်ဒီးသ့ၣ်စၤယံးအသိးဃါဃုာ်သးအကိၣ်ဘ့ၣ်ဘၣ်ကုၢ်အသးမ့ၢ်ဂ့ၤန့ၣ်လီၤ.

လံာ်မးသဲ 12:45

တုၤနုၤတစုအဝဲလဲၤကိးန့ၢ်တၢ်နါအၢန့ၢ်အနီၢ်ကစၢ်ဒၣ်ဝဲနွံ ဒုဒီးဟဲက့ၤအိၣ်ဝဲဆိးဝဲဖဲန့ၣ်လီၤ. တၢ်လၢပှၤတဂၤန့ၣ်အတၢ်မ့ၢ်တၢ်လၢခံကတၢၢ်အၢန့ၢ်ဒံးလၢအခီၣ် ထံးတက့ၢ်လီၤ. လၢတၢ်န့ၣ်အဃိ, တၢ်ကမၤစ့ၢ်ကီးအသးဒီးပှၤအၢပှၤသီ တစိၤအံၤဒ်န့ၣ်အသိးလီၤ.”

လံာ်မၢ်ကူး 2:5

တုၤယ့ၣ်ၡူးထံၣ်ဘၣ်အဝဲသ့ၣ်အတၢ်နာ်လၢအအါဝဲန့ၣ်ဒီး, စံးဘၣ်ပှၤသံတခီပၤတဂၤန့ၣ်, “ယဖိခွါဧၢ, နတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလံ.”

လံာ်ယိၤဟၣ် 5:13

ဘၣ်ဆၣ်ပှၤလၢအဘျါက့ၤတဂၤအံၤယ့ၣ်ၡူးမ့ၢ်မတၤလဲၣ်န့ၣ် တသ့ၣ်ညါဝဲဘၣ်. အဂ့ၢ်မ့ၢ်လၢပှၤအိၣ်ဖဲန့ၣ်ဂီၢ်မုၢ်ဂီၢ်ပၤဒီး ယ့ၣ်ၡူးဟးထီၣ်ကွံာ်ဝဲကစုဒုအဃိန့ၣ်လီၤ.

လံာ်ယိၤဟၣ် 5:5

ပှၤအိၣ်ဖဲန့ၣ်တဂၤလၢအဆိးက့တ့ၢ်လံလၢ သၢဆံဃိးနံၣ်အတီၢ်ပူၤန့ၣ်လီၤ.

လံာ်ယိၤဟၣ် 8:11

ပိာ်မုၣ်န့ၣ်စံးဆၢအီၤ, “ကစၢ်ဧၢ, တအိၣ်နီတဂၤလၢၤဘၣ်.” ဒီးယ့ၣ်ၡူးစံးဘၣ်အီၤ, “မ့မ့ၢ်ဒ်န့ၣ်ဒီးယတစံၣ်ညီၣ်နၤစ့ၢ်ကီး ဘၣ်. က့ၤက့ၤဒီးတဘၣ်မၤလၢၤတၢ်ဒဲးဘးတဂ့ၤ.”]

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.