လံာ်ယိၤဟၣ် 5:13 - Sgaw Karen Common Bible

¹³ ဘၣ်ဆၣ်ပှၤလၢအဘျါက့ၤတဂၤအံၤယ့ၣ်ၡူးမ့ၢ်မတၤလဲၣ်န့ၣ် တသ့ၣ်ညါဝဲဘၣ်. အဂ့ၢ်မ့ၢ်လၢပှၤအိၣ်ဖဲန့ၣ်ဂီၢ်မုၢ်ဂီၢ်ပၤဒီး ယ့ၣ်ၡူးဟးထီၣ်ကွံာ်ဝဲကစုဒုအဃိန့ၣ်လီၤ.

လံာ်ယိၤဟၣ် 5:13 Iomraidhean Croise

လံာ်လူၤကၣ် 24:31

အဝဲသ့ၣ်အမဲာ်အိးထီၣ်အသးဒီးသ့ၣ်ညါက့ၤအီၤ, ဘၣ်ဆၣ်ဒီးအဝဲဒၣ်ဟါမၢ်ကွံာ်လၢအဝဲသ့ၣ်အမဲာ်ညါလီၤ.

လံာ်လူၤကၣ် 4:30

ဘၣ်ဆၣ်ဒီးအဝဲဒၣ်ဟးထီၣ်ကွံာ်လၢပှၤဂီၢ်မုၢ်အကဆူးဒီး လဲၤလၢအကျဲဒၣ်ဝဲလီၤ.

လံာ်ယိၤဟၣ် 14:9

ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

လံာ်ယိၤဟၣ် 5:12

အဝဲသ့ၣ်သံကွၢ်အီၤ, “ပှၤလၢအမၢနမၤတၢ်အံၤန့ၣ်မ့ၢ်မတၤ တဂၤလဲၣ်.”

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်ယိၤဟၣ် 8:59

ထဲန့ၣ်ဒီး, အဝဲသ့ၣ်ထၢထီၣ်လၢၢ်တဖၣ်လၢကကွံာ်အီၤ အဂီၢ်, ဘၣ်ဆၣ်ယ့ၣ်ၡူးပာ်ခူသူၣ်အသးဒီး ဟးထီၣ်ကွံာ်လၢတၢ်လုၢ်ဟံၣ်အပူၤန့ၣ်လီၤ.