လံာ်ယိၤဟၣ် 5:10 - Sgaw Karen Common Bible

¹⁰ တၢ်မၤအသးအံၤဘၣ်ဝဲလၢပှၤယူဒၤဖိအမုၢ်အိၣ်ဘှံးနံၤ အဃိ, ပှၤယူဒၤဖိအခိၣ်အနၢ်တဖၣ်စံးဘၣ်ပှၤလၢအဘျါက့ၤ တဂၤန့ၣ်, “တနံၤအံၤမ့ၢ်မုၢ်အိၣ်ဘှံးနံၤအဃိ, နဟးစိာ်နလီၢ် မံအံၤန့ၣ်ထီဒါပတၢ်သိၣ်တၢ်သီလီၤ.”

လံာ်ယိၤဟၣ် 5:10 Iomraidhean Croise

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယံးရမံယၤ 17:21

တဲဘၣ်အဝဲသ့ၣ်လၢ, အဝဲသ့ၣ်မ့ၢ်အဲၣ်အသးသမူတဖၣ်ဒီး, လၢမုၢ်အိၣ်ဘှံးနံၤန့ၣ်, တဘၣ်ဝံစိာ်တၢ်ဝံတၢ်ယိးနီတမံၤမ့ၢ်ဂ့ၤ ဟဲစိာ်နုာ်အီၤခီဖျိဝ့ၢ်ယရူၤၡလ့ၣ်အတြဲၤတဖၣ်မ့ၢ်ဂ့ၤန့ၣ်ဘၣ်.

လံာ်ယံးရမံယၤ 17:27

ဘၣ်ဆၣ်ဒီးအဝဲသ့ၣ်ကဘၣ်စူၢ်ယၤဒီးတိၢ်န့ၢ်ဖံးဃာ်မုၢ်အိၣ်ဘှံးနံၤန့ၣ် ဒ်မုၢ်နံၤစီဆှံတနံၤအသိးန့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ် တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်ဘၣ်. အဝဲသ့ၣ်မ့ၢ်မၤဝဲဒီး, ယကဒွဲၣ်အူထီၣ်ဝ့ၢ်ယရူၤၡလ့ၣ်အတြဲၤတ ဖၣ်လၢမ့ၣ်အူလီၤ. မ့ၣ်အူကအီၣ်ကွံာ်ဝ့ၢ်ယရူၤၡ လ့ၣ်အနူၢ်အစီၤတဖၣ်, ဒီးပှၤမၤလီၤပံာ်ကွံာ်အီၤတန့ၢ်နီတဂၤဘၣ်.”

လံာ်မးသဲ 12:10

ဖဲပှၤလၢအစုသံတခီပၤတဂၤအိၣ်ဝဲန့ၣ်လီၤ. ပှၤအိၣ်ဝဲဖဲန့ၣ်တနီၤလၢအသးအိၣ်ပာ်တၢ်ကမၣ်လၢယ့ၣ်ၡူး အလိၤအဃိသံကွၢ်အီၤဒီးစံး, “တၢ်မၤဘျါတၢ်လၢမုၢ်အိၣ်ဘှံးနံၤန့ၣ်, မ့ၢ်အထီဒါပတၢ်သိၣ်တၢ်သီဧါ.”

လံာ်မၢ်ကူး 2:24

အန့ၣ်ဒီး, ပှၤဖၤရံၤၡဲတဖၣ်စံးဘၣ်ယ့ၣ်ၡူး, “နပျဲၢ်နဘီၣ်တဖၣ်ဒဲးအီၣ်ဘုစဲၤလၢမုၢ်အိၣ်ဘှံးနံၤအံၤနတထံၣ် ဘၣ်ဧါ. တၢ်တမံၤအံၤထီဒါပဝဲပှၤယူဒၤဖိအတၢ်သိၣ်တၢ်သီဘၣ်ဃးမုၢ် အိၣ်ဘှံးနံၤန့ၣ်လီၤ.”

လံာ်မၢ်ကူး 3:4

အန့ၣ်ဝံၤသံကွၢ်ပှၤအိၣ်ဖဲန့ၣ်တဖၣ်, “မ့ၢ်ပတၢ်သိၣ်တၢ်သီဟ့ၣ်ပှၤတၢ်ပျဲလၢ ပကမၤဘၣ်တၢ်ဒ်လဲၣ်တကလုာ်လၢပှၤယူဒၤဖိအမုၢ်အိၣ်ဘှံးနံၤန့ၣ်လဲၣ်. လၢပကမၤဂ့ၤတၢ်အဂီၢ်ဧါ. မ့တမ့ၢ်လၢပကမၤအၢတၢ်အဂီၢ်လဲၣ်. လၢပကမၤပူၤဖျဲးပှၤအသးသမူဧါ. မ့တမ့ၢ်လၢပကမၤသံပှၤတခီန့ၣ်လဲၣ်.” ဘၣ်ဆၣ်ဒီး, ပှၤသ့ၣ်တဖၣ်န့ၣ်အိၣ်ဝဲဘှီၣ်ကလာ်လီၤ.

လံာ်လူၤကၣ် 13:14

ဘူၣ်ဘျီၣ်အခိၣ်အသးထီၣ်လၢယ့ၣ်ၡူးမၤဘျါတ့ၢ်တၢ်လၢမုၢ် အိၣ်ဘှံးနံၤအဃိလီၤ. လၢတၢ်န့ၣ်အဃိအဝဲဒၣ်ကတိၤထီၣ်တၢ်ဒီးစံးဘၣ်ပှၤဂီၢ်မုၢ် တဖၣ်, “မုၢ်နံၤမုၢ်သီအိၣ်ဝဲဒၣ်ဃုနံၤဃုသီလၢပကြၢးဖံးတၢ်မၤတၢ်လီၤ. လၢတၢ်န့ၣ်အဃိ, ဟဲသုဝဲဖဲမုၢ်နံၤမုၢ်သီတဖၣ်န့ၣ်လၢ သုကဘၣ်တၢ်မၤဘျါသုအဂီၢ်န့ၣ်တက့ၢ်. မ့မ့ၢ်လၢမုၢ်အိၣ်ဘှံးနံၤတနံၤန့ၣ်တဘၣ်မၤတဂ့ၤ.”

လံာ်လူၤကၣ် 23:56

အန့ၣ်ဝံၤအလီၢ်ခံ, အဝဲသ့ၣ်က့ၤက့ၤဆူဟံၣ်ဒီးအိၣ်ကတဲာ်ကတီၤပာ်တၢ်နၢမူဒီးမူရၣ် လၢအကဖှူအစိၣ်အဂီၢ်န့ၣ်လီၤ. ဖဲမုၢ်အိၣ်ဘှံးနံၤန့ၣ်, အဝဲသ့ၣ်အိၣ်ဘှံးဝဲဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်လူၤကၣ် 6:2

ပှၤဖၤရံၤၡဲတနီၤစံးဝဲ, “တၢ်တမံၤလၢပတၢ်သိၣ်တၢ်သီစံးသုတဘၣ်မၤသုဝဲဖဲပှၤယူဒၤ ဖိအမုၢ်အိၣ်ဘှံးနံၤန့ၣ်, ဘၣ်မနုၤအဃိသုမၤလဲၣ်.”

လံာ်ယိၤဟၣ် 1:19

ဖဲပှၤယူဒၤဖိအခိၣ်အနၢ်လၢယရူၤၡလ့ၣ်တဖၣ် မၢလီၤပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ဆူ စီၤယိၤဟၣ်အအိၣ်ဒ်သိးကသံကွၢ်အီၤ, “နမ့ၢ်မတၤလဲၣ်.” န့ၣ်ဒီး အဝဲအတၢ်အုၣ်အသးမ့ၢ်အအံၤန့ၣ်လီၤ.

လံာ်ယိၤဟၣ် 5:11

အဝဲစံးဆၢတၢ်ဒီးစံး, “ပှၤလၢအမၤဘျါက့ၤယၤတဂၤစံးဘၣ် ယၤလၢယကဟံးထီၣ်ယလီၢ်မံဒီးဟးထီၣ်န့ၣ်လီၤ.”

လံာ်ယိၤဟၣ် 5:15

အန့ၣ်ဒီး, ပှၤတဂၤန့ၣ်ဟးထီၣ်ကွံာ်ဝဲဒီးလဲၤစံးဘၣ်တဲဘၣ် ပှၤယူဒၤဖိအခိၣ်အနၢ်တဖၣ်လၢပှၤလၢအမၤဘျါက့ၤအီၤန့ၣ်မ့ၢ် ယ့ၣ်ၡူးန့ၣ်လီၤ.

လံာ်ယိၤဟၣ် 5:16

မၤသးဒ်န့ၣ်ဒီး, ပှၤယူဒၤဖိအခိၣ်အနၢ်တဖၣ်စးထီၣ်ထီဒုၣ်ထီဒါ ယ့ၣ်ၡူးမ့ၢ်လၢအဝဲမၤဘျါက့ၤပှၤဆါတဂၤအံၤလၢမုၢ်အိၣ်ဘှံးနံၤ အဃိန့ၣ်လီၤ.

လံာ်ယိၤဟၣ် 7:23

ပှၤတဂၤမ့ၢ်ဘၣ်တၢ်ကူးတရံးအီၤလၢမုၢ်အိၣ်ဘှံးနံၤဒ်သိး စီၤမိၤၡ့အတၢ်သိၣ်တၢ်သီဘၣ်ဃးတၢ်ကူးတရံးအံၤအသု တဘၣ်တၢ်လုၣ်သ့ၣ်ခါပတာ်အီၤတဂ့ၤဒီး, ဘၣ်မနုၤအဃိသုသးဒိၣ်ယၤလၢယမၤဘျါက့ၤပှၤတဂၤ ဂ့ၤဂ့ၤဘၣ်ဘၣ်လၢမုၢ်အိၣ်ဘှံးအနံၤန့ၣ်လဲၣ်.

လံာ်ယိၤဟၣ် 9:16

ပှၤဖၤရံၤၡဲတနီၤစံးဝဲ, “ပှၤတဂၤလၢအမၤတၢ်တမံၤအံၤ တမ့ၢ်ပှၤဟဲလၢကစၢ်ယွၤအအိၣ်ဘၣ်. အဂ့ၢ်မ့ၢ်လၢ အဝဲတစူၢ်မုၢ်အိၣ်ဘှံးနံၤအတၢ်သိၣ်တၢ်သီအဃိလီၤ.” မ့မ့ၢ်အဂၤတနီၤစံးဝဲ, “ပှၤတဂၤလၢအမ့ၢ်ပှၤတၢ်ဒဲးဘးဖိန့ၣ်, မၤတၢ်လီၤလးဒ်သိးအံၤတဖၣ်ကသ့ဝဲလၢကျဲဒ်လဲၣ်.” ဒီးတၢ်လီၤမုၢ်လီၤဖးအိၣ်ထီၣ်လၢအဝဲသ့ၣ်အသိးအကျါလီၤ.