လံာ်ယိၤဟၣ် 4:52 - Sgaw Karen Common Bible

⁵² အဝဲသံကွၢ်ပှၤသ့ၣ်တဖၣ်လၢအဖိခွါအိၣ်မုာ်ထီၣ်က့ၤဖဲ တၢ်ဆၢကတီၢ်မတၤလဲၣ်ဒီး, အဝဲသ့ၣ်စံးဆၢဝဲ, “အတၢ် ကိၢ်လီၤက့ၤန့ၣ်ကဘၣ်ဖဲမဟါတနံၤမုၢ်ဃ့ၢ်လီၤတနၣ်ရံၣ်န့ၣ်လီၤ.”

လံာ်ယိၤဟၣ် 4:52 Iomraidhean Croise

လံာ်မးသဲ 17:18

ဒီးယ့ၣ်ၡူးဒူတၢ်နါအလိၤ, ဒီးတၢ်နါဟးထီၣ်ကွံာ်လၢအလိၤ, ဒီးပိာ်ခွါဖိသၣ်န့ၣ်ဘျါက့ၤဝဲတကတီၢ်ဃီဖဲန့ၣ်လီၤ.

လံာ်မးသဲ 8:13

ယ့ၣ်ၡူးစံးဘၣ်ပှၤသုးဖိတကယၤအခိၣ်, “က့ၤဆူနဟံၣ်တက့ၢ်. ဒီးဒ်နနာ်တၢ်အသိးန့ၣ်ကဘၣ်တၢ်မၤလၢပှဲၤလၢနဂီၢ်လီၤ.” ဒီးသုးခိၣ်အဝဲန့ၣ်အခ့အပှၤန့ၣ်ဘျါက့ၤဝဲတကတီၢ်ဃီဖဲန့ၣ် လီၤ.

လံာ်ယိၤဟၣ် 4:51

ဖဲအက့ၤဝဲအဖၢမုၢ်န့ၣ်, အခ့အပှၤတဖၣ်ဟဲသဂၢၢ်အီၤဒီး စံးဘၣ်အီၤ, “နဖိခွါမူဝဲကစီဒီလီၤ.”

လံာ်ယိၤဟၣ် 4:53

အန့ၣ်ဒီးပၢ်တဂၤအံၤသ့ၣ်နီၣ်ထီၣ်က့ၤဝဲလၢတၢ်အံၤမ့ၢ်နၣ်ရံၣ် တကတီၢ်ဃီဖဲယ့ၣ်ၡူးစံးဘၣ်အီၤ, “နဖိခွါန့ၣ်ကမူကစီဒီလီၤ” န့ၣ်လီၤ. သတးဒီးအဝဲဒီးအဒူၣ်ဖိထၢဖိခဲလၢာ်စူၢ်က့ၤနာ်က့ၤ ယ့ၣ်ၡူးန့ၣ်လီၤ.