လံာ်ယိၤဟၣ် 4:47 - Sgaw Karen Common Bible

⁴⁷ အဝဲဒၣ်နၢ်ဟူလၢယ့ၣ်ၡူးဟဲလၢကီၢ်ယူဒၤဆူကီၢ်ကၤလံၤလါ သတးဒီး, လဲၤဝဲဆူအအိၣ်ဒီးဃ့ကညးအီၤဒ်သိးအကလဲၤ ဆူဝ့ၢ်ကပ့းရနီၣ်ဒီးမၤဘျါက့ၤအဖိခွါလၢဘူးအကသံတ့ၢ် တဂၤန့ၣ်လီၤ.

လံာ်ယိၤဟၣ် 4:47 Iomraidhean Croise

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်မၢ်ကူး 10:47

တုၤအဝဲဒၣ်နၢ်ဟူလၢပှၤလၢအဟဲလၢကျဲန့ၣ်မ့ၢ်ပှၤနစၤရ့းဖိ ယ့ၣ်ၡူးဒီး, တဘျီဃီကိးပသူထီၣ်ဝဲ, “စီၤဒၤဝံးအဖိခွါယ့ၣ်ၡူးဧၢ, သူၣ်ကညီၤသးကညီၤဘၣ်ယၤတက့ၢ်.”

လံာ်လူၤကၣ် 8:41

ဖဲန့ၣ်, ပှၤတဂၤလၢအမံၤမ့ၢ်ဝဲစီၤယၤအ့ၤရူး, ပှၤခိၣ်ပှၤနၢ်တဂၤ, ဖဲဝ့ၢ်အဘူၣ်ဘျီၣ်လၢအမ့ၢ်တၢ်ဘါလီၢ် ဟဲတုၤဝဲဒၣ်လီၤ. အဝဲဒၣ်ချံးခီၣ်တီၤလီၤဖဲယ့ၣ်ၡူးအခီၣ်ထံးဒီးဃ့ ကညးအီၤဒ်သိးအကလဲၤဆူအဟံၣ်,

လံာ်ယိၤဟၣ် 11:21

နီၢ်မၢ်သၤစံးဘၣ်ယ့ၣ်ၡူး “ကစၢ်ဧၢ, နမ့ၢ်အိၣ်ဘၣ်ဖဲအံၤဒီး တမ့ၢ်လၢယဒီပုၢ်ဝဲၢ်ခွါတဂၤအံၤကသံဒံးဘၣ်.

လံာ်ယိၤဟၣ် 11:32

နီၢ်မၤရံလဲၤတုၤဖဲယ့ၣ်ၡူးအိၣ်တၢ်အလီၢ်ဒီး တုၤအထံၣ်အီၤတဘျီဃီအဝဲထိၣ်လီၤပှီၤအသးဖဲယ့ၣ်ၡူး အခီၣ်ထံးဒီးစံးဝဲ, “ကစၢ်ဧၢ, နမ့ၢ်အိၣ်တ့ၢ်နဲဖဲအံၤဒီး ယဒီပုၢ်ဝဲၢ်ခွါတဂၤအံၤတမ့ၢ်လၢအကသံဒံးဘၣ်.”

လံာ်ယိၤဟၣ် 4:3

အဝဲဟးထီၣ်လၢကီၢ်ယူဒၤဒီး လဲၤဝဲဆူကီၢ်ကၤလံၤ လါလီၤ.

လံာ်ယိၤဟၣ် 4:54

အဝဲအံၤမ့ၢ်ယ့ၣ်ၡူးမၤတၢ်လီၤလးခံမံၤတမံၤဖဲ အဟးထီၣ်လၢကီၢ်ယူဒၤဒီးဟဲဆူကီၢ်ကၤလံၤလါဝံၤ အလီၢ်ခံန့ၣ်လီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”