လံာ်ယိၤဟၣ် 4:46 - Sgaw Karen Common Bible

⁴⁶ အန့ၣ်ဝံၤ, ယ့ၣ်ၡူးက့ၤကဒါက့ၤဆူဝ့ၢ်ကၤနါလၢကီၢ်ကၤလံၤလါ အပူၤ, တၢ်လီၢ်ဖဲတဘျီအဝဲမၤကဲထီၣ်ထံလၢစပံးထံန့ၣ်လီၤ. လၢဝ့ၢ်ကပ့းရနီၣ်န့ၣ်ပဒိၣ်အိၣ်ဝဲတဂၤလၢအဖိခွါဆိးက့ဝဲန့ၣ်လီၤ.

လံာ်ယိၤဟၣ် 4:46 Iomraidhean Croise

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 78:34

တုၤယွၤမၤသံအဝဲသ့ၣ်တနီၤဒီးအဝဲသ့ၣ်ဃုအီၤ, ဒီးပီၢ်ယၢ်လီၤက့ၤအသးဒီးဃုယွၤလၢ တၢ်သူၣ်ဆူၣ်သးဆူၣ်အပူၤလီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်မးသဲ 15:22

ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်မးသဲ 4:13

အဝဲတအိၣ်ဝဲဖဲဝ့ၢ်နစၤရ့းဘၣ်. မ့မ့ၢ်လဲၤအိၣ်ဝဲဆိးဝဲလၢဝ့ၢ်ကပ့းရနီၣ် လၢအသူၣ်လီၤအသးလၢပီၣ်လဲၣ်ကၤလံၤလါအနံၤလၢကီၢ်ဆၣ်စဘူလိၣ် ဒီးနးသၤလံအဃၢၤ,

လံာ်မးသဲ 9:18

ဖဲယ့ၣ်ၡူးကတိၤတၢ်ဒ်အံၤအဖၢမုၢ်န့ၣ်, ပှၤယူဒၤဖိအခိၣ်အနၢ် တဂၤဟဲဝဲချံးခီၣ်တီၤလီၤဝဲလၢယ့ၣ်ၡူးအမဲာ်ညါဒီးစံး, “ယဖိမုၣ်တဂၤသံသီသီဒံးလီၤ. ဟဲပိာ်ယခံဒီးပာ်နစုလၢ အလိၤတက့ၢ်. ဒီးအဝဲဒၣ်ကမူထီၣ်က့ၤလီၤ.”

လံာ်လူၤကၣ် 4:23

အဝဲဒၣ်စံးဘၣ်အဝဲသ့ၣ်, “ယနာ်သပှၢ်ကတၢၢ်လၢ သုကတဲယၤလၢတၢ်ကတိၤဒိတထံၣ်အံၤလီၤ. ‘ကသံၣ်သရၣ်ဧၢ, မၤဘျါလီၤက့ၤနသးဒၣ်နဲတက့ၢ်.’ သုကစံးဘၣ်စ့ၢ်ကီးယၤ, ‘တၢ်တမံၤဃီလၢပဘၣ်တၢ်စံးဘၣ်တဲဘၣ်ပှၤလၢအမၤ အသးဖဲကပ့းရနီၣ်တဖၣ်န့ၣ်, မၤအီၤဖဲအံၤလၢနလီၢ်အိၣ်လီၢ်ဆိး နဝ့ၢ်ဒၣ်နဲအပူၤတက့ၢ်’ န့ၣ်လီၤ.”

လံာ်လူၤကၣ် 7:2

ပှၤရိမ့ၤသုးဖိတကယၤအခိၣ်ဖဲဝ့ၢ်အဝဲန့ၣ်အပူၤတဂၤအိၣ် ဒီးတၢ်ခ့တၢ်ပှၤလၢအအဲၣ်ဝဲဒိၣ်မးတဂၤလီၤ. တၢ်ခ့တၢ်ပှၤပိာ်ခွါတဂၤန့ၣ်, အိၣ်တဆူၣ်နးမးတုၤဒၣ်လဲာ်ဘူးတ့ၢ်လၢအကသံလီၤ.

လံာ်လူၤကၣ် 8:42

အဂ့ၢ်မ့ၢ်လၢအဝဲဒၣ်အဖိမုၣ်လၢအအိၣ်ထဲတဂၤဧိၤ, ဒီးအသးအိၣ်ဝဲတဆံခံနံၣ်န့ၣ်ဘူးတ့ၢ်လၢကသံအဃိန့ၣ်လီၤ. ဖဲယ့ၣ်ၡူးလဲၤတၢ်လၢကျဲန့ၣ်, ပှၤဂီၢ်မုၢ်တဖၣ်သနံးအီၤကိးကပၤဒဲးလီၤ.

လံာ်ယိၤဟၣ် 2:12

လၢတၢ်အံၤဝံၤအလီၢ်ခံဒီး, ယ့ၣ်ၡူးဒီးအမိၢ်, ဒီးအဒီပုၢ်ဝဲၢ်တဖၣ်ဒီးအပျဲၢ်အဘီၣ်တဖၣ်လဲၤလီၤ ဝဲဆူဝ့ၢ်ကပ့းရနီၣ်ဒီးအိၣ်ဝဲဖဲန့ၣ်စှၤနံၤစှၤသီလီၤ.

လံာ်ယိၤဟၣ် 21:2

စီၤၡံမိၣ်ပ့းတရူး, စီၤသိၤမါ (လၢတၢ်ကိးအီၤလၢပှၤသဃံာ်), စီၤနၤသန့လး (ပှၤဝ့ၢ်ကၤနါဖိလၢကီၢ်ကၤလံၤလါ), စီၤစ့းဘ့းဒဲ အဖိခွါခံဂၤ, ဒီးယ့ၣ်ၡူးအပျဲၢ်အဘီၣ်အဂၤခံဂၤ, ဒီးအဝဲသ့ၣ်ခဲလၢာ်န့ၣ်အိၣ်ဝဲတပူၤဃီလီၤ.

လံာ်စီၤယိၤၡူ 19:28

ဒီးဃ့ဘြိၣ်, ရဃိၣ်, ဃမိၤ, ကါနၤ, ပၢၢ်လၢစံဒိၣ်ဖးဒိၣ်လီၤ.