လံာ်ယိၤဟၣ် 4:45 - Sgaw Karen Common Bible

⁴⁵ ဖဲအဝဲလဲၤတုၤဝဲလၢကီၢ်ကၤလံၤလါန့ၣ်, ပှၤဖဲန့ၣ်တဖၣ်တူၢ်လိာ်ခီၣ်ဆၢအီၤဂ့ၤမးမ့ၢ်လၢ အဝဲသ့ၣ်လဲၤတ့ၢ်လံဆူဘူၣ်လဲၤကပာ်လၢဝ့ၢ်ယရူၤၡလ့ၣ် ဒီးထံၣ်ဘၣ်လံတၢ်ခဲလၢာ်လၢအဝဲမၤတ့ၢ်ဝဲဖဲဘူၣ် အကတီၢ်န့ၣ်အဃိလီၤ.

လံာ်ယိၤဟၣ် 4:45 Iomraidhean Croise

လံာ်လူၤကၣ် 13:1

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တနီၤလၢအစံးဘၣ်တဲဘၣ် ယ့ၣ်ၡူးဘၣ်ဃးဒီးပှၤကၤလံၤလါဖိတဖၣ်လၢ စီၤပံၤလးမၤသံတ့ၢ်ဝဲဖဲအဝဲသ့ၣ်လုၢ်ထီၣ်ပာ်ထီၣ် တၢ်ဆူကစၢ်ယွၤအအိၣ်အဖၢမုၢ်အဂ့ၢ်န့ၣ်လီၤ.

လံာ်လူၤကၣ် 8:40

ဖဲယ့ၣ်ၡူးက့ၤကဒါက့ၤဆူနိၣ်အဝၢ်ဘးခီတကပၤန့ၣ်, ပှၤဂီၢ်မုၢ်တူၢ်လိာ်ခီၣ်ဆၢအီၤ, အဂ့ၢ်မ့ၢ်လၢအဝဲသ့ၣ်အိၣ်ခိးကွၢ်လၢ်တ့ၢ်အကျဲအဃိန့ၣ်လီၤ.

လံာ်လူၤကၣ် 9:53

ဘၣ်ဆၣ်ဒီးပှၤသဝီဖိဖဲန့ၣ်တဖၣ်တသးအိၣ်တူၢ်လိာ်ယ့ၣ်ၡူးဘၣ်. အဂ့ၢ်မ့ၢ်လၢအအိၣ်ဖျါလီၤတံၢ်ဝဲလၢအကလဲၤဝဲဒၣ်ဆူဝ့ၢ်ယရူၤၡလ့ၣ် အဃိန့ၣ်လီၤ.

လံာ်ယိၤဟၣ် 2:23

ဖဲယ့ၣ်ၡူးအိၣ်ဝဲလၢဝ့ၢ်ယရူၤၡလ့ၣ်လၢဘူၣ်လဲၤကပာ်အဆၢ ကတီၢ်န့ၣ်, ပှၤထံၣ်တၢ်လီၤလးတဖၣ်လၢအမၤဝဲဒီး ပှၤအါဂၤ စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 4:54

အဝဲအံၤမ့ၢ်ယ့ၣ်ၡူးမၤတၢ်လီၤလးခံမံၤတမံၤဖဲ အဟးထီၣ်လၢကီၢ်ယူဒၤဒီးဟဲဆူကီၢ်ကၤလံၤလါဝံၤ အလီၢ်ခံန့ၣ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.