လံာ်ယိၤဟၣ် 4:42 - Sgaw Karen Common Bible

⁴² ဒီးအဝဲသ့ၣ်စံးဘၣ်ပိာ်မုၣ်န့ၣ်, “ပစူၢ်က့ၤနာ်က့ၤတၢ်ခဲအံၤ တမ့ၢ်လၢၤလၢနတၢ်ကတိၤတဖၣ်အဃိဘၣ်. မ့မ့ၢ်, မ့ၢ်လၢ ပနၢ်ဟူအတၢ်စံးတၢ်ကတိၤလၢပကစၢ်ဒၣ်ဝဲအဃိဒီးပသ့ၣ်ညါ လၢအဝဲမ့ၢ်နီၢ်နီၢ်ပှၤလၢအအုၣ်က့ၤခီၣ်က့ၤပှၤဟီၣ်ခိၣ်ဖိန့ၣ်လီၤ.”

လံာ်ယိၤဟၣ် 4:42 Iomraidhean Croise

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်မးသဲ 1:21

အဝဲကဆံးစၢ်န့ၢ်ဖိခွါတဂၤဒီးနကဘၣ်ယုၢ်န့ၢ်အမံၤလၢယ့ၣ်ၡူး လီၤ. အဂ့ၢ်မ့ၢ်လၢအဝဲကအုၣ်က့ၤခီၣ်က့ၤအပှၤဂီၢ်မုၢ်လၢအဝဲသ့ၣ် အတၢ်ဒဲးဘးအပူၤလီၤ.”

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 11:17

ဖဲယ့ၣ်ၡူးလဲၤတုၤဝဲန့ၣ်, ထံၣ်ဘၣ်ဝဲလၢ စီၤလါစရူးဘၣ်တၢ်ခူၣ်လီၤတ့ၢ်လံအီၤအိၣ်လွံၢ်သီလံန့ၣ်လီၤ.

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

လံာ်ယိၤဟၣ် 4:29

“ဟဲဒီးကွၢ်ပှၤတဂၤလၢအစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံန့ၣ်တက့ၢ်. မ့ၢ်ကမ့ၢ်ခရံာ်န့ၣ်ဧါ.”

လံာ်ယိၤဟၣ် 4:41

ဒီးမ့ၢ်လၢယ့ၣ်ၡူးအတၢ်စံးတၢ်ကတိၤအဃိဒီး, ပှၤစူၢ်က့ၤနာ်က့ၤတၢ်အါထီၣ်အါဂၤန့ၣ်လီၤ.

မၤတၢ် 13:23

ဒီးလၢစီၤဒၤဝံးအံၤအစၢၤအသွဲၣ်အကျါကစၢ်ယွၤဃုထၢထီၣ် ယ့ၣ်ၡူးဒ်ပှၤအုၣ်က့ၤခီၣ်က့ၤတၢ်တဂၤလၢပှၤအံၣ်စရ့လးဖိသ့ၣ် တဖၣ်အဂီၢ်, ဒ်အစံးပာ်တ့ၢ်ဝဲအသိးန့ၣ်လီၤ.

မၤတၢ် 4:12

ပှၤလၢအအုၣ်က့ၤခီၣ်က့ၤပှၤသ့မ့ၢ်ထဲအဝဲဒၣ်တဂၤဧိၤလီၤ. လၢဟီၣ်ခိၣ်ဒီဘ့ၣ်ညါအပူၤ, မံၤအဂၤလၢကစၢ်ယွၤဟ့ၣ်လီၤဝဲလၢတၢ်အုၣ်က့ၤခီၣ်က့ၤအဂီၢ် န့ၣ်တအိၣ်နီတဖျၢၣ်ဘၣ်.”

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

၂ ကရံၣ်သူး 5:19

ပတၢ်ကစီၣ်မ့ၢ်ဝဲ, ကစၢ်ယွၤဒုးကဲထီၣ်ပှၤဟီၣ်ခိၣ်ဖိခဲလၢာ်လၢ အတံၤသကိးတဖၣ်ခီဖျိခရံာ်န့ၣ်လီၤ. ကစၢ်ယွၤတကွဲးနီၣ်ကွဲးဃါအဝဲသ့ၣ်အတၢ်ဒဲးဘးအဂ့ၢ်အကျိၤ တဖၣ်ဘၣ်. ဒီးအဝဲဒၣ်ဟ့ၣ်ပှၤတၢ်ကစီၣ်လၢအတဲဘၣ်ဃး အဝဲဒၣ်ဒုးကဲထီၣ်အဝဲသ့ၣ်လၢအတံၤသကိးတဖၣ်န့ၣ် လၢကျဲဒ်လဲၣ်အဂ့ၢ်လီၤ.

၁ တံၤမသ့း 4:10

ပဂဲၤပျုၢ်ဒီးမၤတၢ်ဆူၣ်ဆူၣ်, မ့ၢ်လၢပပာ်ပတၢ်မုၢ်လၢ်လၢ ကစၢ်ယွၤလၢအမူဝဲတဂၤအပူၤ, လၢအမ့ၢ်ပှၤအုၣ်က့ၤခီၣ်က့ၤ ပှၤခဲလၢာ်, ဒီးလီၤဆီဒၣ်တၢ်ပှၤလၢအစူၢ်က့ၤနာ်က့ၤတၢ်တဖၣ် အဃိန့ၣ်လီၤ.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.