လံာ်ယိၤဟၣ် 4:38 - Sgaw Karen Common Bible

³⁸ ယမၢလီၤသုလၢသုကလဲၤကူးဘုလၢစံာ်လီၢ်တလီၢ် လၢသုတမၤတ့ၢ်တၢ်လၢအပူၤနီတဘျီဘၣ်န့ၣ်လီၤ. ပှၤအဂၤတဖၣ်မၤတ့ၢ်တၢ်ဖဲန့ၣ်, ဒီးသုဘၣ်ဘျုးလၢအဝဲသ့ၣ်အတၢ်မၤအဃိလီၤ.”

လံာ်ယိၤဟၣ် 4:38 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:15

ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ဆှၢလီၤတ့ၢ်ဝံသ့ၣ်တဖၣ်တထံၣ်ဃီလၢကဟ့ၣ်ပလီၢ်အပှၤဂီၢ်မုၢ်, မ့ၢ်လၢအဝဲအသးအိၣ်ဒုးပူၤဖျဲးအဝဲသ့ၣ်မ့ၢ်ဂ့ၤ, ယွၤအတၢ်လုၢ်ဟံၣ်မ့ၢ်ဂ့ၤအဃိန့ၣ်လီၤ.

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်ယိၤဟၣ် 1:7

အဝဲဒၣ်ဟဲလၢကအုၣ်အသးလၢတၢ်ကပီၤအဂ့ၢ်ဒ်သိး ပှၤခဲလၢာ်ကနၢ်ဟူဘၣ်ဒီးစူၢ်က့ၤနာ်က့ၤတၢ်ခီဖျိအီၤအဂီၢ်န့ၣ်လီၤ.

လံာ်ယိၤဟၣ် 17:18

ယမၢလီၤအဝဲသ့ၣ်ဆူဟီၣ်ခိၣ်ချၢ, ဒ်နမၢလီၤယၤဆူဟီၣ်ခိၣ်ချၢ အသိးန့ၣ်လီၤ.

လံာ်ယိၤဟၣ် 4:37

တၢ်ကတိၤအမ့ၢ်အတီတထံၣ်စံးဝဲဒၣ်, ‘ပှၤဖှံတၢ်မ့ၢ်တဂၤ, ဒီးပှၤအဂၤတဂၤကူးက့ၤတၢ်န့ၣ်လီၤ.’

လံာ်ယိၤဟၣ် 4:39

ပှၤၡၤမရံဖိအါဂၤလၢဝ့ၢ်ပူၤစူၢ်က့ၤနာ်က့ၤယ့ၣ်ၡူးမ့ၢ်လၢပိာ်မုၣ် န့ၣ်အုၣ်အသးဒီးစံးဝဲ, “အဝဲစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံ” အဃိန့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

မၤတၢ် 5:14

ဘၣ်ဆၣ်ဒီး, ပှၤလၢအစူၢ်က့ၤနာ်က့ၤကစၢ်အနီၣ်ဂံၢ်မုၣ်မုၣ်ခွါခွါအါထီၣ်ဝဲဒၣ်ပှီၢ်ပှီၢ်န့ၣ်လီၤ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

၂ ကရံၣ်သူး 10:15

လၢတၢ်န့ၣ်အဃိ, ပတကတိၤပာ်ကဖၢလၢပသးဘၣ်ဃးဒီး တၢ်ဖံးတၢ်မၤလၢပှၤအဂၤတဖၣ်မၤဝဲလၢတၢ်ဖံးတၢ်မၤလၢ ကစၢ်ယွၤပာ်လီၤန့ၢ်ပှၤအကဝီၤပူၤအချၢန့ၣ်ဘၣ်. မ့မ့ၢ်ပမုၢ်လၢ် ပဝဲလၢသုတၢ်စူၢ်တၢ်နာ်ကဒိၣ်ထီၣ်, ဒီးပမၤတၢ်လၢအဒိၣ်န့ၢ် အလီၢ်လၢသုသိးသုကျါကသ့ဝဲ, ထီဘိလၢနီၣ်ထိၣ်လၢကစၢ်ယွၤပာ်လီၤန့ၢ်ပှၤအကဝီၤပူၤန့ၣ်လီၤ.