လံာ်ယိၤဟၣ် 4:29 - Sgaw Karen Common Bible

²⁹ “ဟဲဒီးကွၢ်ပှၤတဂၤလၢအစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံန့ၣ်တက့ၢ်. မ့ၢ်ကမ့ၢ်ခရံာ်န့ၣ်ဧါ.”

လံာ်ယိၤဟၣ် 4:29 Iomraidhean Croise

လံာ်မးသဲ 12:23

ပှၤအိၣ်ဖဲန့ၣ်ခဲလၢာ်ကမၢကမၣ်ဝဲဒိၣ်ဒိၣ်ကလဲာ်လၢတၢ်လၢယ့ၣ်ၡူး မၤဝဲအဃိဒီးစံး, “ပှၤအံၤတမ့ၢ်စီၤဒၤဝံးအဖိခွါဘၣ်ဧါ.”

လံာ်ယိၤဟၣ် 4:25

ပိာ်မုၣ်န့ၣ်စံးဘၣ်အီၤ, “ယသ့ၣ်ညါလၢမ့းၡံအၤ, လၢအမ့ၢ်ခရံာ်န့ၣ်ကဟဲဝဲ, ဒီးတုၤအဟဲဝဲဒီးကစံးဘၣ်တဲဘၣ် ပှၤလၢတၢ်ခဲလၢာ်န့ၣ်လီၤ.”

လံာ်ယိၤဟၣ် 4:28

အန့ၣ်ဒီး, ပိာ်မုၣ်ပာ်တ့ၢ်အသပၢၤထံဒီးက့ၤက့ၤဝဲဆူဝ့ၢ်ပူၤ ဒီးစံးဘၣ်ပှၤဂီၢ်မုၢ်,

လံာ်ယိၤဟၣ် 4:30

မၤသးဒ်န့ၣ်ဒီး, အဝဲသ့ၣ်ဟးထီၣ်လၢဝ့ၢ်ပူၤဒီးလဲၤဆူယ့ၣ်ၡူး အအိၣ်လီၤ.

လံာ်ယိၤဟၣ် 4:39

ပှၤၡၤမရံဖိအါဂၤလၢဝ့ၢ်ပူၤစူၢ်က့ၤနာ်က့ၤယ့ၣ်ၡူးမ့ၢ်လၢပိာ်မုၣ် န့ၣ်အုၣ်အသးဒီးစံးဝဲ, “အဝဲစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံ” အဃိန့ၣ်လီၤ.

လံာ်ယိၤဟၣ် 7:26

ကွၢ်တက့ၢ်. အဝဲကတိၤတၢ်လၢကမျၢၢ်အမဲာ်ညါဒီး အဝဲသ့ၣ်တကတိၤထီဒါအီၤနီတမံၤဘၣ်. မ့ၢ်အဝဲသ့ၣ်, သ့ၣ်ညါနီၢ်နီၢ်လၢအဝဲမ့ၢ်ခရံာ်အဃိန့ၣ်ဧါ.

လံာ်ယိၤဟၣ် 7:31

ဘၣ်ဆၣ်ဒီးပှၤအါဂၤလၢပှၤဂီၢ်မုၢ်အကျါနာ်အီၤဒီးစံး, “တုၤခရံာ်ဟဲဝဲဒီးမ့ၢ်အဝဲကမၤတၢ်လီၤလးဒိၣ်န့ၢ်အါ န့ၢ်ဒံးအဝဲတဂၤအံၤမၤတ့ၢ်ဝဲန့ၣ်ဧါ.”

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.

လံာ်စီၤၡမူၤအ့လးအခီၣ်ထံးတဘ့ၣ် 9:19

စီၤၡမူၤအ့လးစံးဆၢအီၤ, “ယမ့ၢ်ပှၤထံၣ်တၢ်န့ၣ်လီၤ. လဲၤဆိပာ်လၢယမဲာ်ညါဆူတၢ်ဘူၣ်တၢ်ဘါအလီၢ်တက့ၢ်. သုဝဲခံဂၤလိာ်သုကဘၣ်အိၣ်ဒီးယၤလၢတနံၤညါအံၤန့ၣ်လီၤ. ခဲမုၢ်ဆ့ၣ်ဂီၤခီန့ၣ်ယကစံးဆၢကယဲၢ်သုတၢ်သံကွၢ်တဖၣ်ဒီးဆှၢ သုဆူသုကျဲအဖီခိၣ်န့ၣ်လီၤ.