လံာ်ယိၤဟၣ် 4:25 - Sgaw Karen Common Bible

²⁵ ပိာ်မုၣ်န့ၣ်စံးဘၣ်အီၤ, “ယသ့ၣ်ညါလၢမ့းၡံအၤ, လၢအမ့ၢ်ခရံာ်န့ၣ်ကဟဲဝဲ, ဒီးတုၤအဟဲဝဲဒီးကစံးဘၣ်တဲဘၣ် ပှၤလၢတၢ်ခဲလၢာ်န့ၣ်လီၤ.”

လံာ်ယိၤဟၣ် 4:25 Iomraidhean Croise

လံာ်မးသဲ 27:17

လၢတၢ်န့ၣ်အဃိ, တုၤပှၤဂီၢ်မုၢ်တဖၣ်ဟဲပာ်ဖှိၣ်ထီၣ်အသးဒီး, စီၤပံၤလးသံကွၢ်အဝဲသ့ၣ်ဒီးစံး, “သုအဲၣ်ဒိးလၢယကပျၢ်န့ၢ်သုလၢမတၤတဂၤလဲၣ်, စီၤယ့ၣ်ၡူးဘၤရးဘါဧါ. မ့တမ့ၢ်ဘၣ်ဒီးယ့ၣ်ၡူးလၢပှၤကိးအီၤလၢခရံာ်န့ၣ်လဲၣ်.”

လံာ်မးသဲ 27:22

စီၤပံၤလးသံကွၢ်အဝဲသ့ၣ်, “မ့မ့ၢ်ဒ်န့ၣ်ဒီးယ့ၣ်ၡူးလၢပှၤကိးအီၤလၢခရံာ်န့ၣ်, ယကဘၣ်မၤအီၤဒ်လဲၣ်.” အဝဲသ့ၣ်ခဲလၢာ်စံးဆၢဝဲ, “ပျၤထီအီၤလၢထူၣ်စုညါအလိၤတက့ၢ်.”

လံာ်လူၤကၣ် 2:11

တနံၤအံၤ, လၢစီၤဒၤဝံးအဝ့ၢ်ပူၤန့ၣ်, ပှၤအုၣ်က့ၤခီၣ်က့ၤတၢ်အကစၢ်တဂၤ အိၣ်ဖျဲၣ်ထီၣ်ဝဲလၢသုဂီၢ်လၢအမ့ၢ်ခရံာ်ကစၢ်န့ၣ်လီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 4:29

“ဟဲဒီးကွၢ်ပှၤတဂၤလၢအစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံန့ၣ်တက့ၢ်. မ့ၢ်ကမ့ၢ်ခရံာ်န့ၣ်ဧါ.”

လံာ်ယိၤဟၣ် 4:39

ပှၤၡၤမရံဖိအါဂၤလၢဝ့ၢ်ပူၤစူၢ်က့ၤနာ်က့ၤယ့ၣ်ၡူးမ့ၢ်လၢပိာ်မုၣ် န့ၣ်အုၣ်အသးဒီးစံးဝဲ, “အဝဲစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံ” အဃိန့ၣ်လီၤ.

လံာ်ယိၤဟၣ် 4:42

ဒီးအဝဲသ့ၣ်စံးဘၣ်ပိာ်မုၣ်န့ၣ်, “ပစူၢ်က့ၤနာ်က့ၤတၢ်ခဲအံၤ တမ့ၢ်လၢၤလၢနတၢ်ကတိၤတဖၣ်အဃိဘၣ်. မ့မ့ၢ်, မ့ၢ်လၢ ပနၢ်ဟူအတၢ်စံးတၢ်ကတိၤလၢပကစၢ်ဒၣ်ဝဲအဃိဒီးပသ့ၣ်ညါ လၢအဝဲမ့ၢ်နီၢ်နီၢ်ပှၤလၢအအုၣ်က့ၤခီၣ်က့ၤပှၤဟီၣ်ခိၣ်ဖိန့ၣ်လီၤ.”