လံာ်ယိၤဟၣ် 4:20 - Sgaw Karen Common Bible

²⁰ ပဝဲပှၤၡၤမရံဖိပမိၢ်ပၢ်ဖံဖုလၢပျၢၤတဖၣ်ဘူၣ်ထီၣ်ဘါထီၣ် ကစၢ်ယွၤဖဲကစၢၢ်အံၤအလိၤ, မ့မ့ၢ်သုဝဲပှၤယူဒၤဖိတဖၣ် သုစံးလၢပကြၢးဘူၣ်ထီၣ်ဘါထီၣ်ကစၢ်ယွၤလၢဝ့ၢ်ယရူၤၡလ့ၣ် အပူၤန့ၣ်လီၤ.”

လံာ်ယိၤဟၣ် 4:20 Iomraidhean Croise

လံာ်စီၤပၤအခီၣ်ထံးတဘ့ၣ် 9:3

ယွၤစံးဘၣ်အီၤ, “ယနၢ်ဟူတ့ၢ်နတၢ်ထုကဖၣ်န့ၣ်လံ. ယမၤစီဆှံလံယွၤအတၢ်လုၢ်ဟံၣ်လၢနသူၣ်ထီၣ်တ့ၢ်အီၤအံၤ, ဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤလီၤစိၤလီၤထီ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:26

အဝဲသူၣ်ထီၣ်တၢ်လုၢ်လီၢ်တခါလၢယွၤအဂီၢ်ဖဲန့ၣ်, ဒီးဆူးကဲၤတၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ် န့ၣ်လီၤ. အဝဲဘါထုကဖၣ်တၢ်ဒီးယွၤစံးဆၢအီၤခီဖျိတၢ်ဆှၢလီၤမ့ၣ်အူ လၢမူခိၣ်ဒ်သိးကအီၣ်ကွံာ်တၢ်လုၢ်တဖၣ်လၢအအိၣ်လၢတၢ်လုၢ်လီၢ် အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:1

လၢတၢ်န့ၣ်အဃိစီၤဒၤဝံးစံးဝဲ, “တၢ်အံၤမ့ၢ်တၢ်လီၢ်ဖဲယွၤ, ကစၢ်ယွၤအတၢ်လုၢ်ဟံၣ်ကအိၣ်ဝဲန့ၣ်လီၤ. အအံၤမ့ၢ်တၢ်လုၢ်လီၢ်ဖဲအံၣ်စရ့လးအပှၤဂီၢ်မုၢ်ကဆူး ကဲၤထီၣ်တၢ်လုၢ်မ့ၣ်အူတဖၣ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 7:12

ယွၤလီၣ်ဖျါထီၣ်အသးလၢအီၤလၢမုၢ်နၤန့ၣ်လီၤ. ယွၤစံးဘၣ်အီၤ, “ယနၢ်ဟူတ့ၢ်လံနတၢ်ထုကဖၣ်ဒီးယတူၢ်လိာ်ယွၤ အတၢ်လုၢ်ဟံၣ်အံၤဒ်တၢ်လီၢ်လၢတၢ်လုၢ်တၢ်ပာ်တဖၣ်ကဘၣ်တၢ်လုၢ်ထီၣ် အီၤဆူယအိၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:16

အဂ့ၢ်ဒ်အံၤ, ယဃုထၢတ့ၢ်တၢ်လီၢ်အံၤဒီးပာ်စီဆှံတ့ၢ်အီၤဒ် အမ့ၢ်တၢ်လီၢ်လၢယကဘၣ်တၢ်ဘူၣ်ထီၣ်ဘါထီၣ်ယၤတဘိ ယူၢ်ဃီန့ၣ်လီၤ. ယကအံးလီၤကွၢ်လီၤတၢ်လီၢ်အံၤဒီးဒီဒၣ်အိၣ် ပှိၤအီၤကိးဆၢကိးကတီၢ်ဒဲးန့ၣ်လီၤ.

စံးထီၣ်ပတြၢၤ 132:13

ယွၤဃုထၢတ့ၢ်လံစံယိၣ်, ဒီးအဝဲ အဲၣ်ဒိးဒုးကဲထီၣ်အီၤလၢ အဟံၣ်န့ၣ်လီၤ.

စံးထီၣ်ပတြၢၤ 78:68

အခိၣ်တလိာ်အဝဲဃုထၢဝဲယူဒၤအဒူၣ်, ဒီးကစၢၢ်စံယိၣ်လၢအအဲၣ်ဝဲဒိၣ်မးန့ၣ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်လူၤကၣ် 9:53

ဘၣ်ဆၣ်ဒီးပှၤသဝီဖိဖဲန့ၣ်တဖၣ်တသးအိၣ်တူၢ်လိာ်ယ့ၣ်ၡူးဘၣ်. အဂ့ၢ်မ့ၢ်လၢအအိၣ်ဖျါလီၤတံၢ်ဝဲလၢအကလဲၤဝဲဒၣ်ဆူဝ့ၢ်ယရူၤၡလ့ၣ် အဃိန့ၣ်လီၤ.

လံာ်ယိၤဟၣ် 4:12

ပပၢ်စီၤယၤကိာ်ဟ့ၣ်လီၤပှၤလၢထံပူၤအံၤလီၤ. အဝဲဒီးအဖိ တဖၣ်, ဒီးအဆၣ်ဖိကီၢ်ဖိတဖၣ်အီထံလၢထံပူၤအံၤလီၤ. မ့ၢ်နစံးလီၤနသးလၢနဒိၣ်န့ၢ်ဒံးစီၤယၤကိာ်တက့ၢ်န့ၣ်ဧါ.”

လံာ်သိၣ်လီၤသီလီၤတၢ် 11:29

တုၤယွၤဆှၢနုာ်သုဆူကီၢ်တဘ့ၣ်လၢသုကဘၣ်မၤန့ၢ်အီၤအပူၤန့ၣ်, သုကဘၣ်ဘိးဘၣ်သ့ၣ်ညါထီၣ်တၢ်ဆိၣ်ဂ့ၤလၢကစၢၢ်ကရံးစံၣ် အလိၤဒီးတၢ်ဆိၣ်အၢလၢကစၢၢ်ဧ့ၤဘါလးအလိၤန့ၣ်လီၤ.