လံာ်ယိၤဟၣ် 4:15 - Sgaw Karen Common Bible

¹⁵ ပိာ်မုၣ်န့ၣ်စံးဘၣ်အီၤ, “ကစၢ်ဧၢ, ဟ့ၣ်ယၤထံအဝဲန့ၣ်ဒ်သိး ယသးသုတသူထံလၢၤတဂ့ၤ, ဒီးဒ်သိးယသုတဟဲဒၢၣ်ဘၣ်လၢၤထံဖဲအံၤတဂ့ၤန့ၣ်တက့ၢ်.”

လံာ်ယိၤဟၣ် 4:15 Iomraidhean Croise

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

လံာ်ယိၤဟၣ် 4:16

ယ့ၣ်ၡူးစံးဘၣ်အီၤ, “က့ၤဒီးကိးန့ၢ်နဝၤဒီးဟဲကိးအီၤဖဲအံၤ တက့ၢ်.”

လံာ်ယိၤဟၣ် 6:26

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတၢ်မ့ၢ် တၢ်တီလီၤ. သုဃုယၤမ့ၢ်ဒၣ်လၢသုအီၣ်ဘၣ်ကိၣ်ဘျဲးအီၣ် ဘျဲးအီအဃိဒီးတမ့ၢ်လၢသုနၢ်ပၢၢ် ယတၢ်မၤလီၤလးတဖၣ်အခီပညီအဃိန့ၣ်ဘၣ်.

လံာ်ယိၤဟၣ် 6:34

အဝဲသ့ၣ်သံကွၢ်အီၤဒီးစံး, “ကစၢ်ဧၢ, ဟ့ၣ်ပှၤကိၣ်အံၤထီဘိတထံၣ်ဃီတက့ၢ်.”

လံာ်ယိၤဟၣ် 6:35

ယ့ၣ်ၡူးစံးဘၣ်တဲဘၣ်အဝဲသ့ၣ်, “ယဲဒၣ်အံၤယမ့ၢ်တၢ်မူ အကိၣ်န့ၣ်လီၤ. ပှၤလၢအဟဲဆူယအိၣ်န့ၣ် တၢ်တသၣ်ဝံၤလၢၤဘၣ်အသးနီတဘျီဘၣ်. ပှၤလၢ အစူၢ်က့ၤနာ်က့ၤယၤန့ၣ်တၢ်တသူလၢၤဘၣ်အသးလၢ ထံနီတဘျီဘၣ်.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 8:5

ပှၤလၢအအိၣ်မူဝဲဒ်အပှၤဟီၣ်ခိၣ်ဖိအန့ဆၢၣ်အတၢ်မၢအီၤ အသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢဟီၣ်ခိၣ်ဖိ အန့ဆၢၣ်အတၢ်မိၣ်န့ၢ်သးလီတဖၣ်န့ၣ်လီၤ. မ့မ့ၢ်, ပှၤလၢအအိၣ်မူဝဲဒ်ကစၢ်ယွၤအသးမၢအီၤအသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢကစၢ်ယွၤအသးအတၢ် အဲၣ်ဒိးတဖၣ်န့ၣ်လီၤ.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

ယၤကိာ် 4:3

ဒီးဖဲသုဃ့တၢ်န့ၣ်သုတဒိးန့ၢ်အီၤဘၣ်, အဂ့ၢ်မ့ၢ်လၢသုတၢ်တိာ်တဖၣ်အၢဝဲသီဝဲအဃိလီၤ. သုဃ့တၢ်လၢသုကသူအီၤလၢသုတၢ်မုာ်လၤသးဖှံဒၣ်ဝဲ အဂီၢ်အဃိန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.