လံာ်ယိၤဟၣ် 3:35 - Sgaw Karen Common Bible

³⁵ ပၢ်အဲၣ်အဖိခွါဒီးဟ့ၣ်လီၤတၢ်ခဲလၢာ်လၢအစုပူၤလီၤ.

လံာ်ယိၤဟၣ် 3:35 Iomraidhean Croise

လံာ်တၢ်ကဲထီၣ်အခီၣ်ထံး 41:44

စီၤပၤစံးဘၣ်အီၤ, “ယမ့ၢ်စီၤပၤလီၤ. နတၢ်ပျဲမ့ၢ်တအိၣ်ဘၣ် န့ၣ်ပှၤလၢကီၢ်အဲၤကူပတူးဒီတကီၢ်တယူာ်ထီၣ်ဘၣ်အစု မ့ၢ်ဂ့ၤ, သုးဘၣ်ဒၣ်လဲာ်အခီၣ်မ့ၢ်ဂ့ၤနီတဂၤဘၣ်.”

လံာ်တၢ်ကဲထီၣ်အခီၣ်ထံး 41:55

တုၤပှၤအဲၤကူပတူးဖိစးထီၣ်သူၣ်ဝံၤသၣ်စ့ၤန့ၣ်, အဝဲသ့ၣ်ကိးထီၣ်တၢ်ဆူစီၤပၤအအိၣ်လၢတၢ်အီၣ်တၢ်အီအဂီၢ်လီၤ. သတးဒီး, စီၤပၤဟ့ၣ်လီၤအကလုၢ်ဆူအဝဲသ့ၣ်အအိၣ်လၢအကလဲၤဆူ စီၤယိၤသးအအိၣ်, ဒီးမၤဒ်တၢ်လၢအဝဲကစံးဘၣ်တဲဘၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 2:8

ဃ့တၢ်လၢယၤတက့ၢ်, ဒီးယကဟ့ၣ်နၤလၢ ပှၤကလုာ်ခဲလၢာ်လီၤ. ဟီၣ်ခိၣ်ဒီဘ့ၣ်ကမ့ၢ်နတၢ်လီၤ.

တၢ်ကတိၤဒိ. 8:30

ယအိၣ်ဖဲအကပၤဒ်ပှၤသ့တ့တၢ်သူၣ်ထီၣ်တဂၤအသိး, ယမ့ၢ်အတၢ်သးခုအဂံၢ်ထံးကိးနံၤဒဲး, သးခုထီဘိလၢအမဲာ်ညါ,

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်ယိၤဟၣ် 13:3

ယ့ၣ်ၡူးသ့ၣ်ညါဝဲလၢပၢ်ဟ့ၣ်လံအီၤတၢ်စိတၢ်ကမီၤလၢာ်လၢာ် ဆ့ဆ့, ဒီးသ့ၣ်ညါစ့ၢ်ကီးဝဲလၢအဝဲဟဲလၢကစၢ်ယွၤအအိၣ် ဒီးကက့ၤဆူကစၢ်ယွၤအအိၣ်န့ၣ်လီၤ.

လံာ်ယိၤဟၣ် 15:9

ယအဲၣ်သုဒ်ပၢ်အဲၣ်ယၤအသိးလီၤ. အိၣ်ဆိးလၢယတၢ်အဲၣ် အပူၤတက့ၢ်.

လံာ်ယိၤဟၣ် 17:2

အဂ့ၢ်ဒ်လဲၣ်န့ၣ်, နဟ့ၣ်အီၤတၢ်စိကမီၤလၢပှၤဟီၣ်ခိၣ်ဖိခဲလၢာ် အဖီခိၣ်ဒ်သိးအဝဲကဟ့ၣ်တၢ်မူအထူအယိာ်လၢပှၤလၢ နဟ့ၣ်လီၤအီၤခဲလၢာ်အဂီၢ်န့ၣ်လီၤ.

လံာ်ယိၤဟၣ် 17:23

ယအိၣ်လၢအဝဲသ့ၣ်အပူၤဒီးနအိၣ်လၢယပူၤ, ဒ်သိးအဝဲသ့ၣ်ကမ့ၢ်တၢ်တမံၤဃီလၢလၢပှဲၤပှဲၤ, ဒီးဒ်သိး ဟီၣ်ခိၣ်ကသ့ၣ်ညါလၢနမၢလီၤယၤဒီးနအဲၣ်အဝဲသ့ၣ်ဒ် နအဲၣ်ယၤအသိးန့ၣ်လီၤ.

လံာ်ယိၤဟၣ် 17:26

ယဒုးသ့ၣ်ညါတ့ၢ်အဝဲသ့ၣ်လၢနၤ, ဒီးယကမၤယဲဒံး, ဒ်သိးတၢ်အဲၣ်လၢနအဲၣ်ယၤန့ၣ်ကအိၣ်လၢအဝဲသ့ၣ်အပူၤ, ဒီးဒ်သိးယကအိၣ်လၢအဝဲသ့ၣ်အပူၤစ့ၢ်ကီးန့ၣ်လီၤ.”

လံာ်ယိၤဟၣ် 5:20

အဂ့ၢ်ဒ်အံၤ, ပၢ်အဲၣ်ဖိခွါဒီးဒုးနဲၣ်အီၤကယဲၢ်တၢ်လၢ အကစၢ်ဒၣ်ဝဲမၤဝဲခဲလၢာ်န့ၣ်လီၤ. ကဒုးနဲၣ်အီၤလၢတၢ်မၤဒိၣ်န့ၢ် အအံၤတဖၣ်ဒီးသုကကမၢကမၣ်ဒိၣ်မးန့ၣ်လီၤ.

လံာ်ယိၤဟၣ် 5:22

ပၢ်ကစၢ်ဒၣ်ဝဲတစံၣ်ညီၣ်စ့ၢ်ကီးပှၤနီတဂၤဘၣ်. အဝဲဟ့ၣ်လီၤအဖိခွါတၢ်စိတၢ်ကမီၤခဲလၢာ်လၢကစံၣ်ညီၣ် တၢ်အဂီၢ်,

1 ကရံၣ်သူး 15:27

အဂ့ၢ်ဒ်အံၤ, တၢ်ကွဲးအသးစံးဝဲ, “ယွၤပာ်တၢ်ခဲလၢာ်ခဲဆ့ လၢအခီၣ်ဖီလာ်လီၤ” သပှၢ်ကတၢၢ်, အိၣ်ဖျါဝဲဒၣ်ဆှံဆှံလၢတၢ်ကတိၤ, “တၢ်ခဲလၢာ်ခဲဆ့” န့ၣ်, တပၣ်ဃုာ်ဒီးကစၢ်ယွၤအနီၢ်ကစၢ်ဒၣ်ဝဲ, လၢအပာ်တၢ်ခဲလၢာ်ခဲဆ့လၢခရံာ်အဖီလာ်န့ၣ်ဘၣ်လီၤ.

အ့းဖ့းစူး 1:22

ကစၢ်ယွၤပာ်တၢ်ခဲလၢာ်လၢခရံာ်အခီၣ်အဖီလာ်, ဒီးဒ်ကစၢ် အဒိၣ်ကတၢၢ်,

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.