လံာ်ယိၤဟၣ် 3:26 - Sgaw Karen Common Bible

²⁶ လၢတၢ်န့ၣ်အဃိအဝဲသ့ၣ်လဲၤဝဲဆူစီၤယိၤဟၣ်အအိၣ်ဒီး စံးဘၣ်အီၤ, “သရၣ်ဧၢ, ပှၤလၢအအိၣ်ဒီးနၤလၢယၢ်ဒ့ၣ်ဝၢ်ဘးခီ လၢနအုၣ်နသးလၢအဂ့ၢ်တဂၤန့ၣ်, ခဲအံၤဘျၢပှၤလၢထံဒီး ပှၤခဲလၢာ်လဲၤဆူအအိၣ်လီၤ.”

လံာ်ယိၤဟၣ် 3:26 Iomraidhean Croise

စံးထီၣ်ပတြၢၤ 65:2

မ့ၢ်လၢနစံးဆၢပတၢ်ထုကဖၣ်အဃိန့ၣ်လီၤ. ပှၤကလုာ်လၢလီၢ်ကိးပူၤဒဲးကဟဲဆူနအိၣ်,

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်မးသဲ 23:7

အဝဲသ့ၣ်အဲၣ်ဒိးပှၤပာ်ဖျါပှၤအတၢ်ယူးယီၣ်အီၤဖဲပှၤထံၣ် အီၤလၢတၢ်ဆါတၢ်ပှ့ၤအလီၢ်, ဒီးအဲၣ်ဒိးပှၤကိးအီၤလၢသရၣ်န့ၣ်လီၤ.

လံာ်မးသဲ 23:8

မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်ယိၤဟၣ် 1:15

စီၤယိၤဟၣ်အုၣ်အသးလၢအဂ့ၢ်ဒီးကိးသတြီထီၣ်ဝဲ, “ပှၤတဂၤအံၤမ့ၢ်ပှၤလၢယစံးဘၣ်တဲဘၣ်သုလၢအဂ့ၢ်လၢ, ‘အဝဲဒၣ်ဟဲလၢယလီၢ်ခံဘၣ်ဆၣ်ဒိၣ်န့ၢ်ယၤတက့ၢ် မ့ၢ်လၢအဝဲအိၣ်တ့ၢ်ဝဲတချုးယအိၣ်ဖျဲၣ်ထီၣ်ဒံးဘၣ်န့ၣ်လီၤ.’ ”

လံာ်ယိၤဟၣ် 1:7

အဝဲဒၣ်ဟဲလၢကအုၣ်အသးလၢတၢ်ကပီၤအဂ့ၢ်ဒ်သိး ပှၤခဲလၢာ်ကနၢ်ဟူဘၣ်ဒီးစူၢ်က့ၤနာ်က့ၤတၢ်ခီဖျိအီၤအဂီၢ်န့ၣ်လီၤ.

လံာ်ယိၤဟၣ် 1:9

တၢ်ကပီၤနီၢ်နီၢ်အံၤမ့ၢ်တၢ်ကပီၤလၢအဟဲနုာ်ဆူဟီၣ်ခိၣ်ချၢဒီး ကပီၤထီၣ်လၢပှၤဟီၣ်ခိၣ်ဖိခဲလၢာ်အဂီၢ်န့ၣ်လီၤ.

လံာ်ယိၤဟၣ် 11:48

ပမ့ၢ်ပျဲအမၤတၢ်ဒ်အံၤတဖၣ်ဆူညါဒီး, ပှၤခဲလၢာ်ကစူၢ်က့ၤနာ်က့ၤအီၤဒီးပှၤရိမ့ၤဖိ အပဒိၣ်ပပှၢ်တဖၣ်ကဟဲဒီးမၤဟးဂီၤကွံာ် ပတၢ်လုၢ်ဟံၣ်ဒီးပပှၤဒီကလုာ်ညါန့ၣ်လီၤ.”

လံာ်ယိၤဟၣ် 12:19

တုၤနုၤတစု, ပှၤဖၤရံၤၡဲတဖၣ်ကတိၤလိာ်အသးတဂၤဒီးတဂၤ, “သုထံၣ်လံ. ပမၤတၢ်တကဲထီၣ်လိၣ်ထီၣ်နီတမံၤဘၣ်. ကွၢ်ကွၢ်, ပှၤခဲလၢာ်ပိာ်အခံလံ.”

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 4:1

ဖဲယ့ၣ်ၡူးသ့ၣ်ညါလၢပှၤဖၤရံၤၡဲတဖၣ်နၢ်ဟူလၢ အဝဲမၤန့ၢ်ဒီးဘျၢဘၣ်အပျဲၢ်အဘီၣ်တဖၣ်အါန့ၢ်စီၤယိၤဟၣ်န့ၣ်,

လံာ်ယိၤဟၣ် 4:2

(အနီၢ်နီၢ်န့ၣ် ယ့ၣ်ၡူးအကစၢ်ဒၣ်ဝဲတဘျၢပှၤလၢထံနီတဂၤဘၣ်, မ့ၢ်ဒၣ်အပျဲၢ်အဘီၣ်တဖၣ်ဘျၢတၢ်လီၤ.)

လံာ်ယိၤဟၣ် 4:31

အကတီၢ်ဖဲန့ၣ်, အပျဲၢ်အဘီၣ်တဖၣ်ဃ့ကညးယ့ၣ်ၡူးဒီးစံး, “သရၣ်ဧၢ, အီၣ်တၢ်တက့ၢ်.”

လံာ်ယိၤဟၣ် 5:33

သုမၢလီၤသုပှၤဆူစီၤယိၤဟၣ်အအိၣ်ဒီးအဝဲဒၣ်အုၣ် အသးလၢတၢ်မ့ၢ်တၢ်တီအဂီၢ်လီၤ.