လံာ်ယိၤဟၣ် 3:25 - Sgaw Karen Common Bible

²⁵ တၢ်ကတိၤဂ့ၢ်လိာ်အိၣ်ထီၣ်ဝဲလၢစီၤယိၤဟၣ်အပျဲၢ်အဘီၣ်တနီၤ ဒီးပှၤယူဒၤဖိတဂၤအဘၢၣ်စၢၤလၢတၢ်မၤကဆှီအလုၢ်အလၢ် အဂ့ၢ်န့ၣ်လီၤ.

လံာ်ယိၤဟၣ် 3:25 Iomraidhean Croise

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မၢ်ကူး 7:8

သုညိကွံာ်ကစၢ်ယွၤအတၢ်မၤလိာ်ဒီးဟံးဃာ်ဂၢၢ်ကျၢၤ ပှၤကညီအတၢ်သိၣ်တၢ်သီလီၤ.”

လံာ်ယိၤဟၣ် 2:6

ပှၤယူဒၤဖိတဖၣ်အိၣ်ဒီးအလုၢ်အလၢ်လၢတၢ်မၤ ကဆှီသးအဂီၢ်ဒီးလၢတၢ်အံၤအဂီၢ်ထံကတံၤလၢၢ်လၢအတြီၢ်ဝဲ အပီၢ် ၃၀-၄၀ အိၣ်ဝဲဖဲန့ၣ်ဃုဖျၢၣ်လီၤ.

ဧ့ၤဘြံၤ 6:2

တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ဧ့ၤဘြံၤ 9:23

တၢ်လၢအဘၣ်ဃးဒီးမူခိၣ်တဖၣ်အဒိဒီးအကဒုတဖၣ် လိၣ်ဘၣ်တၢ်မၤကဆှီထီၣ်အီၤလၢလုၢ်လၢ်စီဆှံတဖၣ် အံၤန့ၣ်လီၤ. ဘၣ်ဆၣ်ဒီးတၢ်ဘၣ်ဃးဒီးမူခိၣ်နီၢ်နီၢ်တဖၣ် လိၣ်ဘၣ်တၢ်လုၢ်ထီၣ်ပာ်ထီၣ်လၢအဂ့ၤဒိၣ်န့ၢ်တၢ်သ့ၣ်တဖၣ် အံၤန့ၣ်လီၤ.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,