လံာ်ယိၤဟၣ် 3:2 - Sgaw Karen Common Bible

² ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 3:2 Iomraidhean Croise

လံာ်စီၤပၤအခီၣ်ထံးတဘ့ၣ် 17:24

မုၣ်ကမဲစံးဆၢအီၤ, “ဒီးခဲကနံၣ်အံၤ, ယသ့ၣ်ညါလၢနမ့ၢ်ကစၢ် ယွၤအပှၤကညီတဂၤဒီးလၢယွၤကတိၤတၢ်နီၢ်နီၢ်ခီဖျိနၤလီၤ.”

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယံးရမံယၤ 38:16

လၢတၢ်န့ၣ်အဃိ, စီၤပၤစံးဒကံယၤအၢၣ်လီၤယၤလၢ တၢ်ခူသူၣ်အပူၤစံးဝဲ, “ယဆိၣ်တၢ်လၢ ကစၢ်ယွၤလၢ အမူဝဲ, ကစၢ်ယွၤလၢ အဟ့ၣ်ပှၤတၢ်မူအမံၤအပူၤ, လၢယတမၤသံနၤမ့ၢ်ဂ့ၤ, ဟ့ၣ်လီၤကွံာ်နၤဆူ ပှၤလၢအသးအိၣ် မၤသံနၤတဖၣ်အစုပူၤမ့ၢ်ဂ့ၤ န့ၣ်ဘၣ်.”

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်မးသဲ 23:7

အဝဲသ့ၣ်အဲၣ်ဒိးပှၤပာ်ဖျါပှၤအတၢ်ယူးယီၣ်အီၤဖဲပှၤထံၣ် အီၤလၢတၢ်ဆါတၢ်ပှ့ၤအလီၢ်, ဒီးအဲၣ်ဒိးပှၤကိးအီၤလၢသရၣ်န့ၣ်လီၤ.

လံာ်မးသဲ 23:8

မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်မၢ်ကူး 12:14

အဝဲသ့ၣ်ဟဲဆူအအိၣ်ဒီးစံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤတီပှၤလိၤဒီးကတိၤတၢ်တီတီလိၤလိၤ, ဒီးနတပျံၤဒီးကွၢ်မဲာ်ပှၤနီတဂၤဘၣ်န့ၣ်လီၤ. ပှၤအိၣ်ဒီးပှၤလီၢ်ပှၤလၤန့ၣ်နတပာ်ဒိၣ်လီၤဆီအီၤဘၣ်, မ့မ့ၢ်ကစၢ်ယွၤအကျဲလၢအပာ်လီၤဝဲလၢပှၤကညီအဂီၢ်န့ၣ်နသိၣ် လိသီလိအီၤတီတီလိၤလိၤလီၤ. တဲဘၣ်ပှၤတက့ၢ်. ပဟ့ၣ်တၢ်ခိတၢ်သွဲဆူရိမ့ၤအစီၤပၤဖးဒိၣ်န့ၣ် မ့ၢ်အကြၢးဝဲဘၣ်ဝဲကစီဒီဧါ. မ့ၢ်အတကြၢးတဘၣ်ဘၣ်လဲၣ်. မ့ၢ်ပကြၢးဟ့ၣ်ဧါ, မ့တမ့ၢ်တကြၢးဟ့ၣ်ဘၣ်လဲၣ်.”

လံာ်ယိၤဟၣ် 1:38

ယ့ၣ်ၡူးဃၣ်ဃီၤအသး, ထံၣ်ဘၣ်အဝဲသ့ၣ်ပိာ်ထီၣ် အခံ, ဒီးသံကွၢ်ဝဲ, “သုဃုမနုၤတမံၤလဲၣ်.” အဝဲသ့ၣ်စံးဆၢဝဲ, “သရၣ်ဧၢ, နအိၣ်နဆိးဖဲလဲၣ်.”

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 12:37

ယ့ၣ်ၡူးမၤတၢ်လီၤလးတဖၣ်အံၤလၢအဝဲသ့ၣ်အမဲာ်ညါ ထဲထဲအံၤသနာ်က့, အဝဲသ့ၣ်တစူၢ်က့ၤနာ်က့ၤအီၤဘၣ်.

လံာ်ယိၤဟၣ် 14:10

စီၤဖံလံးပူးဧၢ, မ့ၢ်နတနာ်လၢယအိၣ်လၢပၢ်အပူၤ ဒီးပၢ်အိၣ်လၢယပူၤန့ၣ်ဘၣ်ဧါ.” ယ့ၣ်ၡူးစံးဘၣ်အပျဲၢ်အဘီၣ် တဖၣ်, “တၢ်ကတိၤလၢယစံးဘၣ်တ့ၢ်သုတဖၣ်န့ၣ်, တမ့ၢ်ယကတိၤအီၤဖဲယသးဒၣ်ယဲဘၣ်. မ့ၢ်ပၢ်လၢအအိၣ်လၢ ယပူၤန့ၣ်, မၤအတၢ်မၤဒၣ်ဝဲန့ၣ်လီၤ.

လံာ်ယိၤဟၣ် 15:24

တၢ်မၤတဖၣ်လၢပှၤဂၤတမၤနီတဂၤဘၣ်န့ၣ်, ယမ့ၢ်တမၤဘၣ်လၢအဝဲသ့ၣ်အကျါဘၣ်ဒီး, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ထံၣ်တၢ်လၢယမၤတ့ၢ်ဒီး အဝဲသ့ၣ်သးဟ့ယၤဒီးယပၢ်, ခံဂၤလၢာ်န့ၣ်လီၤ.

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 20:16

ယ့ၣ်ၡူးကိးထီၣ်အီၤ, “နီၢ်မၤရံဧၢ” အဝဲဃၣ်အသးဆူအအိၣ်ဒီးကိးဆၢက့ၤအီၤလၢဧ့ၤဘြံၤ အကျိာ် “ရၤဘူနံၤဧၢ” (အခီပညီမ့ၢ် ‘သရၣ်’ လီၤ.)

လံာ်ယိၤဟၣ် 3:26

လၢတၢ်န့ၣ်အဃိအဝဲသ့ၣ်လဲၤဝဲဆူစီၤယိၤဟၣ်အအိၣ်ဒီး စံးဘၣ်အီၤ, “သရၣ်ဧၢ, ပှၤလၢအအိၣ်ဒီးနၤလၢယၢ်ဒ့ၣ်ဝၢ်ဘးခီ လၢနအုၣ်နသးလၢအဂ့ၢ်တဂၤန့ၣ်, ခဲအံၤဘျၢပှၤလၢထံဒီး ပှၤခဲလၢာ်လဲၤဆူအအိၣ်လီၤ.”

လံာ်ယိၤဟၣ် 4:31

အကတီၢ်ဖဲန့ၣ်, အပျဲၢ်အဘီၣ်တဖၣ်ဃ့ကညးယ့ၣ်ၡူးဒီးစံး, “သရၣ်ဧၢ, အီၣ်တၢ်တက့ၢ်.”

လံာ်ယိၤဟၣ် 5:36

ဘၣ်ဆၣ်ဒီးယအိၣ်ဒီးတၢ်အုၣ်အသးလၢယဂီၢ်လၢ အဒိၣ်န့ၢ်ဒံးစီၤယိၤဟၣ်အတၢ်အုၣ်အသးတက့ၢ်လီၤ. တၢ်လၢယမၤလၢအမ့ၢ်တၢ်မၤတဖၣ်လၢပၢ်ဟ့ၣ်လီၤ ယၤလၢယကမၤန့ၣ်, အုၣ်အသးလၢယဂီၢ်ဒီးဒုးနဲၣ်ဝဲလၢ ပၢ်မၢလီၤယၤန့ၣ်လီၤ.

လံာ်ယိၤဟၣ် 6:2

ပှၤဂီၢ်မုၢ်ဖးဒိၣ်ပိာ်ထီၣ်အခံ, မ့ၢ်လၢအဝဲသ့ၣ်ထံၣ်ဘၣ်တ့ၢ်အတၢ်မၤလီၤလးတဖၣ် ခီဖျိအတၢ်မၤဘျါက့ၤပှၤဆူးပှၤဆါတဖၣ်အဃိလီၤ.

လံာ်ယိၤဟၣ် 7:31

ဘၣ်ဆၣ်ဒီးပှၤအါဂၤလၢပှၤဂီၢ်မုၢ်အကျါနာ်အီၤဒီးစံး, “တုၤခရံာ်ဟဲဝဲဒီးမ့ၢ်အဝဲကမၤတၢ်လီၤလးဒိၣ်န့ၢ်အါ န့ၢ်ဒံးအဝဲတဂၤအံၤမၤတ့ၢ်ဝဲန့ၣ်ဧါ.”

လံာ်ယိၤဟၣ် 9:16

ပှၤဖၤရံၤၡဲတနီၤစံးဝဲ, “ပှၤတဂၤလၢအမၤတၢ်တမံၤအံၤ တမ့ၢ်ပှၤဟဲလၢကစၢ်ယွၤအအိၣ်ဘၣ်. အဂ့ၢ်မ့ၢ်လၢ အဝဲတစူၢ်မုၢ်အိၣ်ဘှံးနံၤအတၢ်သိၣ်တၢ်သီအဃိလီၤ.” မ့မ့ၢ်အဂၤတနီၤစံးဝဲ, “ပှၤတဂၤလၢအမ့ၢ်ပှၤတၢ်ဒဲးဘးဖိန့ၣ်, မၤတၢ်လီၤလးဒ်သိးအံၤတဖၣ်ကသ့ဝဲလၢကျဲဒ်လဲၣ်.” ဒီးတၢ်လီၤမုၢ်လီၤဖးအိၣ်ထီၣ်လၢအဝဲသ့ၣ်အသိးအကျါလီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:27

မၤသးဒ်န့ၣ်ဒီး, စီၤကံးဒဧိၣ်ကိးထီၣ်အခ့အပှၤ အဂၤတဆံဒီးမၤဝဲဒ်ယွၤစံးဘၣ်အီၤအသိးန့ၣ်လီၤ. မ့ၢ်လၢအဝဲပျံၤဘၣ်အဒူၣ်ဖိ ထၢဖိဒီးပှၤဝ့ၢ်ဖိတဖၣ်အဃိမၤဝဲလၢမုၢ်ဆါခီတဘူၣ်ဘၣ်, သတးဒီးမၤတၢ်န့ၣ်လၢ မုၢ်နၤအကတီၢ်န့ၣ်လီၤ.