လံာ်ယိၤဟၣ် 3:17 - Sgaw Karen Common Bible

¹⁷ အဂ့ၢ်ဒ်အံၤ, တမ့ၢ်ဘၣ်ကစၢ်ယွၤမၢလီၤအဖိခွါဆူ ဟီၣ်ခိၣ်ချၢလၢအကစံၣ်ညီၣ်ပှၤဟီၣ်ခိၣ်ဖိအဂီၢ်န့ၣ် ဘၣ်. မ့ၢ်ဒ်သိးအကအုၣ်က့ၤခီၣ်က့ၤအီၤတခီန့ၣ်လီၤ.

လံာ်ယိၤဟၣ် 3:17 Iomraidhean Croise

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 18:11

(အဂ့ၢ်ဒ်အံၤ, ပှၤကညီဖိခွါဟဲတ့ၢ်ဝဲ, ဒ်သိးအကအုၣ်က့ၤခီၣ်က့ၤပှၤလၢအလီၤမၢ်တဖၣ်လီၤ.)

လံာ်လူၤကၣ် 19:10

အဂ့ၢ်ဒ်အံၤ, ပှၤကညီဖိခွါဟဲဒ်သိးအကဃုန့ၢ်ဒီးအုၣ်က့ၤခီၣ်က့ၤ ပှၤလီၤမၢ်တဖၣ်လီၤ.”

လံာ်လူၤကၣ် 9:56

ဒီးအဝဲသ့ၣ်လဲၤကဒီးဝဲဆူညါ, ဆူသဝီအဂၤတဖျၢၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.

လံာ်ယိၤဟၣ် 11:42

ယသ့ၣ်ညါလၢနဒိကနၣ်ယၤထီဘိတထံၣ်ဃီလီၤ. ဘၣ်ဆၣ်ယစံးတၢ်အံၤမ့ၢ်ဒၣ်ဒ်သိးဒီးပှၤဂီၢ်မုၢ်ဖဲအံၤတဖၣ် ကနာ်ဝဲလၢနမၢလီၤယၤအဂီၢ်န့ၣ်လီၤ.”

လံာ်ယိၤဟၣ် 17:18

ယမၢလီၤအဝဲသ့ၣ်ဆူဟီၣ်ခိၣ်ချၢ, ဒ်နမၢလီၤယၤဆူဟီၣ်ခိၣ်ချၢ အသိးန့ၣ်လီၤ.

လံာ်ယိၤဟၣ် 17:21

ယဃ့ဘါထုကဖၣ်ယဲဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ အဂီၢ်န့ၣ်လီၤ. ပၢ်ဧၢ, မ်အဝဲသ့ၣ်ကအိၣ်လၢပပူၤ, ဒ်နအိၣ်လၢယပူၤဒီးယအိၣ်လၢနပူၤအသိးန့ၣ်တက့ၢ်. မ်အဝဲသ့ၣ်ကမ့ၢ်ဒၣ်ဝဲတၢ်တမံၤဃီ, ဒ်သိးဟီၣ်ခိၣ်ကနာ်လၢနမၢလီၤယၤန့ၣ်တက့ၢ်.

လံာ်ယိၤဟၣ် 17:23

ယအိၣ်လၢအဝဲသ့ၣ်အပူၤဒီးနအိၣ်လၢယပူၤ, ဒ်သိးအဝဲသ့ၣ်ကမ့ၢ်တၢ်တမံၤဃီလၢလၢပှဲၤပှဲၤ, ဒီးဒ်သိး ဟီၣ်ခိၣ်ကသ့ၣ်ညါလၢနမၢလီၤယၤဒီးနအဲၣ်အဝဲသ့ၣ်ဒ် နအဲၣ်ယၤအသိးန့ၣ်လီၤ.

လံာ်ယိၤဟၣ် 17:25

ပၢ်လၢအတီအလိၤတဂၤဧၢ, ဟီၣ်ခိၣ်တသ့ၣ်ညါနၤဘၣ်. ဘၣ်ဆၣ်ယသ့ၣ်ညါနၤဒီးအဝဲသ့ၣ်, သ့ၣ်ညါလၢနမၢလီၤ ယၤန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

လံာ်ယိၤဟၣ် 20:21

ယ့ၣ်ၡူးစံးဘၣ်ကဒီးအဝဲသ့ၣ်, “မ်တၢ်ဃူတၢ်ဖိးအိၣ်ဒီးသု တက့ၢ်. ဒ်ပၢ်မၢလီၤတ့ၢ်ယၤအသိး, ယမၢလီၤသုစ့ၢ်ကီးလီၤ.”

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

လံာ်ယိၤဟၣ် 5:36

ဘၣ်ဆၣ်ဒီးယအိၣ်ဒီးတၢ်အုၣ်အသးလၢယဂီၢ်လၢ အဒိၣ်န့ၢ်ဒံးစီၤယိၤဟၣ်အတၢ်အုၣ်အသးတက့ၢ်လီၤ. တၢ်လၢယမၤလၢအမ့ၢ်တၢ်မၤတဖၣ်လၢပၢ်ဟ့ၣ်လီၤ ယၤလၢယကမၤန့ၣ်, အုၣ်အသးလၢယဂီၢ်ဒီးဒုးနဲၣ်ဝဲလၢ ပၢ်မၢလီၤယၤန့ၣ်လီၤ.

လံာ်ယိၤဟၣ် 5:38

ဒီးသုတဟံးဃာ်ယွၤအကလုၢ်ကထါလၢသုသးကံၢ်ပူၤဘၣ်. မ့ၢ်လၢသုတနာ်ပှၤလၢပၢ်မၢလီၤအီၤတဂၤန့ၣ်အဃိလီၤ.

လံာ်ယိၤဟၣ် 5:45

သုတဆိကမိၣ်လၢယကမ့ၢ်ပှၤပာ်တၢ်ကမၣ်လၢသုလိၤ လၢပၢ်အမဲာ်ညါန့ၣ်တဂ့ၤ. စီၤမိၤၡ့လၢသုပာ်တၢ်မုၢ်လၢ်လၢ အပူၤတဂၤန့ၣ်, ကမ့ၢ်ပှၤတဂၤလၢအပာ်တၢ်ကမၣ်လၢသုလိၤ တခီန့ၣ်လီၤ.

လံာ်ယိၤဟၣ် 6:29

ယ့ၣ်ၡူးစံးဆၢတၢ်ဒီးစံးဝဲ, “တၢ်လၢကစၢ်ယွၤဘၣ်အသး လၢသုကမၤန့ၣ်, မ့ၢ်တၢ်စူၢ်က့ၤနာ်က့ၤပှၤလၢအဝဲမၢလီၤဝဲ တဂၤန့ၣ်လီၤ.”

လံာ်ယိၤဟၣ် 6:38

အဂ့ၢ်ဒ်လဲၣ်န့ၣ်, ယဟဲလီၤလၢမူခိၣ် ဒ်သိးယကမၤပှၤလၢအမၢလီၤယၤတဂၤအတၢ်ဘၣ်အသး ဒီးတမ့ၢ်တၢ်ဘၣ်ယသးဒၣ်ယဲအဂီၢ်န့ၣ်ဘၣ်.

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

လံာ်ယိၤဟၣ် 6:57

ပၢ်လၢအမူဝဲတဂၤမၢလီၤယၤ, ဒီးလၢအဝဲဒၣ်အဃိယမူယဲစ့ၢ် ကီးလီၤ. ဒ်န့ၣ်အသိး, ပှၤတဂၤလၢ်လၢ်လၢအအီၣ်ယၤန့ၣ်ကမူ ဝဲလၢယဃိန့ၣ်လီၤ.

လံာ်ယိၤဟၣ် 7:29

ဘၣ်ဆၣ်ယသ့ၣ်ညါအီၤမ့ၢ်လၢယဟဲလၢအအိၣ်ဒီး အဝဲဒၣ်မၢလီၤယၤအဃိလီၤ.”

လံာ်ယိၤဟၣ် 8:11

ပိာ်မုၣ်န့ၣ်စံးဆၢအီၤ, “ကစၢ်ဧၢ, တအိၣ်နီတဂၤလၢၤဘၣ်.” ဒီးယ့ၣ်ၡူးစံးဘၣ်အီၤ, “မ့မ့ၢ်ဒ်န့ၣ်ဒီးယတစံၣ်ညီၣ်နၤစ့ၢ်ကီး ဘၣ်. က့ၤက့ၤဒီးတဘၣ်မၤလၢၤတၢ်ဒဲးဘးတဂ့ၤ.”]

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.