လံာ်ယိၤဟၣ် 3:16 - Sgaw Karen Common Bible

¹⁶ အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 3:16 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 22:2

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

လံာ်မၢ်ကူး 12:6

အဝဲကမၢလီၤဝဲအဂီၢ်ပှၤအိၣ်တီၢ်ထဲတဂၤလၢအမ့ၢ်အဖိခွါလၢ အအဲၣ်ဘၣ်ဝဲဒိၣ်မးန့ၣ်လီၤ. လၢခံကတၢၢ်မၢလီၤဝဲဆူပှၤဒိးလဲအီၣ်တၢ်တဖၣ်အအိၣ်လီၤ. အဝဲဒၣ်စံးဝဲ, “ယနာ်လၢအဝဲသ့ၣ်ကပာ်ကဲယဖိခွါလီၤ.”

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 10:28

ယဟ့ၣ်အီၤလၢတၢ်မူအထူအယိာ်, ဒီးအဝဲသ့ၣ်တသံလၢၤနီတဘျီဘၣ်. ပှၤဂုာ်န့ၢ်ဆူၣ်အဝဲသ့ၣ်လၢယအိၣ်တသ့နီတဂၤဘၣ်.

လံာ်ယိၤဟၣ် 3:15

ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ်, ကန့ၢ်ဘၣ်တၢ်မူအထူအယိာ်န့ၣ်လီၤ.

လံာ်ယိၤဟၣ် 3:18

ပှၤလၢအစူၢ်က့ၤနာ်က့ၤအီၤန့ၣ်ယွၤတစံၣ်ညီၣ်အီၤဘၣ်. မ့မ့ၢ်ပှၤလၢအတစူၢ်တနာ်အီၤန့ၣ်ယွၤစံၣ်ညီၣ်တ့ၢ်လံ အီၤမ့ၢ်လၢအဝဲတစူၢ်တနာ်ဘၣ်ယွၤအဖိခွါထဲတဂၤဧိၤ အဃိလီၤ.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

ရိမ့ၤ 5:10

ပမ့ၢ်တ့ၢ်ကစၢ်ယွၤအဒုၣ်အဒါတဖၣ်, ဘၣ်ဆၣ်အဝဲမၤဘၣ်လိာ်က့ၤပှၤဒီးအီၤခီဖျိအဖိခွါအတၢ်သံန့ၣ်လီၤ. ဒီးခဲအံၤမ့ၢ်လၢပမ့ၢ်ကစၢ်ယွၤအတံၤသကိးတဖၣ်အဃိဒီး, ခရံာ်အတၢ်မူကအုၣ်က့ၤခီၣ်က့ၤပှၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

အ့းဖ့းစူး 2:4

ဘၣ်ဆၣ်ဒီးယွၤလၢအထူးဝဲတီၤဝဲဒီးတၢ်သးကညီၤန့ၣ်, လၢတၢ်အဲၣ်ဘၣ်ပှၤအဒိၣ်အအါအပူၤ,

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

တံတူး 3:4

ဘၣ်ဆၣ်ဒီးတုၤကစၢ်ယွၤလၢအအုၣ်က့ၤခီၣ်က့ၤပှၤအတၢ်သး ကညီၤဒီးအတၢ်အဲၣ်တၢ်ကွံဘၣ်တၢ်လီၣ်ဖျါထီၣ်အီၤဒီး,

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.

၁ ယိၤဟၣ် 3:1

ပၢ်ကစၢ်အဲၣ်တ့ၢ်ပှၤထဲထဲလဲၣ်န့ၣ်, ကွၢ်တက့ၢ်. အတၢ်အဲၣ်အံၤဒိၣ်ဝဲတုၤဒၣ်လဲာ်ပဘၣ်တၢ်ကိးပှၤလၢ ကစၢ်ယွၤအဖိတဖၣ်ဒီးပမ့ၢ်တၢ်အဝဲန့ၣ်န့ၣ်လီၤ. လၢတၢ်အံၤအဃိ, ဟီၣ်ခိၣ်တသ့ၣ်ညါပှၤဘၣ်, အဂ့ၢ်မ့ၢ်လၢတသ့ၣ်ညါကစၢ်ယွၤအဃိလီၤ.

၁ ယိၤဟၣ် 4:19

ပအဲၣ်တၢ်ကွံတၢ်လီၤ. အဂ့ၢ်ဒ်အံၤယွၤအဲၣ်ဆိပှၤလီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,