လံာ်ယိၤဟၣ် 3:12 - Sgaw Karen Common Bible

¹² ယတဲဘၣ်နၤတၢ်တဖၣ်လၢအဘၣ်ဃးဒီးဟီၣ်ခိၣ် ဒီးနတနာ်ယၤဘၣ်. မ့မ့ၢ်ဒ်န့ၣ်ဒီး, ဖဲယတဲဘၣ်နၤတၢ်တဖၣ်လၢအဘၣ်ဃးဒီးမူခိၣ်န့ၣ် နနာ်ယၤကသ့ဒ်လဲၣ်.

လံာ်ယိၤဟၣ် 3:12 Iomraidhean Croise

လံာ်ယိၤဟၣ် 3:11

ယတဲဘၣ်နၤတီတီလိၤလိၤ, ပကတိၤတၢ်လၢပသ့ၣ်ညါ ဒီး ပပာ်ဖျါတၢ်လၢပထံၣ်, အန့ၣ်ဒၣ်လဲာ် သုဝဲလၢအသးအိၣ်တူၢ်လိာ်ပတၢ်ကစီၣ်တအိၣ်နီတဂၤဘၣ်.

လံာ်ယိၤဟၣ် 3:3

ယ့ၣ်ၡူးစံးဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ်ဒီး, ပှၤထံၣ်ဘၣ်ကစၢ်ယွၤအဘီအမုၢ်တသ့ဘၣ်.”

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

လံာ်ယိၤဟၣ် 3:8

ကလံၤန့ၣ်ဖဲအမိၣ်အူအသးဒီးအူဝဲလီၤ. နနၢ်ဟူအသီၣ် ဘၣ်ဆၣ်ဟဲလၢလဲၣ်မ့တမ့ၢ်လဲၤဆူလဲၣ်န့ၣ်နတသ့ၣ်ညါဘၣ်. ပှၤကိးဂၤဒဲးလၢအအိၣ်ဖျဲၣ်လၢယွၤအသးန့ၣ်မၤအသးဒ်န့ၣ် အသိးလီၤ.”

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ဧ့ၤဘြံၤ 5:11

ဘၣ်ဃးတၢ်ဂ့ၢ်အံၤတၢ်လၢပကဘၣ်တဲဘၣ်သုအိၣ်အါမးလီၤ. ဘၣ်ဆၣ်မ့ၢ်လၢသုနူၤဃၢနၢ်ဃၢအဃိ, ပကတဲနၢ်ပၢၢ်သုမ့ၢ် တၢ်ကီဝဲလီၤ.

၁ ယိၤဟၣ် 4:10

တၢ်အဲၣ်တၢ်ကွံမ့ၢ်တၢ်အံၤလီၤ. တမ့ၢ်တၢ်အဲၣ်လၢပအဲၣ်တ့ၢ် ကစၢ်ယွၤဘၣ်. မ့မ့ၢ်တခီ, မ့ၢ်ကစၢ်ယွၤအတၢ်အဲၣ်ပှၤလၢ အမၢလီၤအဖိခွါဒ်သိးကကဲထီၣ်ကျဲလၢပတၢ်ဒဲးဘးတဖၣ် ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ.