လံာ်ယိၤဟၣ် 21:5 - Sgaw Karen Common Bible

⁵ အန့ၣ်ဒီး, ယ့ၣ်ၡူးသံကွၢ်အဝဲသ့ၣ်, “ဖိသ့ၣ်လံၤသ့ၣ်ဧၢ, မ့ၢ်သုမၤအီၣ်ညၣ်တန့ၢ်ဘၣ်ဧါ.” အဝဲသ့ၣ်စံးဆၢအီၤ, “တန့ၢ်နီတဘ့ၣ်ဘၣ်.”

လံာ်ယိၤဟၣ် 21:5 Iomraidhean Croise

လံာ်စီၤပၤအခီၣ်ထံးတဘ့ၣ် 19:6

အဝဲကွၢ်ဝးတရံးတၢ်ဒီးထံၣ်ဘၣ်ကိၣ်တလိၣ်ဒီးထံတကိအိၣ်ဘူး ဒီးအခိၣ်န့ၣ်လီၤ. အဝဲအီၣ်တၢ်ဒီးအီထံဒီးမံလီၤကဒီးဝဲန့ၣ်လီၤ.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

လံာ်မးသဲ 14:15

တုၤမုၢ်ဟါလီၤအကတီၢ်ဘၣ်ဒီး, အပျဲၢ်အဘီၣ်တဖၣ်ဟဲဆူအအိၣ်ဒီးစံး, “တၢ်လီၢ်အံၤ မ့ၢ်တၢ်လီၢ်လၢပှၤတအိၣ်နီတဂၤဘၣ်ဒီးမုၢ်ဟါလီၤလံ. ပျၢ်ကွံာ်ပှၤဂီၢ်မုၢ်တဖၣ်, ဒ်သိးအကလဲၤနုာ်ဆူဒူသဝီတဖၣ်အပူၤဒီးပှ့ၤန့ၢ်တၢ်အီၣ်လၢ အဝဲသ့ၣ်အဂီၢ်ဒၣ်ဝဲန့ၣ်တက့ၢ်.”

လံာ်မၢ်ကူး 8:7

လၢအဝဲသ့ၣ်အအိၣ်န့ၣ်, အိၣ်စ့ၢ်ကီးဒီးညၣ်ဖိစှၤဘ့ၣ်န့ၣ်လီၤ. ယ့ၣ်ၡူးစံးထီၣ်ပတြၢၤယွၤအဘျုးအဖှိၣ်ဝံၤမၤလိာ်အပျဲၢ်အဘီၣ် တဖၣ်လၢကနီၤဟ့ၣ်အီၣ်စ့ၢ်ကီးပှၤတဖၣ်န့ၣ်လီၤ.

ဖံလံးပံၤ 4:19

လၢအတၢ်ထူးတၢ်တီၤအါအါကလဲာ်ခီဖျိယ့ၣ်ၡူးခရံာ်န့ၣ်, ယကစၢ်ယွၤကဟ့ၣ်သုတၢ်အလိၣ်ခဲလၢာ်လီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”

၁ ယိၤဟၣ် 2:13

ပၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုသ့ၣ်ညါတ့ၢ်ပှၤလၢ အအိၣ်တ့ၢ်လံလၢတၢ်အခီၣ်ထံးလံၤလံၤတဂၤအဃိလီၤ. ပှၤသးစၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢ သုမၤနၢၤကွံာ်တၢ်အၢတၢ်သီတဂၤန့ၣ်အဃိလီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.