လံာ်ယိၤဟၣ် 21:25 - Sgaw Karen Common Bible

²⁵ တၢ်အဂုၤအဂၤတဖၣ်လၢယ့ၣ်ၡူးမၤဝဲန့ၣ်, အိၣ်ဒံးအါမံၤန့ၣ်လီၤ. တၢ်မ့ၢ်ကွဲးလီၤအီၤတမံၤဘၣ်တမံၤခဲလၢာ်ဒီး, ယဆိကမိၣ်လၢလံာ်တဖၣ်လၢအကဘၣ်တၢ်ကွဲးအီၤန့ၣ်, ဟီၣ်ခိၣ်ဒီဘ့ၣ်တမ့ၢ်လၢအကတြီၢ်လၢၤဘၣ်န့ၣ်လီၤ.

လံာ်ယိၤဟၣ် 21:25 Iomraidhean Croise

လံာ်စီၤယိၤဘး 26:14

ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

စံးထီၣ်ပတြၢၤ 71:15

ယထးခိၣ်ကတဲဖျါထီၣ်နတၢ်တီတၢ်လိၤ အတၢ်ဖံးတၢ်မၤတဖၣ်, နတၢ်အုၣ်က့ၤခီၣ်က့ၤသ့သ့တနံၤလီၤ. အဂ့ၢ်ဒ်အံၤ, ယတသ့ၣ်ညါဘၣ် အတၢ်ဂံၢ်တဖၣ်ဘၣ်.

လံာ်ပှၤစံၣ်တဲၤတဲလီၤတၢ် 12:12

ယဖိခွါဧၢ, တၢ်အိၣ်ဒံးဝဲအဂၤတမံၤလၢတၢ်ပလီၢ်သူၣ်ပလီၢ်သး အဂီၢ်လီၤ. တၢ်ကွဲးလံာ်တဖၣ်န့ၣ်အကတၢၢ်ကတာ်တအိၣ်နီ တဘျီဘၣ်. ဒီးတၢ်မၤလိတၢ်အါကဲၣ်ဆိးန့ၣ်, ကမၤလီၤဘှံးကွံာ် နၤလီၤ.

လံာ်ဧၤမိၣ် 7:10

ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 19:24

ယစံးဘၣ်ကဒီးသု, ကီၤလၤအူးတဒုဝၣ်ဖျိထးအမဲၢ်ခံန့ၣ်, ညီဒိၣ်န့ၢ်ဒံးပှၤထူးပှၤတီၤတဂၤကလဲၤနုာ်ဆူမူခိၣ်ဘီမုၢ် အပူၤတက့ၢ်လီၤ.”

လံာ်မၢ်ကူး 5:16

ပှၤလၢအထံၣ်ဘၣ်တၢ်မၤအသးနီၢ်နီၢ်တဖၣ်စံးဘၣ်တဲဘၣ်ပှၤလၢ အဟဲကွၢ်တၢ်တဖၣ်ဘၣ်ဃးတၢ်မၤအသးဒီးပှၤလၢတၢ်နါဒိးအီၤတဂၤ, ဒီးထိးတဖၣ်အဂ့ၢ်အကျိၤလီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

ဧ့ၤဘြံၤ 11:32

ယကဘၣ်စံးအါထီၣ်ဒံးတၢ်မနုၤလဲၣ်. အဂ့ၢ်ဒ်အံၤယမ့ၢ်စံး ကတိၤလၢစီၤကံးဒဧိၣ်, စီၤဘါရး, စီၤၡံၣ်ၡိၣ်, စီၤယံးဖသၤ, စီၤဒၤဝံး, စီၤၡမူၤအ့လးဒီးဝံတဖၣ်အဂ့ၢ်န့ၣ်တၢ်ဆၢကတီၢ် တမ့ၢ်ကလၢလၢယဂီၢ်ဘၣ်.