လံာ်ယိၤဟၣ် 21:2 - Sgaw Karen Common Bible

² စီၤၡံမိၣ်ပ့းတရူး, စီၤသိၤမါ (လၢတၢ်ကိးအီၤလၢပှၤသဃံာ်), စီၤနၤသန့လး (ပှၤဝ့ၢ်ကၤနါဖိလၢကီၢ်ကၤလံၤလါ), စီၤစ့းဘ့းဒဲ အဖိခွါခံဂၤ, ဒီးယ့ၣ်ၡူးအပျဲၢ်အဘီၣ်အဂၤခံဂၤ, ဒီးအဝဲသ့ၣ်ခဲလၢာ်န့ၣ်အိၣ်ဝဲတပူၤဃီလီၤ.

လံာ်ယိၤဟၣ် 21:2 Iomraidhean Croise

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်မၢ်ကူး 1:19

အဝဲလဲၤယံၤထီၣ်ကဒီးဆူညါတစဲးဒီးထံၣ်ဘၣ်စီၤစ့းဘ့းဒဲ အဖိခွါစီၤယၤကိာ်ဒီးအပုၢ်စီၤယိၤဟၣ်အိၣ်လၢချံပူၤဒီးဆးက့ၤ အစၤတဖၣ်လီၤ.

လံာ်လူၤကၣ် 5:10

ပှၤမၤသကိးတၢ်ဒီးစီၤၡံမိၣ်လၢအမ့ၢ်ဝဲစီၤစ့းဘ့းဒဲအဖိခွါ, စီၤယၤကိာ်ဒီးစီၤယိၤဟၣ်တဖၣ်ကမၢကမၣ်ဝဲစ့ၢ်ကီးလီၤ. ယ့ၣ်ၡူးစံးဘၣ်စီၤၡံမိၣ်, “တဘၣ်ပျံၤတၢ်တဂ့ၤ. စးထီၣ်မုၢ်တနံၤအံၤဒီးဆူညါန့ၣ်, နကဖီၣ်န့ၢ်ပှၤကညီတဖၣ်လီၤ.”

လံာ်ယိၤဟၣ် 1:45

စီၤဖံလံးပူးထံၣ်န့ၢ်စီၤနၤသန့လးဒီးစံးဘၣ်အီၤ, “ပထံၣ်န့ၢ်လံပှၤလၢစီၤမိၤၡ့ကွဲးလၢအဂ့ၢ်လၢလံာ် တၢ်သိၣ်တၢ်သီအပူၤဒီးဝံသ့ၣ်တဖၣ်ကွဲးစ့ၢ်ကီးလၢ အဂ့ၢ်တဂၤလံန့ၣ်လီၤ. အဝဲမ့ၢ်ပှၤနစၤရ့းဖိယ့ၣ်ၡူးလၢ အမ့ၢ်စီၤယိၤသးအဖိခွါန့ၣ်လီၤ.”

လံာ်ယိၤဟၣ် 11:16

စီၤသိၤမါ (အခီပညီမ့ၢ်ပှၤသဃံာ်) စံးဘၣ်အပျဲၢ်အဘီၣ်သကိး ဒီးအီၤတဖၣ်, “မ်ပဝဲခဲလၢာ်ပလဲၤသကိးဒီးသရၣ်, ဒ်သိးပကသံဃုာ်ဒီးအီၤအဂီၢ်တက့ၢ်.”

လံာ်ယိၤဟၣ် 2:1

ဒီးလၢသၢနံၤတနံၤန့ၣ်, တၢ်တ့တၢ်ဖျီအမူးအိၣ်ဝဲတမူးလၢဝ့ၢ် ကၤနါလၢအအိၣ်ဝဲလၢကီၢ်ကၤလံလါအပူၤ, ဒီးယ့ၣ်ၡူးအမိၢ် အိၣ်ဝဲဖဲန့ၣ်လီၤ.

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

လံာ်ယိၤဟၣ် 4:46

အန့ၣ်ဝံၤ, ယ့ၣ်ၡူးက့ၤကဒါက့ၤဆူဝ့ၢ်ကၤနါလၢကီၢ်ကၤလံၤလါ အပူၤ, တၢ်လီၢ်ဖဲတဘျီအဝဲမၤကဲထီၣ်ထံလၢစပံးထံန့ၣ်လီၤ. လၢဝ့ၢ်ကပ့းရနီၣ်န့ၣ်ပဒိၣ်အိၣ်ဝဲတဂၤလၢအဖိခွါဆိးက့ဝဲန့ၣ်လီၤ.

လံာ်စီၤယိၤၡူ 19:28

ဒီးဃ့ဘြိၣ်, ရဃိၣ်, ဃမိၤ, ကါနၤ, ပၢၢ်လၢစံဒိၣ်ဖးဒိၣ်လီၤ.