လံာ်ယိၤဟၣ် 21:18 - Sgaw Karen Common Bible

¹⁸ ယစံးဘၣ်နၤတၢ်မ့ၢ်တၢ်တီ, ဖဲနသးစၢ်ဒံးအခါန့ၣ်, နကတဲာ်ကတီၤထီၣ်နသးဒီးလဲၤဖဲနအဲၣ်ဒိးလဲၤန့ၣ် လီၤ. ဘၣ်ဆၣ်တုၤနသးပှၢ်ထီၣ်ဒီး, နကယူာ်ထီၣ်နစု တဖၣ်ဒီးပှၤအဂၤတဂၤကစၢဃာ်နၤဒီးကဆှၢနၤဆူတၢ်လီၢ်လၢ နတအဲၣ်ဒိးလဲၤဘၣ်န့ၣ်လီၤ.”

လံာ်ယိၤဟၣ် 21:18 Iomraidhean Croise

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

လံာ်ယိၤဟၣ် 13:36

စီၤၡံမိၣ်ပ့းတရူးသံကွၢ်ယ့ၣ်ၡူး, “ကစၢ်ဧၢ, နကလဲၤဆူလဲၣ်.” ယ့ၣ်ၡူးစံးဆၢအီၤ, “တၢ်လီၢ်လၢယကလဲၤန့ၣ်, နလဲၤပိာ်ယခံ ခဲအံၤတသ့ဘၣ်. ဘၣ်ဆၣ်လၢခံန့ၣ်နကဟဲပိာ်ယခံလီၤ.”

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

လံာ်ယိၤဟၣ် 21:19

(ယ့ၣ်ၡူးစံးတၢ်အံၤမ့ၢ်ဒ်သိးကဒုးနဲၣ်ဖျါထီၣ်ကျဲလၢ စီၤပ့းတရူးကဘၣ်သံဝဲဒီးမၤလၤကပီၤယွၤဒ်လဲၣ်အဂ့ၢ် န့ၣ်လီၤ.) ဝံၤဒီးယ့ၣ်ၡူးစံးဘၣ်အီၤ, “ဟဲဒီး ကဲဘၣ်ယပျဲၢ်ယဘီၣ် တက့ၢ်.”

မၤတၢ် 21:11

အဝဲဒၣ်ဟဲဆူပအိၣ်, ဟံးထီၣ်စီၤပီလူးအယီၢ်တကိး, စၢလီၤက့ၤအစုအခီၣ်ဒၣ်ဝဲလၢယီၢ်တကိးအဝဲန့ၣ်ဒီးစံးဝဲ, “သးစီဆှံစံးဝဲဒၣ်, ယီၢ်တကိးအဝဲအံၤအကစၢ်န့ၣ်ပှၤယူဒၤဖိဖဲ ဝ့ၢ်ယရူၤၡလ့ၣ်တဖၣ်ကစၢဃာ်အီၤဒ်သိးအံၤ, ဒီးအဝဲသ့ၣ်ကဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤလီၤ.

၂ ကရံၣ်သူး 5:4

ဖဲပအိၣ်ပဆိးလၢဟီၣ်ခိၣ်အဒဲတဖျၢၣ်အံၤအပူၤအဆၢ ကတီၢ်န့ၣ်, ပကအုကစွါပဝဲဒ်ပဘၣ်တၢ်နးတၢ်ဖှီၣ်အသိး လီၤ. တမ့ၢ်လၢပအဲၣ်ဒိးညိကွံာ်ပဟီၣ်ခိၣ်အနီၢ်ခိအံၤ အဃိဘၣ်. မ့မ့ၢ်တခီ, မ့ၢ်လၢပအဲၣ်ဒိးတၢ်ဒုးကူဒုးသိးထီၣ် ပှၤလၢနီၢ်ခိဘၣ်ဃးဒီးမူခိၣ်, ဒ်သိးတၢ်လၢအသံသ့ကဘၣ်တၢ်ပျိာ်လဲလိာ်ကွံာ်အီၤဆူ တၢ်မူအဂီၢ်န့ၣ်လီၤ.