လံာ်ယိၤဟၣ် 21:15 - Sgaw Karen Common Bible

¹⁵ အဝဲသ့ၣ်အီၣ်ဂီၤတၢ်အီၣ်ဝံၤဒီး, ယ့ၣ်ၡူးစံးဘၣ်စီၤၡံမိၣ် ပ့းတရူး, “စီၤယိၤနါအဖိခွါစီၤၡံမိၣ်ဧၢ, မ့ၢ်နအဲၣ်ယၤအါန့ၢ်ဒံးအဝဲသ့ၣ်တဖၣ်အဲၣ်ယၤန့ၣ်ဧါ.” အဝဲစံးဆၢဝဲ, “ကစၢ်ဧၢ, မ့ၢ်လီၤ, နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ “လုၢ်အီၣ်လုၢ်အီယသိဖိတဖၣ်တက့ၢ်.”

လံာ်ယိၤဟၣ် 21:15 Iomraidhean Croise

လံာ်တၢ်ကဲထီၣ်အခီၣ်ထံး 33:13

စီၤယၤကိာ်စံးဆၢဝဲ, “နသ့ၣ်ညါလၢဖိသၣ်တဖၣ်အဂံၢ်စၢ်ဘါစၢ် ဝဲ, ဒီးယကဘၣ်ဆိကမိၣ်တၢ်လၢသိ, ဂီၤဘုၣ်ဂီၤဖံးဒီးအဖိတဖၣ်အဂီၢ် လီၤ. အဝဲသ့ၣ်မ့ၢ်ဘၣ်တၢ်မိၤဆူၣ်အီၤလၢတနံၤဃီအတီၢ်ပူၤန့ၣ်, ဆၣ်ဖိကီၢ်ဖိဒီတဖုကသံဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:20

ယစံးအါထီၣ်နၤတၢ်မနုၤကသ့ဒံးလဲၣ်. နသ့ၣ်ညါယၤ, နခ့နပှၤအံၤလီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယံးရမံယၤ 23:4

ယကဃုထၢပာ်လီၤပှၤပၢတၢ်တဖၣ်လၢကကဟုကယာ်အဝဲသ့ၣ် အဂီၢ်န့ၣ်လီၤ. ယပှၤဂီၢ်မုၢ်အံၤတပျံၤတၢ်လၢၤဘၣ်ဒီးတဘၣ်ယိၣ် ဘၣ်ဘီတၢ်လၢၤဘၣ်, ဒီးယတစံၣ်ညီၣ်ကဒီးအဝဲသ့ၣ်လၢၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 3:15

ယကဟ့ၣ်လီၤသုလၢပှၤပၢတၢ်တဖၣ်လၢအစူၢ်ယၤ, ဒီးအဝဲသ့ၣ်ကပၢသုလၢတၢ်ကူၣ်သ့ဒီးတၢ် သ့ၣ်ညါနၢ်ပၢၢ်အပူၤန့ၣ်လီၤ.

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်ယဃ့းစက့လး 46:24

ပှၤတဂၤန့ၣ်စံးဘၣ်ယၤ, “အအံၤမ့ၢ်ဖၣ်ကပူၤဖဲယွၤအတၢ်လုၢ်ဟံၣ် အခ့အပှၤတဖၣ်ကချီတၢ်လုၢ်တၢ်ပာ်တဖၣ်လၢပှၤဂီၢ်မုၢ်လုၢ်ထီၣ်ဝဲန့ၣ်လီၤ.”

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 26:33

စီၤပ့းတရူးစံးဘၣ်ယ့ၣ်ၡူး, “ပှၤအဂၤခဲလၢာ်မ့ၢ်သးဟးဂီၤဒီးပာ်တ့ၢ်ကွံာ်နၤဘၣ်ဆၣ်, ယတပာ်တ့ၢ်နၤနီတဘျီဘၣ်.”

လံာ်မးသဲ 26:35

စီၤပ့းတရူးစံးဆၢအီၤ, “ယမ့ၢ်ဘၣ်သံဃုာ်ဒီးနၤဒၣ်လဲာ်, ယတသမၢနၤနီတဘျီဘၣ်.” ဒီးအပျဲၢ်အဘီၣ်အဂၤတဖၣ်ခဲလၢာ်စံးတၢ်တမံၤဃီလီၤ.

လံာ်မၢ်ကူး 14:29

စီၤပ့းတရူးစံးဘၣ်အီၤ, “ပှၤဂၤခဲလၢာ်မ့ၢ်သးဟးဂီၤကွံာ်လၢနပူၤ သနာ်က့, ယဲဒၣ်ယသးတဟးဂီၤနီတစုဘၣ်.”

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

လံာ်ယိၤဟၣ် 1:42

ဒီးအဝဲဒၣ်လဲၤဆှၢစီၤၡံမိၣ်ဆူယ့ၣ်ၡူးအအိၣ်န့ၣ်လီၤ. ဒီးယ့ၣ်ၡူးကွၢ်ဃီၤအီၤဒီးစံးဝဲ, “နမံၤမ့ၢ်စီၤၡံမိၣ်ဒီးနပၢ်အမံၤမ့ၢ် စီၤယိၤနါန့ၣ်လီၤ. ဘၣ်ဆၣ်တၢ်ကကိးက့ၤနၤလၢစီၤက့ၤဖးန့ၣ်လီၤ.” (မ့ၢ်တမံၤဃီဒီးစီၤပ့းတရူးလၢအခီပညီမ့ၢ်လၢၢ်လီၤ.)

လံာ်ယိၤဟၣ် 13:37

စီၤပ့းတရူးသံကွၢ်အီၤ, “ကစၢ်ဧၢ, ယလဲၤပိာ်နခံခဲအံၤတသ့ န့ၣ်ဘၣ်မနုၤလဲၣ်. ယအိၣ်ကတဲာ်ကတီၤယသးလၢယကဟ့ၣ် လီၤယသးသမူလၢနဂီၢ်လီၤ.”

လံာ်ယိၤဟၣ် 16:27

အဂ့ၢ်ဒ်လဲၣ်န့ၣ်, ပၢ်အကစၢ်ဒၣ်ဝဲအဲၣ်သုလီၤ. အဝဲဒၣ်အဲၣ် သုမ့ၢ်လၢသုအဲၣ်ယၤဒီးနာ်တ့ၢ်လၢယဟဲလၢပၢ်ကစၢ်ယွၤ အအိၣ်အဃိန့ၣ်လီၤ.

လံာ်ယိၤဟၣ် 21:12

ယ့ၣ်ၡူးစံးဘၣ်အဝဲသ့ၣ်, “ဟဲဒီးအီၣ်ဂီၤအတၢ်အီၣ် တက့ၢ်.” အပျဲၢ်အဘီၣ်ကသံကွၢ်အီၤလၢအမ့ၢ်မတၤ လဲၣ်န့ၣ်, တဘူၣ်နီတဂၤဘၣ်. မ့ၢ်လၢအဝဲသ့ၣ်, သ့ၣ်ညါဝဲလၢအမ့ၢ်ကစၢ်အဃိန့ၣ်လီၤ.

လံာ်ယိၤဟၣ် 21:7

အပျဲၢ်အဘီၣ်လၢယ့ၣ်ၡူးအဲၣ်အီၤတဂၤစံးဘၣ် စီၤပ့းတရူး, “မ့ၢ်ကစၢ်န့ၣ်လီၤ.” ဖဲစီၤပ့းတရူးနၢ်ဟူလၢ အမ့ၢ်ကစၢ်လီၤန့ၣ်, မ့ၢ်လၢအဝဲအိၣ်ဘ့ၣ်ဆ့အဃိအဝဲ သိးထီၣ်က့ၤအဆ့ကၤအဖီခိၣ်ဒီးကံၢ်တူာ်ဃာ်ဝဲဒီးစံၣ်လီၤ ဆူထံကျါန့ၣ်လီၤ.

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 20:29

ယသ့ၣ်ညါယဲဒၣ်လၢယဟးထီၣ်ဝံၤအလီၢ်ခံန့ၣ်, ထွံၣ်မံၤအဒူတဖၣ်ကဟဲနုာ်လီၤဆူသုကျါ, ဒီးတပျဲပူၤသိတဖၣ် န့ၣ်ဘၣ်.

ရိမ့ၤ 14:1

ပှၤလၢသုကျါလၢအတၢ်နာ်အဂံၢ်အဘါစၢ်တဖၣ်န့ၣ်တူၢ်လိာ်အီၤ တက့ၢ်. ဘၣ်ဆၣ်ဒီးတဘၣ်ဂ့ၢ်လိာ်ဒီးအီၤဘၣ်ဃးအတၢ်ဆိကမိၣ် ဆိကမးတဖၣ်န့ၣ်တဂ့ၤ.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

1 ကရံၣ်သူး 8:11

ဒီးလၢတၢ်န့ၣ်အဃိပှၤဂံၢ်စၢ်ဘါစၢ်တဂၤအံၤ, နဒီပုၢ်ဝဲၢ်လၢခရံာ် သံလၢအဂီၢ်န့ၣ်, ကလီၤမၢ်ကွံာ်ဝဲ, မ့ၢ်လၢန, “တၢ်သ့ၣ်ညါနၢ်ပၢၢ်” အဃိန့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

အ့းဖ့းစူး 6:24

မ်ယွၤအဘျုးအဖှိၣ်အိၣ်ဒီးပှၤလၢအအဲၣ်ပကစၢ်ယ့ၣ်ၡူးခရံာ် လၢတၢ်အဲၣ်အထူအယိာ်ခဲလၢာ်န့ၣ်တက့ၢ်.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.

၁ ယိၤဟၣ် 4:19

ပအဲၣ်တၢ်ကွံတၢ်လီၤ. အဂ့ၢ်ဒ်အံၤယွၤအဲၣ်ဆိပှၤလီၤ.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.