လံာ်ယိၤဟၣ် 21:12 - Sgaw Karen Common Bible

¹² ယ့ၣ်ၡူးစံးဘၣ်အဝဲသ့ၣ်, “ဟဲဒီးအီၣ်ဂီၤအတၢ်အီၣ် တက့ၢ်.” အပျဲၢ်အဘီၣ်ကသံကွၢ်အီၤလၢအမ့ၢ်မတၤ လဲၣ်န့ၣ်, တဘူၣ်နီတဂၤဘၣ်. မ့ၢ်လၢအဝဲသ့ၣ်, သ့ၣ်ညါဝဲလၢအမ့ၢ်ကစၢ်အဃိန့ၣ်လီၤ.

လံာ်ယိၤဟၣ် 21:12 Iomraidhean Croise

လံာ်မးသဲ 22:46

ပှၤစံးဆၢက့ၤယ့ၣ်ၡူးတသ့နီတဘီနီတဂၤဘၣ်. ဒီးစးထီၣ်လၢမုၢ်တနံၤန့ၣ်, ပှၤသံကွၢ်အီၤတၢ်တဘူၣ်နီတမံၤနီတဂၤလၢၤဘၣ်.

လံာ်မၢ်ကူး 9:32

ဘၣ်ဆၣ်ဒီးအတၢ်သိၣ်လီၤသီလီၤတၢ်အံၤ အဝဲသ့ၣ်တနၢ်ပၢၢ်ဝဲအခီပညီဘၣ်ဒီးကသံကွၢ်အီၤအဂီၢ် အဝဲသ့ၣ်ပျံၤတၢ်န့ၣ်လီၤ.

လံာ်လူၤကၣ် 9:45

ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.

လံာ်ယိၤဟၣ် 16:19

ယ့ၣ်ၡူးသ့ၣ်ညါဝဲလၢအဝဲသ့ၣ်သးအိၣ်သံကွၢ်အီၤတၢ်အံၤ သတးဒီးအဝဲဒၣ်စံးဘၣ်တဲဘၣ်အဝဲသ့ၣ်, “မ့ၢ်သုသံကွၢ်လိာ်သုသးဘၣ်ဃးတၢ်လၢယစံးတ့ၢ်, ‘တစိၢ်ဖိဒီးသုတထံၣ်ဘၣ်လၢၤယၤဘၣ်. မၤကဒီးလၢခံတစိၢ်ဖိဒီးသုကထံၣ်ဘၣ်ယၤလီၤ’ အဂ့ၢ်န့ၣ်ဧါ.

လံာ်ယိၤဟၣ် 21:11

စီၤၡံမိၣ်ပ့းတရူးလဲၤထီၣ်ဆူချံအပူၤဝံၤဒီးဟဲက့ၤတွံၢ်ထီၣ်စၤလၢ အပှဲၤဒီးညၣ်ဖးဒိၣ်, ခဲလၢာ်အိၣ်ဝဲတကယၤယဲၢ်ဆံသၢဘ့ၣ် န့ၣ်လီၤ. ညၣ်အါထဲထဲအံၤသနာ်က့, စၤတယာ်ဝဲဒၣ်ဘၣ်.

လံာ်ယိၤဟၣ် 21:15

အဝဲသ့ၣ်အီၣ်ဂီၤတၢ်အီၣ်ဝံၤဒီး, ယ့ၣ်ၡူးစံးဘၣ်စီၤၡံမိၣ် ပ့းတရူး, “စီၤယိၤနါအဖိခွါစီၤၡံမိၣ်ဧၢ, မ့ၢ်နအဲၣ်ယၤအါန့ၢ်ဒံးအဝဲသ့ၣ်တဖၣ်အဲၣ်ယၤန့ၣ်ဧါ.” အဝဲစံးဆၢဝဲ, “ကစၢ်ဧၢ, မ့ၢ်လီၤ, နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ “လုၢ်အီၣ်လုၢ်အီယသိဖိတဖၣ်တက့ၢ်.”

လံာ်ယိၤဟၣ် 4:27

အကတီၢ်ဖဲန့ၣ်ယ့ၣ်ၡူးအပျဲၢ်အဘီၣ်တဖၣ်ဟဲက့ၤတုၤဝဲ ဒီးကမၢကမၣ်ဝဲဒိၣ်မးလၢအထံၣ်ဘၣ်ယ့ၣ်ၡူးကတိၤတၢ်ဒီး ပိာ်မုၣ်န့ၣ်အဃိလီၤ. ဘၣ်ဆၣ်ဒီးအဝဲသ့ၣ်တသံကွၢ်ဝဲ, “နအဲၣ်ဒိးတၢ်မနုၤလၢအအိၣ်လဲၣ်” မ့တမ့ၢ် “နကတိၤတၢ်ဒီးအီၤဘၣ်မနုၤလဲၣ်” န့ၣ်နီတဂၤဘၣ်.

မၤတၢ် 10:41

လၢပှၤကိးဂၤဒဲးအမဲာ်ညါတမ့ၢ်ဘၣ်. မ့ၢ်ထဲပဝဲစှၤဂၤဧိၤလၢအမ့ၢ်ပှၤအုၣ်အသးလၢကစၢ်ယွၤဃုထၢတ့ၢ်ဝဲ အမဲာ်ညါ, ပဝဲလၢအအီၣ်ဃုာ်အီဃုာ်တၢ်ဒီးအီၤဖဲ အဝဲဒၣ်ဂဲၤဆၢထၢၣ်က့ၤလၢတၢ်သံဝံၤအလီၢ်ခံန့ၣ်လီၤ.