လံာ်ယိၤဟၣ် 20:4 - Sgaw Karen Common Bible

⁴ အဝဲသ့ၣ်ခံဂၤလိာ်န့ၣ်ဃ့ၢ်ဝဲ, ဘၣ်ဆၣ်အပျဲၢ်အဘီၣ်အဂၤ တဂၤန့ၣ်ဃ့ၢ်ချ့န့ၢ်စီၤပ့းတရူးဒီးလဲၤတုၤဆိဝဲလၢတၢ်သွၣ် ခိၣ်ပူၤန့ၣ်လီၤ.

လံာ်ယိၤဟၣ် 20:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:23

စီၤအဃံမ့ၤဧးစံးကဒီးဝဲ, “ကွၢ်ဖဲတၢ်ကမၤအသးတက့ၢ်. ယအဲၣ်ဒိးလဲၤလီၤ.” စီၤယိၤအာ်စံးဘၣ်အီၤ, “မ့မ့ၢ်ဒ်န့ၣ်ဒီးလဲၤတက့ၢ်.” လၢတၢ်န့ၣ်အဃိ, စီၤအဃံၤမ့ၤဧးဃ့ၢ်လီၤဝဲလၢကျဲလဲၤခီဖျိထံကျိယၢ်ဒ့ၣ် အတၢ်တြီၤပူၤဒီးတယံာ်ဘၣ်န့ၣ်အဝဲလဲၤပျံကွံာ်ကုၢ်တဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:30

ပှၤလုၢ်တၢ်အခိၣ်ကကွၢ်အီၤန့ၣ်လီၤ. ဒီးမ့ၢ်ယိာ်န့ၢ်ဒံးအဖံးလၢအဃၢၤဒီးအဆူၣ်လၢအပူၤတဖၣ်န့ၣ် မ့ၢ်ထီၣ်ဘီဒီးအိၣ်ဘူသလါန့ၣ်, မ့ၢ်တၢ်ဆါအၢ, ဒီးကဘၣ်ဘိးဘၣ်သ့ၣ်ညါအီၤလၢအတကဆှီဘၣ်န့ၣ်လီၤ.

လံာ်ယိၤဟၣ် 20:3

အန့ၣ်ဝံၤ, စီၤပ့းတရူးဒီးအပျဲၢ်အဘီၣ်အဂၤတဂၤန့ၣ် ဟးထီၣ်ဒီးလဲၤဝဲဆူတၢ်သွၣ်ခိၣ်န့ၣ်လီၤ.

လံာ်ယိၤဟၣ် 20:5

အဝဲသကူးလီၤအသးဒီးကွၢ်နုာ်တၢ်ဒီးထံၣ်ဘၣ်ဝဲ တၢ်ကံးယာ်ဖှီဝါကဆှၣ်တဖၣ်အိၣ်ပာ်လီၤအသး, ဘၣ်ဆၣ်တလဲၤနုာ်ဝဲဘၣ်.

လံာ်ယိၤဟၣ် 20:8

အန့ၣ်ဝံၤ, အပျဲၢ်အဘီၣ်လၢအလဲၤတုၤဆိလၢတၢ်သွၣ်ခိၣ်ပူၤ တဂၤန့ၣ်, လဲၤနုာ်စ့ၢ်ကီးဝဲ, ထံၣ်ဘၣ်တၢ်ဒီးနာ်တၢ်လီၤ.

1 ကရံၣ်သူး 9:24

သုသ့ၣ်ညါသုဝဲကစီဒီလီၤ. လၢတၢ်ဃ့ၢ်ပြၢတဘျီအပူၤန့ၣ်, ပှၤပြၢတၢ်ဖိအိၣ်ဝဲအါဂၤ, ဘၣ်ဆၣ်ဒီးပှၤဒိးန့ၢ်ဘၣ်ခိၣ်ဖးအိၣ်ဝဲထဲ တဂၤဧိၤလီၤ. မ့မ့ၢ်ဒ်န့ၣ်ဒီး ဃ့ၢ်သုဝဲဒ်သိးသုဒိးန့ၢ်ခိၣ်ဖးကသ့ဝဲ အဂီၢ်တက့ၢ်.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.