လံာ်ယိၤဟၣ် 20:27 - Sgaw Karen Common Bible

²⁷ ဝံၤဒီးယ့ၣ်ၡူးစံးဘၣ်စီၤသိၤမါ, “ပာ်နစုနၢဖဲအံၤဒီးကွၢ်ယစု တဖၣ်အံၤတက့ၢ်. ဝံၤဒီးယူာ်ဃီၤနစုဒီးကလၢၢ်ကွၢ်ယကပၤ တက့ၢ်. ဆိကတီၢ်လၢနတၢ်သးဒ့ဒီဒီးနာ်တၢ်တက့ၢ်.”

လံာ်ယိၤဟၣ် 20:27 Iomraidhean Croise

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

လံာ်မးသဲ 17:17

ဒီးယ့ၣ်ၡူးစံးဆၢတၢ်ဒီးစံး, “ပှၤတစိၤလၢအတၢ်နာ်တအိၣ်ဘၣ်ဒီးအနၢ်က့ၣ်သ့ၣ်ဧၢ, ယကဘၣ်အိၣ်ဒီးသုဆံးယံာ်ဒံးလဲၣ်. ယကဘၣ်ဝံသးစူၤသုဆံးယံာ်ဒံးလဲၣ်. ဟဲစိာ်ပိာ်ခွါဖိဆူယအိၣ်ဖဲအံၤတက့ၢ်.”

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်လူၤကၣ် 24:39

ကွၢ်ယစုယခီၣ်တဖၣ်, ဒ်သိးသုကထံၣ်ဘၣ်လၢအမ့ၢ်ယၤ, ယနီၢ်ကစၢ်ဒၣ်ယဲန့ၣ်တက့ၢ်. ကလၢၢ်ကွၢ်ယၤ, ဒီးသုကသ့ၣ်ညါလီၤ. အဂ့ၢ်ဒ်အံၤ, တၢ်တဃၣ်န့ၣ်, တအိၣ်ဒီးအညၣ်ဒီးအဃံဒ်သုထံၣ်ဘၣ်သုဝဲလၢ အအိၣ်ဒီးယၤအသိးန့ၣ်ဘၣ်.”

လံာ်လူၤကၣ် 24:40

အဝဲဒၣ်စံးတၢ်အံၤဝံၤဒီး, ဒုးနဲၣ်အဝဲသ့ၣ်လၢအစုအခီၣ်တဖၣ်န့ၣ်လီၤ.

လံာ်လူၤကၣ် 9:41

ယ့ၣ်ၡူးစံးဆၢဝဲ, “သုဝဲသ့ၣ်အံၤ, သုတၢ်စူၢ်တၢ်နာ်တအိၣ်, ဒီးသုနၢ်က့ၣ်မးလဲၣ်. ယကဘၣ်အိၣ်ဒီးသုဆံးယံာ်လဲၣ်. ယကဘၣ်ဝံသးစူၤသုဆံးယံာ်လဲၣ်.” တုၤနုၤတစုအဝဲဒၣ်စံးဘၣ်ပှၤတဂၤန့ၣ်, “ဟဲစိာ်နဖိခွါဖဲအံၤတက့ၢ်.”

လံာ်ယိၤဟၣ် 20:20

စံးတၢ်အံၤဝံၤဒီး, အဝဲဒုးနဲၣ်အဝဲသ့ၣ်တဖၣ်လၢအစုဒီးအကပၤ န့ၣ်လီၤ. အပျဲၢ်အဘီၣ်တဖၣ်သူၣ်ခုသးခုဝဲလၢအထံၣ်ဘၣ် ကစၢ်အဃိန့ၣ်လီၤ.

လံာ်ယိၤဟၣ် 20:25

လၢတၢ်န့ၣ်အဃိ, အပျဲၢ်အဘီၣ်အဂၤတဖၣ်စံးဘၣ်အီၤ, “ပထံၣ်ဘၣ်လံကစၢ်လံ.” စီၤသိၤမါစံးဘၣ်အဝဲသ့ၣ်, “မ့တမ့ၢ်ဘၣ်လၢယထံၣ်ဘၣ်ထးဆဲးဖျိအလီၢ်လၢ အစုလိၤဒီးကလၢၢ်ဘၣ်တၢ်ပူၤလီၢ်တဖၣ်န့ၣ်လၢယစုနၢ, ဒီးကလၢၢ်ဘၣ်အကပၤလၢယစုဘၣ်ဒီးယတနာ်ဘၣ်.”

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.