လံာ်ယိၤဟၣ် 20:25 - Sgaw Karen Common Bible

²⁵ လၢတၢ်န့ၣ်အဃိ, အပျဲၢ်အဘီၣ်အဂၤတဖၣ်စံးဘၣ်အီၤ, “ပထံၣ်ဘၣ်လံကစၢ်လံ.” စီၤသိၤမါစံးဘၣ်အဝဲသ့ၣ်, “မ့တမ့ၢ်ဘၣ်လၢယထံၣ်ဘၣ်ထးဆဲးဖျိအလီၢ်လၢ အစုလိၤဒီးကလၢၢ်ဘၣ်တၢ်ပူၤလီၢ်တဖၣ်န့ၣ်လၢယစုနၢ, ဒီးကလၢၢ်ဘၣ်အကပၤလၢယစုဘၣ်ဒီးယတနာ်ဘၣ်.”

လံာ်ယိၤဟၣ် 20:25 Iomraidhean Croise

လံာ်စီၤယိၤဘး 9:16

အဝဲမ့ၢ်ပျဲယစံးကတိၤတၢ်ဒၣ်လဲာ်အဝဲကဒိကနၣ်ယၤန့ၣ် ယနာ်တသ့ဘၣ်န့ၣ်လီၤ.

စံးထီၣ်ပတြၢၤ 22:16

ပှၤအၢပှၤသီတဖုကဝီၤဃာ်ယၤ, ဖှိၣ်အသးဆူယအိၣ်ဒ်ထွံၣ်တဖၣ်အသိး, အ့ၣ်ဖှီယစုဒီးယခီၣ်လီၤ.

စံးထီၣ်ပတြၢၤ 78:32

လၢတၢ်အံၤတဖၣ်ခဲလၢာ်အဃိဒၣ်လဲာ် အဝဲသ့ၣ်မၤဒံးတၢ်ဒဲးဘး, ဒီးလၢယွၤမၤလီၤလးတဖၣ်အဃိဒၣ်လဲာ် အဝဲသ့ၣ်တနာ်ဘၣ်အီၤဘၣ်.

လံာ်မးသဲ 27:42

“အဝဲမၤပူၤဖျဲးပှၤအဂၤတဖၣ်သ့, မ့မ့ၢ်အနီၢ်ကစၢ်ဒၣ်ဝဲန့ၣ်မၤပူၤဖျဲးလီၤက့ၤအသးတသ့ဘၣ်. ပှၤအံၤမ့ၢ်ပှၤအံၣ်စရ့လးဖိအစီၤပၤတမ့ၢ်ဘၣ်ဧါ. အဝဲမ့ၢ်ဟဲက့ၤလီၤလၢ ထူၣ်စုညါအလိၤအခဲအံၤဒီးပကနာ်အီၤလီၤ.

လံာ်မၢ်ကူး 16:11

ဒီးတုၤအနၢ်ဟူအဝဲဒၣ်အတၢ်စံးဘၣ်အီၤလၢယ့ၣ်ၡူးမူဝဲဒီး ထံၣ်ဘၣ်အီၤလၢအကစၢ်ဒၣ်ဝဲန့ၣ်ဒီး, အဝဲသ့ၣ်တနာ်အီၤဘၣ်.

လံာ်မၢ်ကူး 16:13

ပှၤခံဂၤန့ၣ်က့ၤကဒါက့ၤဒီးစံးဘၣ်တဲဘၣ်ဝဲအပျဲၢ်အဘီၣ်အဂၤ တဖၣ်, ဘၣ်ဆၣ်ဒီးအဝဲသ့ၣ်တနာ်ပှၤခံဂၤန့ၣ်ဘၣ်.

လံာ်မၢ်ကူး 16:14

ယ့ၣ်ၡူးလီၣ်ဖျါထီၣ်အသးလၢခံကတၢၢ်တဘျီလၢအပျဲၢ်အဘီၣ်တဆံတဂၤ, ဖဲအဝဲသ့ၣ်အီၣ်တၢ်အီၣ်အဖၢမုၢ်လီၤ. အဝဲဒၣ်ဒူအဝဲသ့ၣ်အလိၤမ့ၢ်လၢအဝဲသ့ၣ်ပာ်ကိၤအသး ဒီးအတၢ်နာ်တအိၣ်ဘၣ်အဃိ, ဒီးမ့ၢ်လၢအဝဲသ့ၣ်တနာ်ဘၣ်ပှၤသ့ၣ်တဖၣ်လၢအထံၣ်ဘၣ်တ့ၢ်လံအီၤ လၢတၢ်ဒုးဂဲၤဆၢထၢၣ်က့ၤအီၤလၢတၢ်သံဝံၤအလီၢ်ခံန့ၣ်အဃိလီၤ.

လံာ်လူၤကၣ် 24:25

တုၤနုၤတစုယ့ၣ်ၡူးစံးဘၣ်အဝဲသ့ၣ်, “ပှၤသူၣ်တဆးသးတဆး သ့ၣ်ဧၢ, သုကစူၢ်ကနာ်တၢ်ခဲလၢာ်လၢဝံတဖၣ်စံးတ့ၢ်ဝဲန့ၣ် ကီမးလဲၣ်.

လံာ်ယိၤဟၣ် 1:41

အဝဲဃုဒၣ်ထံၣ်န့ၢ်ဆိအဒီပုၢ်ဝဲၢ်စီၤၡံမိၣ်ဒီးစံးဘၣ်အီၤ, “ပထံၣ်န့ၢ်လံမ့းၡံအၤန့ၣ်လံ.” (အခီပညီမ့ၢ်ခရံာ်န့ၣ်လီၤ.)

လံာ်ယိၤဟၣ် 20:27

ဝံၤဒီးယ့ၣ်ၡူးစံးဘၣ်စီၤသိၤမါ, “ပာ်နစုနၢဖဲအံၤဒီးကွၢ်ယစု တဖၣ်အံၤတက့ၢ်. ဝံၤဒီးယူာ်ဃီၤနစုဒီးကလၢၢ်ကွၢ်ယကပၤ တက့ၢ်. ဆိကတီၢ်လၢနတၢ်သးဒ့ဒီဒီးနာ်တၢ်တက့ၢ်.”

လံာ်ယိၤဟၣ် 21:7

အပျဲၢ်အဘီၣ်လၢယ့ၣ်ၡူးအဲၣ်အီၤတဂၤစံးဘၣ် စီၤပ့းတရူး, “မ့ၢ်ကစၢ်န့ၣ်လီၤ.” ဖဲစီၤပ့းတရူးနၢ်ဟူလၢ အမ့ၢ်ကစၢ်လီၤန့ၣ်, မ့ၢ်လၢအဝဲအိၣ်ဘ့ၣ်ဆ့အဃိအဝဲ သိးထီၣ်က့ၤအဆ့ကၤအဖီခိၣ်ဒီးကံၢ်တူာ်ဃာ်ဝဲဒီးစံၣ်လီၤ ဆူထံကျါန့ၣ်လီၤ.

လံာ်ယိၤဟၣ် 6:30

အဝဲသ့ၣ်စံးဆၢဝဲ, “ဒ်သိးပကထံၣ်ဘၣ်ဒီးစူၢ်က့ၤနာ်က့ၤနၤ အဂီၢ်န့ၣ်, နကမၤတၢ်လီၤလးမနုၤတမံၤလဲၣ်. နကမၤတၢ်မနုၤလဲၣ်.

ဧ့ၤဘြံၤ 3:12

ယဒီပုၢ်ဝဲၢ်သ့ၣ်ဧၢ, ပလီၢ်သုသးဒ်သိးပှၤလၢသုကျါအသုတအိၣ်ဒီးသးလၢ အအၢဝဲဒီးအတစူၢ်တနာ်ဘၣ်တၢ်တုၤအကဃၣ်ကွံာ်အသး လၢကစၢ်ယွၤလၢအမူဝဲဒီးဟ့ၣ်တၢ်မူတဂၤအအိၣ်နီတဂၤ တဂ့ၤအဂီၢ်န့ၣ်တက့ၢ်.

ဧ့ၤဘြံၤ 3:18

ပှၤလၢကစၢ်ယွၤဆိၣ်လီၤအသးလၢအတလဲၤနုာ်ဘၣ်ဝဲဆူ အတၢ်အိၣ်ဘှံးအပူၤလ့ၤတက့ၤဘၣ်န့ၣ်မ့ၢ်မတၤတဖၣ် လဲၣ်. မ့ၢ်ပှၤလၢအတဒိကနၣ်တၢ်တဖၣ်တမ့ၢ်ဘၣ်ဧါ.