လံာ်ယိၤဟၣ် 20:24 - Sgaw Karen Common Bible

²⁴ ဖဲယ့ၣ်ၡူးဟဲဝဲန့ၣ်, စီၤသိၤမါ (လၢအဘၣ်တၢ်ကိးအီၤလၢပှၤ သဃံာ်) လၢအမ့ၢ်အပျဲၢ်အဘီၣ်တဆံခံဂၤအကျါတဂၤန့ၣ်, တအိၣ်လၢအဝဲသ့ၣ်အသိးအကျါဘၣ်.

လံာ်ယိၤဟၣ် 20:24 Iomraidhean Croise

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်မးသဲ 18:20

အဂ့ၢ်ဒ်အံၤ, ဖဲပှၤခံဂၤမ့ၢ်ဂ့ၤ, သၢဂၤမ့ၢ်ဂ့ၤပာ်ဖှိၣ်ထီၣ်အသးလၢ ယမံၤအပူၤန့ၣ်, ယအိၣ်လၢအဝဲသ့ၣ်အသိးအကျါလီၤ.”

လံာ်ယိၤဟၣ် 11:16

စီၤသိၤမါ (အခီပညီမ့ၢ်ပှၤသဃံာ်) စံးဘၣ်အပျဲၢ်အဘီၣ်သကိး ဒီးအီၤတဖၣ်, “မ်ပဝဲခဲလၢာ်ပလဲၤသကိးဒီးသရၣ်, ဒ်သိးပကသံဃုာ်ဒီးအီၤအဂီၢ်တက့ၢ်.”

လံာ်ယိၤဟၣ် 14:5

စီၤသိၤမါစံးဘၣ်ယ့ၣ်ၡူး, “ကစၢ်ဧၢ, နကလဲၤဆူလဲၣ်ဆူလဲၣ်န့ၣ် ပတသ့ၣ်ညါဘၣ်အဃိ, ကျဲလၢပကလဲၤတုၤလၢတၢ်လီၢ်န့ၣ် ပသ့ၣ်ညါကသ့ဒ်လဲၣ်.”

လံာ်ယိၤဟၣ် 21:2

စီၤၡံမိၣ်ပ့းတရူး, စီၤသိၤမါ (လၢတၢ်ကိးအီၤလၢပှၤသဃံာ်), စီၤနၤသန့လး (ပှၤဝ့ၢ်ကၤနါဖိလၢကီၢ်ကၤလံၤလါ), စီၤစ့းဘ့းဒဲ အဖိခွါခံဂၤ, ဒီးယ့ၣ်ၡူးအပျဲၢ်အဘီၣ်အဂၤခံဂၤ, ဒီးအဝဲသ့ၣ်ခဲလၢာ်န့ၣ်အိၣ်ဝဲတပူၤဃီလီၤ.

လံာ်ယိၤဟၣ် 6:70

ယ့ၣ်ၡူးစံးဆၢအဝဲသ့ၣ်, “ယဃုထၢသုဝဲတဆံခံဂၤ တမ့ၢ်ဘၣ်ဧါ. အန့ၣ်ဒၣ်လဲာ်ပှၤလၢသုကျါတဂၤန့ၣ်မ့ၢ် မုၣ်ကီၤလံၢ်လီၤ.”

လံာ်ယိၤဟၣ် 6:71

ယ့ၣ်ၡူးကတိၤတၢ်အံၤဘၣ်ဃးစီၤၡံမိၣ်အံၣ်စကၤရံၤအိာ် အဖိခွါစီၤယူဒၤန့ၣ်လီၤ. အဝဲမ့ၢ်အပျဲၢ်အဘီၣ်တဆံခံဂၤ အကျါတဂၤသနာ်က့, ကသမၢယ့ၣ်ၡူးဒီးဟ့ၣ်လီၤကွံာ်အီၤ န့ၣ်လီၤ.

ဧ့ၤဘြံၤ 10:25

မ်ပသုတဟးဆှဲးတၢ်ပာ်ဖှိၣ်ရိဖှိၣ်ထီၣ်ပသးဒ်ပှၤတနီၤမၤဝဲ အသိးန့ၣ်တဂ့ၤ. မ့မ့ၢ်, မ်ပသဆၣ်ထီၣ်လိာ်ပခံဒီးပဒံးထံၣ်လၢကစၢ်အမုၢ်တနံၤဒံးဘူး ထီၣ်ဝဲန့ၣ်မ်ပဟ့ၣ်ဂံၢ်ဟ့ၣ်ဘါလိာ်ပသးဒံးအါထီၣ်တက့ၢ်.