လံာ်ယိၤဟၣ် 20:18 - Sgaw Karen Common Bible

¹⁸ အန့ၣ်ဒီး, ပှၤမၤကဒါလၣ်မုၣ်နီၢ်မၤရံလဲၤဒီးစံးဘၣ်တဲဘၣ် အပျဲၢ်အဘီၣ်တဖၣ်လၢအဝဲထံၣ်ဘၣ်ကစၢ်ဒီးတၢ်လၢ ကစၢ်စံးဘၣ်တဲဘၣ်တ့ၢ်အီၤတဖၣ်န့ၣ်လီၤ.

လံာ်ယိၤဟၣ် 20:18 Iomraidhean Croise

လံာ်မးသဲ 27:56

ပှၤမၤကဒါလၣ်မုၣ်နီၢ်မၤရံ, နီၢ်မၤရံလၢအမ့ၢ်စီၤယၤကိာ်ဒီးစီၤယိၤသး အမိၢ်ဒီးစီၤစ့းဘ့းဒဲအမါအိၣ်လၢပှၤပိာ်မုၣ်သ့ၣ်တဖၣ်န့ၣ်အကျါ လီၤ.

လံာ်မးသဲ 28:10

ယ့ၣ်ၡူးစံးဘၣ်အဝဲသ့ၣ်, “ပျံၤတၢ်တဂ့ၤ. လဲၤဒီးတဲဘၣ်ယဒီပုၢ်ဝဲၢ်တဖၣ်လၢအကလဲၤဆူကီၢ်ကၤလံၤလါဒီး ဖဲန့ၣ်အဝဲသ့ၣ်ကထံၣ်ဘၣ်ယၤလီၤ.”

လံာ်လူၤကၣ် 24:10

ပိာ်မုၣ်တဖၣ်န့ၣ်မ့ၢ်ဝဲပှၤမၤကဒါလၣ်မုၣ်နီၢ်မၤရံ, နီၢ်ယိၤအၣ်နၣ်, ဒီးစီၤယၤကိာ်အမိၢ်နီၢ်မၤရံန့ၣ်လီၤ. အဝဲသ့ၣ်ဒီးပိာ်မုၣ်အဂၤလၢအအိၣ်ဒီးအဝဲသ့ၣ်တဖၣ်န့ၣ်, စံးဘၣ်တဲဘၣ်ပှၤတၢ်မၢဖိတဖၣ်လၢတၢ်ဂ့ၢ်သ့ၣ်တဖၣ်အံၤလီၤ.

လံာ်ယိၤဟၣ် 19:25

ပှၤလၢအအိၣ်ဆၢထၢၣ်ဘူးဒီးယ့ၣ်ၡူးအထူၣ်စုညါန့ၣ်, မ့ၢ်ဝဲယ့ၣ်ၡူးအမိၢ်, အမိၢ်အဒီပုၢ်ဝဲၢ်မုၣ်, စီၤကျ့းအီၤပၤအမါနီၢ်မၤရံ, ဒီးပှၤမၤကဒါလၣ်မုၣ်နီၢ်မၤရံန့ၣ်လီၤ.

လံာ်ယိၤဟၣ် 20:1

လၢမုၢ်ခီၣ်ထံးနံၤဂီၤဂီၤဒီးတၢ်ခံးဒံးအဆၢကတီၢ်န့ၣ်, ပှၤမၤကဒါလၣ်မုၣ်နီၢ်မၤရံလဲၤဆူတၢ်သွၣ်ခိၣ်ဒီးထံၣ် ဘၣ်ဝဲလၢလၢၢ်လၢအအိၣ်လၢတၢ်ပူၤခိၣ်ထိးန့ၣ်, ဘၣ်တၢ်သုးကွံာ်အီၤလံန့ၣ်လီၤ.