လံာ်ယိၤဟၣ် 20:16 - Sgaw Karen Common Bible

¹⁶ ယ့ၣ်ၡူးကိးထီၣ်အီၤ, “နီၢ်မၤရံဧၢ” အဝဲဃၣ်အသးဆူအအိၣ်ဒီးကိးဆၢက့ၤအီၤလၢဧ့ၤဘြံၤ အကျိာ် “ရၤဘူနံၤဧၢ” (အခီပညီမ့ၢ် ‘သရၣ်’ လီၤ.)

လံာ်ယိၤဟၣ် 20:16 Iomraidhean Croise

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:11

ဘၣ်ဆၣ်ဒီးယွၤအကလူးကိးဃီၤအီၤလၢမူခိၣ်, “စီၤအၤဘြၤဟၣ်ဧၢ, စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢဝဲ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 45:12

စီၤယိၤသးစံးကဒီးဝဲ, “ခဲကနံၣ်အံၤသုဝဲသ့ၣ်ခဲလၢာ်, ဒီးနဲစ့ၢ်ကီးစီၤဘံၣ်ယၤမံၣ်ဧၢ, သုထံၣ်လၢယမ့ၢ်နီၢ်နီၢ်စီၤ ယိၤသးသ့လံ.

လံာ်တၢ်ဟးထီၣ်ကွံာ် 3:4

ဒီးတုၤယွၤထံၣ်လၢစီၤမိၤၡ့ဟဲဘူးထီၣ်ဝဲဒီး, ယွၤကိးထီၣ်အီၤလၢသ့ၣ်တၤဆှုၣ်အပူၤဒီးစံးဝဲဒၣ်, “စီၤမိၤၡ့ဧၢ, စီၤမိၤၡ့ဧၢ” န့ၣ်လီၤ. ဒီးစီၤမိၤၡ့စံးဆၢဝဲ, “မ့ၢ်ယၤလီၤ.”

လံာ်တၢ်ဟးထီၣ်ကွံာ် 33:17

ယွၤစံးဘၣ်စီၤမိၤၡ့, “ယကမၤဒ်နဃ့တ့ၢ်နဲအသိးလီၤ. အဂ့ၢ်ဒ်အံၤ, ယသ့ၣ်ညါနၤဂ့ၤဂ့ၤဒီးယဘၣ်သသူၣ်ဘၣ်သးလၢနၤလီၤ.”

လံာ်တၢ်သးဝံၣ်တဖၣ်အတၢ်သးဝံၣ် 3:4

တုၤယလဲၤပူၤကွံာ်အဝဲသ့ၣ်တဘျီဃီန့ၣ်, ယထံၣ်န့ၢ်က့ၤပှၤလၢ ယအဲၣ်အီၤတဂၤလီၤ. ယဟံးဃာ်အီၤကျၢၤကျၢၤ, တုၤလီၤလၢယက့ၤကိးအီၤဆူယမိၢ်အဟံၣ်ပူၤ, ဒီးဒၢးလၢယအိၣ်ဖျဲၣ်ထီၣ်အပူၤန့ၣ်, ယတပျၢ်အီၤလၢၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 5:2

ဖဲယမံအခါဒၣ်လဲာ်, ယသးအိၣ်လၢခိလီၤ. ယမံမီၢ်လၢယတၢ်အဲၣ်ဒိတကျိာ်ပဲတြီန့ၣ်လီၤ. ယတၢ်အဲၣ်, ယပှၤသးဘိ, ယထိၣ်လွံၢ်ဧၢ, ပျဲယဟဲနုာ်တက့ၢ်. ယခိၣ်ဘၣ်စီၣ်ဒီးပစီၤထံ, ဒီးယခိၣ်သူဘၣ်စီၣ်ဒီးဘှ့ၣ်န့ၣ်လီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်မးသဲ 14:27

ဘၣ်ဆၣ်တဘျီဃီယ့ၣ်ၡူးကတိၤတၢ်ဒီးအဝဲသ့ၣ်ဒီးစံး, “ပာ်သုသးဒူဒူတက့ၢ်. မ့ၢ်ဒၣ်ယၤလီၤ. တဘၣ်ပျံၤတၢ်တဂ့ၤ.”

လံာ်မၢ်ကူး 10:51

ယ့ၣ်ၡူးသံကွၢ်အီၤ, “နအဲၣ်ဒိးယကမၤတၢ်မနုၤတမံၤလၢနဂီၢ်လဲၣ်.” ပှၤမဲာ်တထံၣ်တၢ်တဂၤန့ၣ်စံးဆၢက့ၤအီၤ, “သရၣ်ဧၢ, ယအဲၣ်ဒိးထံၣ်ထီၣ်က့ၤတၢ်လီၤ.”

လံာ်လူၤကၣ် 10:41

ကစၢ်ယ့ၣ်ၡူးစံးဆၢအီၤ, “နီၢ်မၢ်သၤဧၢ, နီၢ်မၢ်သၤဧၢ, နဲဒၣ်အံၤ, နဘၣ်ကိၢ်ဘၣ်ဂီၤဒီးနသးဘၣ်တံာ်တာ်လၢတၢ်အါမံၤအဃိလီၤ.

လံာ်ယိၤဟၣ် 1:38

ယ့ၣ်ၡူးဃၣ်ဃီၤအသး, ထံၣ်ဘၣ်အဝဲသ့ၣ်ပိာ်ထီၣ် အခံ, ဒီးသံကွၢ်ဝဲ, “သုဃုမနုၤတမံၤလဲၣ်.” အဝဲသ့ၣ်စံးဆၢဝဲ, “သရၣ်ဧၢ, နအိၣ်နဆိးဖဲလဲၣ်.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 10:3

ပှၤပၢၤကျဲစၢၤတဂၤအိးထီၣ်န့ၢ်ကျဲလၢအဂီၢ်ဒီးသိတဖၣ် နၢ်ဟူအကလုၢ်ဖဲအဝဲကိးအသိဒၣ်ဝဲအမံၤတဒုဘၣ်တဒု ဒီးအဝဲဒၣ်ဆှၢထီၣ်အသိတဖၣ်ဆူကရၢၢ်အချၢန့ၣ်လီၤ.

လံာ်ယိၤဟၣ် 11:28

နီၢ်မၢ်သၤစံးတၢ်ဒ်အံၤဝံၤဒီး, အဝဲက့ၤကဒါက့ၤဒီးကိး အဒီပုၢ်ဝဲၢ်မုၣ်နီၢ်မၤရံကစုဒုဒီးစံးဘၣ်အီၤ, “သရၣ်ဟဲတုၤဖဲအံၤလံဒီးအဲၣ်ဒိးထံၣ်နၤလီၤ.”

လံာ်ယိၤဟၣ် 13:13

သုကိးယၤလၢသရၣ်ဒီးကစၢ်ဒီးသုကတိၤတၢ်ဒ်အံၤမ့ၢ်တၢ်လၢ အဘၣ်လီၤ. အဂ့ၢ်ဒ်အံၤယမ့ၢ်တၢ်အဝဲန့ၣ်လီၤ.

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.

လံာ်ယိၤဟၣ် 6:25

တုၤပှၤဂီၢ်မုၢ်ထံၣ်ယ့ၣ်ၡူးလၢပီၣ်လဲၣ်အဝၢ်ဘးခီဒီး, အဝဲသ့ၣ် စံးဘၣ်အီၤ, “သရၣ်ဧၢ, နဟဲတုၤဖဲအံၤအခါဖဲလဲၣ်.”

မၤတၢ် 10:3

ဘၣ်တနံၤဖဲဟါခီလီၤသၢနၣ်ရံၣ်ဃၣ်ဃၣ်န့ၣ်, အဝဲဒိးန့ၢ်ဘၣ်တၢ်ထံၣ်လၢညါခီတမံၤ, ဖဲအဝဲထံၣ်ဘၣ်ဝဲတြၢၢ်ကလာ်လၢကစၢ်ယွၤအကလူးတဂၤဟဲနုာ်လီၤဆူ အဟံၣ်ပူၤဒီးကိးထီၣ်အီၤ, “စီၤကန့လံးဧၢ” န့ၣ်လီၤ.

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 3:10

ယွၤဟဲဒီးဆၢထၢၣ်ဖဲန့ၣ်ဒီးကိးထီၣ်ဒ်အကိးတ့ၢ်ဝဲလၢညါအသိး, “စီၤၡမူၤအ့လး, စီၤၡမူၤအ့လးဧၢ,” န့ၣ်လီၤ. စီၤၡမူၤအ့လးစံးဆၢဝဲ, “ကတိၤတၢ်တက့ၢ်. နခ့နပှၤဒိကနၣ်တၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 3:6

ယွၤကိးထီၣ်ကဒီးစီၤၡမူအ့လးလီၤ. ဖိသၣ်ပိာ်ခွါန့ၣ်တသ့ၣ်ညါဝဲလၢတၢ်န့ၣ်မ့ၢ်ယွၤဘၣ်. အဂ့ၢ်ဒ်အံၤ, ယွၤတကတိၤတ့ၢ်တၢ်ဒီးအီၤလၢညါနီတစုဘၣ်. မၤသးဒ်န့ၣ်ဒီး, အဝဲဂဲၤဆၢထၢၣ်လဲၤဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.”