လံာ်ယိၤဟၣ် 20:15 - Sgaw Karen Common Bible

¹⁵ ယ့ၣ်ၡူးသံကွၢ်အီၤ, “နီၢ်ဧၢ, ဘၣ်မနုၤအဃိလၢနဟီၣ် န့ၣ်လဲၣ်. မ့ၢ်နဃုမတၤတဂၤန့ၣ်လဲၣ်.” နီၢ်မၤရံဆိကမိၣ်ဝဲလၢအမ့ၢ်ပှၤကွၢ်တၤသၣ်အလီၢ် အဃိစံးဘၣ်အီၤ, “တၢ်ဒိၣ်ဧၢ, နမ့ၢ်စိာ်ကွံာ်အီၤဒီးနပာ်အီၤဖဲ လဲၣ်န့ၣ်, စံးဘၣ်တဲဘၣ်ယၤတက့ၢ်. ယကလဲၤဒီးဟံးန့ၢ်က့ၤ အီၤလီၤ.”

လံာ်ယိၤဟၣ် 20:15 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 3:2

ယဟးတရံးဝ့ၤဝီၤလၢဝ့ၢ်ပူၤ, ဆူကျဲဘိတဖၣ်ဒီးကျဲကဆူးတဖၣ်, ဒီးဃုပှၤလၢယအဲၣ်တဂၤန့ၣ်လီၤ. ယကွၢ်ဃုပှၤလၢယအဲၣ်အီၤတဂၤ, ဘၣ်ဆၣ်ယတထံၣ်န့ၢ်အီၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 6:1

ပှၤအဃံလၤကတၢၢ်လၢပိာ်မုၣ်တဖၣ်အကျါတဂၤဧၢ, ပှၤလၢနအဲၣ်အီၤတဂၤလဲၤဖဲလဲၣ်. တဲပှၤလၢအဝဲလဲၤကျဲဖဲလဲၣ်တဘိလဲၣ်, ဒ်သိးပကဃုထံၣ်စၢၤနၤကသ့အဂီၢ်တက့ၢ်.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

လံာ်မးသဲ 28:5

ကလူးန့ၣ်စံးဘၣ်ပှၤပိာ်မုၣ်တဖၣ်န့ၣ်, “တဘၣ်ပျံၤတၢ်တဂ့ၤ. ယသ့ၣ်ညါလၢ သုဃုယ့ၣ်ၡူးလၢအဘၣ်တၢ်ပျၤထီအီၤလၢထူၣ်စုညါ န့ၣ်လီၤ.

လံာ်မၢ်ကူး 16:6

ဒီးအဝဲဒၣ်စံးဘၣ်အဝဲသ့ၣ်, “ပျံၤတၢ်တဂ့ၤ. သုဃုထံၣ်ပှၤနစၤရ့းဖိယ့ၣ်ၡူး, ပှၤလၢအဘၣ်တၢ်ပျၤထီအီၤလၢထူၣ်စုညါအလိၤတဂၤန့ၣ်လီၤ. အဝဲဒၣ်ဂဲၤဆၢထၢၣ်က့ၤလံ. တအိၣ်ဖဲအံၤလၢၤဘၣ်. ကွၢ်တက့ၢ်. အအံၤမ့ၢ်တၢ်လီၢ်လၢတၢ်ပာ်လီၤအီၤန့ၣ်လီၤ.

လံာ်လူၤကၣ် 2:44

အဝဲသ့ၣ်ဆိကမိၣ်လၢအဝဲဒၣ်အိၣ်လၢပှၤလဲၤဘူၣ်လဲၤကပာ် တဖၣ်အသိးအကျါအဃိ, အဝဲသ့ၣ်လဲၤတၢ်ဒီနံၤဝံၤအလီၢ် ခံစးထီၣ်ကွၢ်ဃုအီၤလၢအဘူးအတံၢ်တဖၣ်ဒီးအတံၤသကိး တဖၣ်အသိးအကျါလီၤ.

လံာ်လူၤကၣ် 24:5

ပိာ်မုၣ်တဖၣ်အံၤပှဲၤဒီးတၢ်ပျံၤတၢ်ဖုးဒီးဆုးလီၤအခိၣ်, ဖဲပှၤခံဂၤန့ၣ်စံးဘၣ်အီၤ, “ဘၣ်မနုၤအဃိသုဃုပှၤမူတဂၤလၢပှၤသံတဖၣ်အကျါလဲၣ်.

လံာ်ယိၤဟၣ် 1:38

ယ့ၣ်ၡူးဃၣ်ဃီၤအသး, ထံၣ်ဘၣ်အဝဲသ့ၣ်ပိာ်ထီၣ် အခံ, ဒီးသံကွၢ်ဝဲ, “သုဃုမနုၤတမံၤလဲၣ်.” အဝဲသ့ၣ်စံးဆၢဝဲ, “သရၣ်ဧၢ, နအိၣ်နဆိးဖဲလဲၣ်.”

လံာ်ယိၤဟၣ် 18:4

ယ့ၣ်ၡူးသ့ၣ်ညါတၢ်ခဲလၢာ်လၢအကဟဲဘၣ်အီၤအဃိ, အဝဲလဲၤထီၣ်ဆူအဝဲသ့ၣ်အအိၣ်ဒီးသံကွၢ်ဝဲ, “သုဃု မတၤတဂၤန့ၣ်လဲၣ်.”

လံာ်ယိၤဟၣ် 18:7

ယ့ၣ်ၡူးသံကွၢ်ကဒီးအဝဲသ့ၣ်, “သုဃုမတၤတဂၤန့ၣ်လဲၣ်.” ဒီးအဝဲသ့ၣ်စံးဝဲ, “ပှၤနစၤရ့းဖိယ့ၣ်ၡူးန့ၣ်လီၤ.”

လံာ်ယိၤဟၣ် 20:13

အဝဲသ့ၣ်သံကွၢ်အီၤ, “နီၢ်ဧၢ, ဘၣ်မနုၤအဃိလၢနဟီၣ် န့ၣ်လဲၣ်.” အဝဲစံးဆၢတၢ်ဒီးစံးဝဲ, “အဝဲသ့ၣ်စိာ်ကွံာ်ယကစၢ်န့ၣ်လံ. ဒီးပာ်ဝဲဖဲလဲၣ်န့ၣ်ယတသ့ၣ်ညါဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 1:16

တဘၣ်ဆိကမိၣ်လၢယမ့ၢ်ပိာ်မုၣ်အလုၢ်အပှ့ၤတအိၣ်ဘၣ်တဂၤန့ၣ်တဂ့ၤ. ယဘါထုကဖၣ်တၢ်ဒ်သိးအံၤန့ၣ်မ့ၢ်လၢယသူၣ်ကိၢ်သးဂီၤနးမးအဃိလီၤ.”