လံာ်ယိၤဟၣ် 20:14 - Sgaw Karen Common Bible

¹⁴ စံးတၢ်န့ၣ်ဝံၤ, အဝဲဃၣ်တရံးအသးဒီးထံၣ်ဘၣ်ဝဲယ့ၣ်ၡူး ဆၢထၢၣ်ဖဲန့ၣ်, ဘၣ်ဆၣ်အဝဲတသ့ၣ်ညါလၢအမ့ၢ်ယ့ၣ်ၡူး ဘၣ်န့ၣ်လီၤ.

လံာ်ယိၤဟၣ် 20:14 Iomraidhean Croise

လံာ်တၢ်ကဲထီၣ်အခီၣ်ထံး 42:8

စီၤယိၤသးမ့ၢ်သ့ၣ်ညါနီၣ်အဒီပုၢ်ဝဲၢ်ခွါတဖၣ်ဘၣ်ဆၣ်, အဝဲသ့ၣ်တသ့ၣ်ညါနီၣ်အီၤဘၣ်.

လံာ်မးသဲ 28:9

သတူၢ်ကလာ်ယ့ၣ်ၡူးဟဲသဂၢၢ်အဝဲသ့ၣ်ဒီးစံး, “မ်တၢ်ဃူတၢ်မုာ်အိၣ်ဒီးသုတက့ၢ်.” အဝဲသ့ၣ်လဲၤဃီၤဆူယ့ၣ်ၡူးအအိၣ်, ဟံးဃာ်အခီၣ်ဒီးဘူၣ်ထီၣ်ဘါထီၣ်အီၤလီၤ.

လံာ်မၢ်ကူး 16:12

အန့ၣ်ဝံၤအလီၢ်ခံ, ယ့ၣ်ၡူးလီၣ်ဖျါထီၣ်အသးအိၣ်ဒီးအက့ၢ်အဂီၤလီၤဆီတကလုာ်ဒၣ်, လၢအပျဲၢ်အဘီၣ်ခံဂၤဖဲအဝဲသ့ၣ်လဲၤတၢ်ဆူခိအဖၢမုၢ်န့ၣ်လီၤ.

လံာ်မၢ်ကူး 16:9

ယ့ၣ်ၡူးဂဲၤဆၢထၢၣ်က့ၤလၢတၢ်သံလၢမုၢ်ခီၣ်ထံးနံၤလၢ ဂီၤဂီၤဝံၤအလီၢ်ခံ, အဝဲဒၣ်လီၣ်ဖျါထီၣ်အသးအဆိကတၢၢ်လၢပှၤမၤကဒါလၣ်မုၣ်နီၢ်မၤရံ, ပိာ်မုၣ်လၢအဝဲဟီထီၣ်ကွံာ်တၢ်နါနွံဒုလၢအလိၤန့ၣ်လီၤ. ပိာ်မုၣ်တဖၣ်လဲၤဆူစီၤပ့းတရူးဒီးအတံၤသကိးတဖၣ်အအိၣ် ဒီးစံးဘၣ်တဲဘၣ်အဝဲသ့ၣ်လၢတၢ်လၢအဝဲသ့ၣ်ဘၣ်တၢ်စံးဘၣ်တဲဘၣ် တ့ၢ်အီၤခဲလၢာ်လၢအဖုၣ်လီၤ.

လံာ်လူၤကၣ် 24:16

အဝဲသ့ၣ်ထံၣ်အီၤ, ဘၣ်ဆၣ်ဒီးအဝဲသ့ၣ်တသ့ၣ်ညါအီၤဘၣ်.

လံာ်လူၤကၣ် 24:31

အဝဲသ့ၣ်အမဲာ်အိးထီၣ်အသးဒီးသ့ၣ်ညါက့ၤအီၤ, ဘၣ်ဆၣ်ဒီးအဝဲဒၣ်ဟါမၢ်ကွံာ်လၢအဝဲသ့ၣ်အမဲာ်ညါလီၤ.

လံာ်လူၤကၣ် 4:30

ဘၣ်ဆၣ်ဒီးအဝဲဒၣ်ဟးထီၣ်ကွံာ်လၢပှၤဂီၢ်မုၢ်အကဆူးဒီး လဲၤလၢအကျဲဒၣ်ဝဲလီၤ.

လံာ်ယိၤဟၣ် 21:4

ဖဲမုၢ်ဟဲထီၣ်န့ၣ်, ယ့ၣ်ၡူးဆၢထၢၣ်လၢထံနံၤ, ဘၣ်ဆၣ်အပျဲၢ်အဘီၣ်တဖၣ်တသ့ၣ်ညါလၢအမ့ၢ်အီၤဘၣ်.

လံာ်ယိၤဟၣ် 8:59

ထဲန့ၣ်ဒီး, အဝဲသ့ၣ်ထၢထီၣ်လၢၢ်တဖၣ်လၢကကွံာ်အီၤ အဂီၢ်, ဘၣ်ဆၣ်ယ့ၣ်ၡူးပာ်ခူသူၣ်အသးဒီး ဟးထီၣ်ကွံာ်လၢတၢ်လုၢ်ဟံၣ်အပူၤန့ၣ်လီၤ.