လံာ်ယိၤဟၣ် 2:6 - Sgaw Karen Common Bible

⁶ ပှၤယူဒၤဖိတဖၣ်အိၣ်ဒီးအလုၢ်အလၢ်လၢတၢ်မၤ ကဆှီသးအဂီၢ်ဒီးလၢတၢ်အံၤအဂီၢ်ထံကတံၤလၢၢ်လၢအတြီၢ်ဝဲ အပီၢ် ၃၀-၄၀ အိၣ်ဝဲဖဲန့ၣ်ဃုဖျၢၣ်လီၤ.

လံာ်ယိၤဟၣ် 2:6 Iomraidhean Croise

လံာ်လူၤကၣ် 16:6

အဝဲဒၣ်စံးဆၢအီၤ, ‘သ့ၣ်စၤယံးသိအဒၢတကယၤလီၤ.’ ပှၤပၢၤတၢ်စုလီၢ်ခီၣ်ခိၣ်စံးအီၤ, ‘နစရီအိၣ်လၢအံၤ, ဆ့ၣ်နီၤဒီးကွဲးလီၤယဲၢ်ဆံတက့ၢ်.’

လံာ်ယိၤဟၣ် 2:7

ယ့ၣ်ၡူးစံးဘၣ်တၢ်ခ့တၢ်ပှၤတဖၣ်, “မၤပှဲၤကတံၤလၢၢ်တဖၣ်အံၤလၢထံတက့ၢ်.” ဒီးအဝဲသ့ၣ်မၤပှဲၤဝဲပၢၢ်လၢအခိၣ်ဒူန့ၣ်လီၤ.

လံာ်ယိၤဟၣ် 3:25

တၢ်ကတိၤဂ့ၢ်လိာ်အိၣ်ထီၣ်ဝဲလၢစီၤယိၤဟၣ်အပျဲၢ်အဘီၣ်တနီၤ ဒီးပှၤယူဒၤဖိတဂၤအဘၢၣ်စၢၤလၢတၢ်မၤကဆှီအလုၢ်အလၢ် အဂ့ၢ်န့ၣ်လီၤ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 6:2

တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.