လံာ်ယိၤဟၣ် 2:5 - Sgaw Karen Common Bible

⁵ ယ့ၣ်ၡူးအမိၢ်စံးဘၣ်တၢ်ခ့တၢ်ပှၤတဖၣ်, “တၢ်လၢအဝဲကမၢသုတမံၤမံၤန့ၣ်မၤအီၤတက့ၢ်.”

လံာ်ယိၤဟၣ် 2:5 Iomraidhean Croise

လံာ်တၢ်ကဲထီၣ်အခီၣ်ထံး 41:55

တုၤပှၤအဲၤကူပတူးဖိစးထီၣ်သူၣ်ဝံၤသၣ်စ့ၤန့ၣ်, အဝဲသ့ၣ်ကိးထီၣ်တၢ်ဆူစီၤပၤအအိၣ်လၢတၢ်အီၣ်တၢ်အီအဂီၢ်လီၤ. သတးဒီး, စီၤပၤဟ့ၣ်လီၤအကလုၢ်ဆူအဝဲသ့ၣ်အအိၣ်လၢအကလဲၤဆူ စီၤယိၤသးအအိၣ်, ဒီးမၤဒ်တၢ်လၢအဝဲကစံးဘၣ်တဲဘၣ်အဝဲသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:22

ဒီးစီၤနိအၤမၤဝဲတၢ်ကိးမံၤဒဲးဒ်ကစၢ်ယွၤမၤလိာ်တ့ၢ်အီၤ အသိးန့ၣ်လီၤ.

လံာ်ယဃ့းစက့လး 12:7

ယမၤတၢ်လၢယွၤတဲဘၣ်တ့ၢ်ယၤလၢယကဘၣ်မၤအီၤန့ၣ်လီၤ. မုၢ်နံၤအဝဲန့ၣ်ယဘိၣ်ထီၣ်တၢ်ဘိၣ်တဘိၣ်ဒ်ပှၤဃ့ၢ်ကွံာ်ဆူထံဂၤ ကီၢ်ဂၤတဂၤမၤဝဲအသိး, ဒီးလၢဟါအဝဲန့ၣ်ဖဲတၢ်ခံးလီၤန့ၣ်, ယဘၢၣ်ဖျိတၢ်ပူၤတပူၤလၢဟံၣ်အတၢ်ဒူၣ်လၢယစုဒၣ်ယဲဒီးဟးထီၣ် ကွံာ်ယဲလီၤ. ဖဲပှၤကိးဂၤဒဲးကွၢ်တၢ်အဖၢမုၢ်န့ၣ်, ယဝံထီၣ်တၢ်ဘိၣ်လၢယဖံဘၣ်ခိၣ်အလိၤဒီးဟးထီၣ်ကွံာ်န့ၣ်လီၤ.

လံာ်မးသဲ 12:46

ဖဲယ့ၣ်ၡူးကတိၤဒံးတၢ်ဒီးပှၤတဖၣ်အဖၢမုၢ်န့ၣ်, အမိၢ်ဒီးအဒီပုၢ်ဝဲၢ်တဖၣ်ဟဲတုၤဝဲလၢတၢ်ချၢဒီးဃ့ ကတိၤတၢ်ဒီးအီၤလီၤ.

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

လံာ်ပှၤစံၣ်ညီၣ်ကွီၢ် 13:14

အဝဲတဘၣ်အီၣ်တၢ်ဟဲလၢစပံးထူၣ်မ့ၢ်ဂ့ၤ, အဝဲတဘၣ်အီသံးမ့ၢ်ဂ့ၤ, စပံးထံမ့ၢ်ဂ့ၤ, တဘၣ်အီၣ်တၢ်အီၣ်လၢဘၣ်တၢ်တြီအီၤမ့ၢ်ဂ့ၤနီတမံၤဘၣ်. အဝဲကဘၣ်မၤတၢ်ကိးမံၤဒဲးလၢယတဲဘၣ်အီၤတဖၣ်န့ၣ်လီၤ.”

လံာ်နီၢ်ရူၤသး 3:6

မၤသးဒ်န့ၣ်ဒီး, နီၢ်ရူၤသးလဲၤလီၤဆူကြဲၢ်ပူၤဒီးမၤဝဲဒ် အမံၤပှၢ်ပိာ်မုၣ်စံးဘၣ်အီၤအသိးန့ၣ်လီၤ.